MARKUS 12:41-44



EPISTEL  MINGGU VI NDUNG TRINITATIS
Minggu, 19 Juli 2020

TURPUK: MARKUS 12 : 41 - 44

Huria ni Tuhanta na hinaholongan di bagasan Tuhan Jesus Kristus!

Nunga martaontaon hita gabe halak Kristen, jala somal do di angka Partangiangan dohot Parmingguan tapasahat peleanta. Aha do na mangonjar rohanta pasahat pelean tu Tuhan i? Hasomalan do? Asa unang maila do? Keterpaksaan do? Manang na nionjar sian rohanta? Tanda do i di na pasahathon pelean i hita di angka Partangiangan dohot Parmingguanta. Jala tanda do i di na paradehon pelean i hita andorang so tapasahat peleanta i.

Songon naung tajaha di turpukta sadari on, na hundul Tuhan Jesus di sada inganan na adong di bagas joro tondonghon poti parasian/poti pelean. Disi do  halak Jahudi pasahathon angka peleanna. Diida Tuhan Jesus songon dia halak Jahudi pasahathon peleanna: torop do angka na mora na mandabuhon na godang huhut marsoara paboahon pelean na pinasahatna. Laos ro ma sahalak ina na mabalu na naeng pasahathon peleanna. Dijou Tuhan Jesus ma angka siseanNa asa mamparrohahon pelean na pinasahat ina na mabalu i. Ala hapogosonna, dipasahat inanta i ma dua rimis, i ma sasen. 

Hupatorang hami ma saotik hira sadia do arga ni si dua rimis i. Rimis (Indonesia: Peser) i ma hepeng na pinangke di masa ni Kaesar Alexander Janus jala targoar do i “Koin Alexander Janus.” Koin Alexander Jannus dipatupa sian perunggu jala dipangke do i sahat tu awal tahun Masehi. Sada rimis i ma 1/8 sen manang 0,125 sen. Molo pinangke kurs Dollar AS di tanggal 14 Juli 2020, $1 sarupa do tu Rp 14.425. Jadi sada rimis sarupa do tu Rp 1.803,125. Ala dua rimis do na pinasahat ni ina na mabalu i, molo di Rupiah godangna Rp 3.606,25.

Tutu do molo sian godang ni hepeng i, tardok “otik” do i. Ala hepeng Rp 3.606,25 di partingkianta nuaeng ndang boi dope manuhor “sakilo boras.” Alai, holan i do hepeng na adong di inanta i, jala tutu do na nidok di Bibelta, na pogos do ianggo inanta na mabalu i. Ndang adong be hepengna dungkon ni si dua rimis i. 

Didok Tuhan Jesus hata “Gumodang do na nidabuhon ni na mabalu na pogos an tu bagasan poti parasian i, asa saluhut angka na mandabuhon i” (ay.43). Naeng mandok, adong dibahen Tuhan Jesus songon “perbandingan” ni pelean ina na mabalu i dohot sude angka na pasahathon pelean di bagas joro i. Naung dietong manang dibilangbilangi Tuhan Jesus do sude pelean na dipasahat di bagas joro i? I do, dibilangbilang i Jesus do i saluhutna, alai ndang sian “kacamata” ni jolma Tuhan Jesus mamilangmilang i, alai sian “kacamata” manang “sudut pandang” ni partondion ni jolma na ro i.

Boasa didok Tuhan Jesus gumodang na pinasahat ina na mabalu i sian angka na torop? Ala dipasahat inanta i sian hahuranganna, jala na torop i pasahathon pelean sian halobianna. On do na hinalomohon ni Tuhan Jesus tu angka na porsea. Pelean i do na gabe parbue ni haporseaon. Porsea jala ndang mabiar inanta i manguduti parngoluonna, tung pe naung dipasahat saluhut parngoluonna marhite pelean i, ala holan i do arta ni inanta i. Balga ni haporseaon i do na mambahen las roha ni Tuhanta.

Boasa dipasahat inanta i parngoluonna marhite hepeng na adong di ibana i “sude” tu bagas joro? Ala jumolo dipanghilalahon ibana naung diramoti Tuhan i ngoluna. Mangolu pe ibana hatiha i, sude alani Tuhan i, jala molo tung pe marujung ngoluna, tongtong manghirim ibana asa di bagasan Tuhan i. Ndang ganggu ibana di ari sogot, ala sude dipasahat ibana ngoluna tu Tuhan i, jala pos rohana ditiop Tuhan i do ngoluna. 

Jala songon i di hita halak Kristen di partingkianta nuaeng laho pasahathon peleanta. Ndang gabe pelean na hushus molo so nionjar roha na mandok mauliate hita di pangaramotion ni Tuhan Jesus di ngolunta. Ndang gabe pelean na hushus molo so jumolo dirinta na tapasahat gabe pelean na mangolu, ala i do na ummarga di Tuhan i, jala i do bagian ni roha na marhadaulaton.

Suhatsuhat ni Tuhan Jesus i, ndang na balga ni pelean i secara nominal, alai roha dohot haporseaon do na rumingkot diida Tuhan i. On do na mangalo pandohan na mandok, “Tarhona mangalehon tu huria i, mangan pe ahu maol.” Tuhan i pe ndang las rohaNa molo adong “keterpaksaan” di hita. Jala dipasahat pelean i so alani marhahurangan Tuhanta i, alai naeng marnida songon dia do haporseaonta tu Ibana. Lam dibagasan hamaolon hita, lam disi ma naeng diida Tuhan Jesus hita pasahathon diri tu Ibana manang ndaong.

Jadi, unang masa be parungutunguton, ingkon di bagasan las ni roha hita pasahathon pelean asa las roha ni Tuhanta manjalo peleanta. Jala tapasomal ma paradehon dohot denggan di tongatonga ni bagasta andorang so tapasahat peleanta tu Tuhan i. I do parbue ni haporseaonta jala marhite pelean i do patuduhon hita na marpos ni roha di na mandalani parngoluonta. Pasahat ma na dumenggan tu Tuhan i ala naung tajalo na dumenggan di ngolunta, lumobi dirinta na gabe pelean na mangolu na hinalomohon ni Tuhanta Jesus. Amen.

Selamat mangarade ma hita di parsaoranta dohot Tuhan Jesus di ari marsogot.

Tuhan Jesus mamasumasu hita saluhutna!!

Pdt. Ferdinand Fernando Silaen.

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya