ROM 15:7-13

EPISTEL MINGGU IV DUNG TRINITATIS
Minggu, 05 Juli 2020

Topik Minggu: Dipasupasu Asa Gabe Pasupasu ( Diberkati Untuk Menjadi Berkat)

TURPUK: ROM 15:7-13

Huria ni Tuhanta na hinaholongan di bagasan Tuhan Jesus Kristus!

Adong  sada turiturian ni dakdanak taringot tu “Darapati.” Di sada tingki adong pitu (7) darapati na habang laho mangalului sipanganon. Turun ma angka darapati on tu sada balian laho mangalului eme na madabu ala na baru dope marpanen nampunasa balian i. Dialangi darapati on ma angka eme na madekdek i. Na so sadar angka darapati i, ro ma jorat (jala) na balga laho manangkup darapati i.

Ala naung hona jorat darapati i, rap ma dipahembang habongna habang tu ginjang so pola “masipaluaan” sandiri darapati i. Borat do darapati i laho habang, alai sai digogohon ma asa sahat tu sada hau. Dung sahat tu hau i, disangkothon darapati i ma jorat i tu hau i, laos habang ma sian ginjang tu toru, laos malua ma darapati i sian jorat i.

Sian turiturian i adong do sada hal na positif na boi tapasiajari. Aut sura “masiboan dalanna be” darapati i jala ndang sada arah ni darapati i mangalului sada hau asa sangkot jorat i, so boi malua darapati i. Alai, alani hasadaon ni darapati na habang tu sada tujuan, jala ndang siboan dalanna be boi dapotan haluaon nasida sian jorat i, tung pe borat di na laho habang darapati i.

Boi do on gabe sada gombaran di hita di na mandalani parngoluonta, lumobi ngolu ni parhuriaonta. Dapotan pasupasu do huria nang keluarga na tongtong maniop hasadaon ni roha. Jala i do na naeng dohonon ni turpuk on tu hita di partangianganta sadari on.

1. MASIJANGKONAN  MA  HITA  SONGON  PAMATANG  NI  KRISTUS
Laho manjangkon dongan jolma, sai tabahen do angka “kriteria” laho tusi. Olo do ala rap mamora, rap pogos, rap samarga, rap saulaon, rap burju, bahkan olo alani rap parjahat (satahi di na mangulahon hajahaton). I do na pinangido ni turpuk on laho manjangkon donganta?? Alusna: Daong! Ndang kriteria ni haportibion molo didok asa “masijangkonan” hita. Patar didok di ayat 7, “...masijangkonan ma hamu songon panjangkon ni Kristus di hita, bahen hasangapon ni Debata.”

Adong tiruan naung parjolo diulahon Tuhan Jesus tu hita asa boi taulahon na masijangkonan tu angka donganta na asing. Nunga dioloi Tuhan Jesus parsuruon ni Ama i ro tu portibi on laho paluahon jolma sian hamatean alani dosa. Dijangkon Kristus do hita sian ragam ni budaya, adat, halobian, hahurangan, profesi dohot bangso. Nunga patar hasintongan ni Ama i na marasi roha tu saluhut jolma asa unang hona uhum hita alani dosa.

Tiruan na sisongon i do naeng diulahon angka siihuthon ni Kristus di portibi on. Manjangkon angka dongan di angka hahurangan nang halobianna. Panjangkonon na taulahon i naeng patuduhon hasintongan ni Tuhan i marhite asi dohot holong ni roha ni Tuhanta na mangolu di hita. Hahurangan ni dongan ndang gabe alasan laho manorui nasida, jala halobian ni dongan ndang na gabe mambahen pangiburuon tu hita. Baliksa, molo adong hahurangan di hita ndang na gabe mambahen hita mandao sian donganta, jala halobian di hita ndang na mambahen ginjang rohanta maradophon donganta na asing.

Di tingki manjangkon donganta, disi do hita tumiru pangalaho ni Kristus na mansoadahon diriNa. Jala i do karakter ni halak Kristen na tutu: Mansoadahon dirina, manuhuk silang na adong di ibana, mangihuthon hata ni Tuhan Jesus marhite holong naung niajarhon tu hita. Holong i do na mamboan hita tu roha na manjangkon donganta, jala marhite roha holong, boi do lam godang halak na porsea tu Tuhanta. I do hangoluanta.

2. MARSADA  NI  ROHA  MA  HITA  LAHO  MAMUJI  TUHAN  JESUS
Tudosan na sederhana boi taida sian hata “marbada.” Ndang adong jolma na “sahalakna marbada,” ingkon adong do donganna laho mar-“bada.” Lapatanna: Molo adong dua halak na marbada, jelas duansa na sala, ala so adong pangoromon diri. Baliksa, molo tapatudos tu hata “marsada.” Ndang mungkin didok “sahalak jolma” marsada, alai ala adong dua manang lobi halak na “pasadahon dirina” asa didok mar-“sada.”

Masijangkonan asa tubu hasadaon ni roha songon na niarahon turpuk on ingkon marojahan di roha na rap mamuji jala rap pasangaphon Tuhan na tatanda jala tasomba, i ma Tuhan Jesus Kristus. Boha asa tubu roha na rap mamuji dohot pasangaphon Tuhan i di ngolunta? I ma marhite na manghamauliatehon saluhut na jinalo sian Tuhanta. Lumobi ma haluaon naung pinarade ni Tuhan Jesus tu hita angka na porsea.

So alani haburjuanta didok hita gabe panean ni HarajaonNa, sude holan ala asi ni rohaNa do. I do sihamauliatehononhon. Dung tahamauliateon saluhut pambahenan ni Tuhan i, taronjar ma di rohanta na mangolu di bagasan pamujion tu Ibana. Di bagasan roha pamujion i do tubu roha panghirimon. Manghirim di hangoluanta nuaeng na didongani Tuhan Jesus, jala di hangoluanta sogot na rap dohot Tuhan Jesus do hita di harajaonNa.

Dung mangolu panghirimon i di rohanta, gok ma dame dohot las ni  roha ngolunta on. Marhasurungan do jolma na marpanghirimon sian jolma na so adong panghirimon. Jolma na marpanghirimon, i ma jolma na margogo mandalani ngoluna, ala tongtong dipargogoi Tondi Parbadia ibana mangulahon nasa ulaonna na so maralo tu hataNa. Jala jolma na marpanghirimon “tanpa disadari” boi gabe pasupasu di donganna jolma, na dohot mangalehon gogo dohot semangat tu angka donganna. I do jolma na tarpasupasu. So holan na tarpasupasu, alai dohot do gabe pasupasu tu humaliangna. Amen.

Selamat mangarade di parmingguanta marsogot.

Tuhan Jesus mamasumasu hita saluhutna.

Pdt. Ferdinand Fernando Silaen.

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya