PANGUNGKAPON 7:1-3 / WAHYU 7:1-3

EPISTEL MINGGU II DUNG TRINITATIS
Minggu: 21 Juni 2020

TURPUK: PANGUNGKAPON 7:1-3
Topik Minggu: Joujou Mangaradoti Angka Na Tinompa (Panggilan Memelihara Ciptaan)

Huria ni Tuhanta na hinaholongan di bagasan Tuhan Jesus Kristus!

“Aha ma naung tarbahen ahu di ngolungkon di haporseaonhu tu Tuhan Jesus??” Sada sungkunsungkun na manulingkiti pardalanan ni ngolu haporseaonta sahat tu sadari on. Hira dia do na boi gabe alus di hita taringot tu sungkunsungkun i? Lumobi ma di na masa nuaeng on, na mambahen songon na humasusa pingkiranta, mambahen marungkil, mambahen mabiar jala boi gabe songon na ganggu haporseaonta. Maol situtu do hita mangantusi na masa nuaeng on. Pola gabe sungkunsungkun roha, “naung dipasombu Tuhan Jesus do hami halak Kristen dohot angka dongan na asing marungkil alani na masa on?” 

Hira naeng sarupa do na masa di halak Kristen hatiha i. Marungkil do nasida maniop haporseaonna. Bertarung nyawa do nasida antara mangolu dohot na mate. Masa do hatiha i pangaleleon tu halak Kristen molo dipatuduhon nasida Hakristenonna, i ma marhite Kaisar Domitianus na sian harajaon ni Romawi, na pabangkithon dirina gabe sisombaon manang dewa. Ganup na manulak haunduhon laho marsomba tu kesar on, dapotan uhum na mansai borat, pola gabe agoan hosa.

Dua do sipilliton ni halak Kristen hatiha i. Molo dipasiding nasida haporseaonna jala marsomba tu Kesar, mangolu ma nasida manguduti ulaonna di portibi on. Baliksa, molo dipartahanhon nasida haporseaonna, togu maniop Jesus Kristus, dapotan uhum na mansai borat do sian Kesar jala boi nasida mangujungi parngoluonna di portibi on. Songon i ma dokdok ni sitaonon angka na porsea hatiha i di na maniop haporseaonna tu Jesus Kristus. 

Alai, tung songon i pe dokdok ni sitaonon ni halak Kristen hatiha i, laos disi do ro Tuhan i patuduhon huasoNa tu angka na porsea. Di bagasan turpuk on, jumpang hita ma panghirimon na mangolu taringot tu ujung ni pardalanan di sisik ni hasiangan on. Jumolo ma digombarhon buku Pangungkapon on rumang ni sitaonon na ingkon boluson ni halak na porsea di Jesus Kristus. 

Dibuhai ma di ayat 1 na mandok, “Dung salpu i, huida ma opat surusuruan jongjong di na opat desa i tano i, angka na maniop na opat alogo ni tano i, asa unang mangombus alogo di tano, nang di laut nang tu sada hau pe.” Dang adong inganan partabunion ni jolma be, ala opat surusuruan maniop na opat alogo ni tano i (Empat penjuru mata angin: Utara, Purba/Timur, Dangsina/Selatan dohot Pastina/Barat) asa unang mangombus alogo di tano i, nang di laut nang tu sada hau pe. Taboto do molo sanga masa songon i di portibi on, ndang tagamon sude angka na adong di portibi on mangolu, nda holan hamatean sambing panghorhon ni i. 

Alai laos disi ma ro surusuruan na asing hehe sian habinsaran ni mata ni ari na maniop sahap ni Debata na mangolu (datang seorang malaikat lain muncul dari tempat matahari terbit membawa materai Allah yang hidup). Laos didok, “Unang ma ago hamu tano nang laut nang angka hau, paima husahapi hami angka naposo ni Debatanta di bohinasida be! (Janganlah merusakkan bumi atau laut atau pohon-pohon sebelum kami memeteraikan hamba-hamba Allah kami pada dahi mereka!).”

Ndang dipasombu Tuhanta hita tongtong mangadopi parungkilon. Disarihon do hita dohot angka na tinompa malua sian hamagoan. Ima marhite haroro ni Tuhan Jesus na parpudi sahali. Disi do dapotan tumpal hangoluan angka na satia jala maniop gomos haporseaonna saleleng mangolu di portibi on. Tung pe digosagosa portibi on jala pola sahat tu agoan hosa, alai ndang na gabe i ujungna.

Nunga diparade “hamuliaon” ni angka naposo ni Tuhan Jesus, i ma angka na manghangoluhon hataNa, mangulahon hataNa, dohot na pararathon hataNa saleleng mangolu ibana. On ma apulapul jala on ma panghirimon di hita halak siihuthon ni Kristus. Tung mubauba pe portibi on, alai hot do ianggo Tuhan i. Dipalua do hita saluhutna angka na satia.

Alani i, binsan dilehon dope tu hita partingkian mandalani ngolunta, unang marisuang tingkinta, tahaholongi ma hangoluan! Hangoluan na sian Tuhan Jesus i ma: manjaga habadiaon ni dirinta asa unang tadatdati mangulahon dosa, manghaholongi angka donganta jala mangaradoti angka na tinompa. Dungkon i, tajalo ma sahap (materai) na sian Tuhanta songon angka naposoNa hita na dohot gabe panean di harajaon banua ginjang. Amen.

Selamat mangarade di parmingguanta marsogot.

Tuhan Jesus mamasumasu hita saluhutna.

Pdt. Ferdinand Fernando Silaen.

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya