YOHANES 13:31-35



JAMITA MINGGU VII DUNG TRINITATIS
Minggu, 26 Juli 2020

Evangelium  : Yohanes 13 : 31 – 35  
Topik : Holong I Do Patik Na Imbaru 
     (Kasih Sebagai Perintah Baru)

Angka dongan na hinaholongan di bagasan Tuhan Jesus Kristus..!!

I. Parjolo masa sahit Covid-19 di negara China dohot di pigapiga negara di luar ni Indonesia,  menak do ianggo masyarakat Indonesia, taulahon do ulaon na somal di ingananta, jala pola adong na mandok “ndang sahat i tu negaranta on!” 

 Mardalan tingki, lam rarat ma sahit i, gabe sada Pandemi ma di portibi on, on ma mulana busisaon angka masyarakat Indonesia. Nangkok arga ni masker pola gabe maratus ribu sahat tu na sajuta, hape saleleng on molo manuhor sada masker hita, saribu rupiah do argana. Gabe maol ma jolma mangalului masker asa unang hona di sahit i.

 Tubu ma sada “krisis” di portibi on, tangkas ma tarida pangalaho ni jolma na tompu mangadopi hamaolon! Ala godang hepengna, godang ma dituhor masker i. Molo ndang adong hepengna, holan na marungutungut ma mamereng barita di Televisi. I do na masa piga bulan na salpu, ndung adong Pandemi Covid-19 di portibi on.

Sungkunsungkun: 
a. Didia Kristen hatiha i?
b. Tarida do halak Kristen di mula ni Pandemi Covid 19 i?
c. Na dohot do halak Kristen “menimbun masker” songon na masa di negaranta i?
d. Dipingkiri halak Kristen do angka donganna na so adong dope masker-na?

Angka dongan na hinaholongan di bagasan Tuhan Jesus Kristus..!!

II. Naeng jumpang ma masa “Krisis” hatiha na manghatahatai Tuhan Jesus tu angka siseanNa. Dipabotohon Tuhan Jesus, naeng ro na ma tingkina Anak ni Jolma i manaon na porsuk marhite na tarsilang di hau pinarsilang i.

 Patar ma dipaboa Tuhan Jesus na naeng masa i, jala na ingkon adopan ni angka sisean hatiha i. Patar dipaboa Tuhan Jesus tu angka sisean asa unang tarsonggot nasida mangadopi na masa i, jala diboto aha do na ingkon siulahonon ni nasida ndung masa songon na nidok ni Tuhan Jesus i.

 Dipaboa Tuhan Jesus do saluhutna, asa hot nasida gabe sisean na satia mamaritahon Barita na Uli tu liat portibi on. Asa unang mago boti angka pangajarion ni Tuhan Jesus saleleng na rap dohot nasida. 

 Uli do na sinurathon ni Evangelium Johannes on tu hita angka jolma. Tangkas do diarahon na ro do Tuhan Jesus mamboan “Padan Na Imbaru” tu angka jolma na porsea tu Ibana. Diboan Tuhan Jesus do “Haluaon na Universal” so holan tu halak Jahudi, alai tu sude jolma na adong di portibi on.

 Lam uli ala ondol do: “HOLAN TUHAN JESUS DO SOLUSI SIAN SALUHUT ANGKA NA MASA DI PORTIBI ON!” Yesus menjadi solusi di masa krisis! Yesus menjadi solusi dalam setiap permasalahan! Yesus menjadi penyelamat dari rantai iblis yang mengikat manusia.

Angka dongan na hinaholongan di bagasan Tuhan Jesus Kristus..!!

III. Ndang holan tu angka sisean diarahon hata ni Tuhan Jesus on, na dohot do tu hita nuaeng. Disoarahon turpuk jamita sadari on tu hita asa tangkas hita mangantusi jala manghangoluhon hadirionta songon angka siihuthon ni Kristus. Dia do sihangoluhononta sian hata ni Tuhanta sadari on?

1. JESUS I MA TUHAN SIPALUA JOLMA
 
 Godang dope halak Kristen molo sinungkun ise Tuhanna, maol mangalusi. Alani i do adong hata na mandok, “godang dope halak Kristen na abu-abu.” Jala godang do halak Kristen na terlena di ngoluna. “Makristenhon” dirina asa holan manjalo pasupasu, lupa do ibana hangoluan ni halak Kristen i ma na manuhuk silangna na dipasahat tu ibana.

 Dipaimbaru Tuhan Jesus do “Paradigma” na masa hatiha i, ala tongon di toru ni huaso ni halak Rom do nasida hatiha i. Molo adong jolma na diparsilanghon, didok ma ibana parjahat na so tarsesa be hasalaanna. Jala silang i do na papatarhon haleaon. 

 Dipaimbaru Tuhan Jesus do i gabe sada hamuliaon, na manaluhon saluhut huaso ni portibi on. Dipasangap do Ibana di hamuliaonNa, na marlapatan: Nunga monang Tuhan Jesus sian huaso ni sibolis. Ditaluhon Ibana do hamatean, jala nunga tajalo parbue hamonangan ni Kristus i di ngolunta.

 Silang do hangoluan ni halak Kristen, ala di silang i do tangkas hita mananda Tuhanta di bagasan Jesus Kristus. I do Tuhanta naung ro tu portibi on, dipatandahon do diriNa di bagasan goar ni Jesus. Unang adong be na ganggu di haporseaonna tu Tuhan Jesus. Marsangap do Tuhan Jesus di hamuliaonNa.

2. PARNGOLUON NI HALAK KRISTEN/ETIKA HAKRISTENON

a. Kristen Na Pauliulihon
 Ayat 13 dibuhai hata, “Jadi ndung laho ruar ibana...” Ise do ibana disi? Molo di Alkitab Bahasa Indonesia tangkas didok, “Sesudah Yudas pergi....” Saotik catatan: Taralat ma na tarsurat di Bibel Bahasa Batak songon di Bibel-hu, huruf na balga do “I” na mandok hata “ibana” i. Taganti “i” na i gabe huruf kecil “ibana.”

 Si Judas do sitiop puro / bendahara di “kelompok” ni sisean ni Tuhan Jesus hatiha i (Joh.13:28). Ala dibongoti sibolis si Judas hatiha i, dioloi ibana na mangadis Tuhan Jesus (Joh. 13:27).

 Manat ma hita di sude partingkian di ngolunta! Raphon Tuhan Jesus do si Judas hatiha i, boi do ibana disonggopi sibolis. Tudos do i: dipatolhas jamita di parmingguan, disonggopi sibolis ma ruas na maondokondok. Na marlapatan: mangula do sibolis di sude inganan, lumobi molo godang disi angka siihuthon ni Kristus, jala boi do songgop di angka siihuthon ni Kristus i.

 Ini adalah salah satu peringatan keras kepada orang Kristen agar jangan terlena di dalam menjalani kehidupan di dunia ini! Holan gale saotik, songgop na ma sibolis i tu dirinta!  Jala molo songgop sibolis, mapitung ma simalolongta marnida hasintongan, nengel ma sipareonta mambege hata ni Tuhan i. 

 Alai, di angka na masihohot jala satia di Tuhan i, sai begeonta do hata ni Tuhan i jala ulahononta do di bagasan parngoluonta. Ndung lao si Judas, disi ma diuduti Tuhan Jesus panghataionNa tu 11 sisean na satia tu Ibana.

 I ma na mangarahon hadirionta songon halak Kristen. Kita jangan menjadi “sumber masalah” tetapi hiduplah bersama dengan Kristus yang adalah solusi dari setiap permasalahan. Tapaumbuk ma tu Epistelta di 3 Musa 19:9-18 i:
- Ndang gabe partuktuhan ibana di angka na mapitung
- Ndang mambura ibana di halak na nengel
- Ndang papeolonna uhum
- Ndang paleahon halak na pogos jala pasangapon halak na mora asa adong pangomoan di ibana.

 Alai, Marparbue ma hita di angka ulaonta. Ala marparbue do jolma na satia tu Tuhan Jesus. Sai dipangke Tuhan Jesus do angka na satia gabe ulaula na metmet laho pauliulihon donganna.

 Asa boi tarpatupa di ngolunta: Jumolo do hita pasidinghon sibolis di rohanta asa begeonta Tuhan Jesus manghatai di bagasan rohanta laho mangulahon lomo ni rohaNa.

b. Kristen Na Patuduhon Anak Ni Tuhan Jesus
 Didok Tuhan Jesus tu angka sisean hata na saponggol patuduhon hadirion ni angka sisean, i ma di ayat 33, “Hamu angka anaha (Hai anak-anak-Ku)..” Hadirion angka siihuthon ni Kristus, i ma na gabe anak ni Tuhan Jesus. 

 Songon sahalak ama na jumolo mangalehon tiruan tu angka ianangkhonna, songon i do Tuhan Jesus jumolo patuduhon tiruan tu hita angka ianangkhonNa. “Estafet Pelayanan” akan sampai kepada murid-murid, oleh karena itu Yesus memberikan penekanan tentang identitas mereka.

 Jala songon sahalak ama na tongtong “mangaramoti ianangkhonna,” songon i do Tuhan Jesus tongong mangaramoti hita angka ianangkhonNa. Meskipun Yesus tidak akan bertemu kembali secara fisik kepada para murid, tetapi Yesus menjanjikan pemeliharaan penuh kepada mereka. Itulah yang harus kita hidupi.

 Unang ganggu jala unang mabiar hita di ngolunta molo mangolu hita di hataNa. Patuduhon ma hita songon anak ni Tuhan Jesus na mangulahon jala manghangoluhon Ibana di ngolunta di portibi on.

c. Kristen Na Mangolu Di Bagasan Holong
 On ma Patik na Imbaru na pinasahat Tuhan Jesus marhite turpuk jamita on (Ayat 34): “Naeng ma masihaholongan hamu; songon holong ni rohangKu di hamu, naeng ma songon i dohot hamu masihaholongan (Aku memberikan perintah baru kepada kamu, yaitu supaya kamu saling mengasihi; sama seperti Aku telah mengasihi kamu demikian pula kamu harus saling mengasihi).”

 Unsur teladan pribadi inilah yang tidak ada dalam Hukum Taurat, dan yang memberi alasan mengapa hal itu disebut sebagai perintah baru. Yesus merumuskan Hukum Taurat sebagai kasih terhadap TUHAN dan sesama manusia, tetapi “perintah baru-Nya” itu menambahkan dimensi baru yang kuat yang BERASAL DARI IKRAR PADA DIRINYA SENDIRI.

 On ma hasisingkop ni saluhutna. Tuhan Jesus do na pasingkophon Patik na adong di Padan na Robi. Marhite holong na nidokNa, singkop saluhutna harajaon na binoanNa tu portibi on. 

 Alai, tutu ndang sarupa holong na sian pangantusion ni portibi, sian holong na niajarhon Tuhan Jesus. Holong songon dia do na naeng hangoluhononta songon tiruan na binahen ni Tuhan Jesus i tu hita?
- Holong na mangalehon dirina humophop donganna (mau berkorban)
- Holong na di bagasan asi ni roha (ada kepedulian)
- Holong na di bagasan serep ni roha.

 I ma hangoluanta di Padan Na Imbaru na binoan ni Tuhan Jesus tu hita. Tangkas hita mananda Ibana, gabe lam tangkas ma hita mangulahon songon sahalak siihuthon ni Kristus di portibi on. Amen.

Syalom..!!

Selamat ari Minggu ma di hita saluhutna..!!

Tuhan Jesus mamasumasu hita..!!

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya