ENDE 8:5-7 / KIDUNG AGUNG 8:5-7

MINGGU III DUNG TRINITATIS

Minggu, 28 Juni 2020

EPISTEL: ENDE 8 : 5 - 7

Topik: Pajongjong Bagas Na Martua 

              (Membangun Keluarga Bahagia)

Huria ni Tuhanta na hinaholongan di bagasan Tuhan Jesus Kristus!

Parpudi on, songon na Viral do di Media Sosial (Facebook) Sinetron na dipatupa di sada Stasiun Televisi, na manggombarhon situasi pardongansaripeon. Hira ganup episode sai dibahen do parompuan songon na gabe korban ni amantana (suami). Jala molo sai dipaihutihut, angka horong parompuan do na satia mangihuthon sinetron i. Boasa gabe lomo roha ni angka parompuan mangihuthon sinetron i? Ala hira i do na gabe dalan nasida laho marsiajar, asa unang songon i parumahtanggaon ni keluarga nasida.

Alai, lam dipaihutihut sai olo do sinetron i mambahen tubu angka pamingkirion na negatif jala olo mambahen tubu “rasa curiga” di tongatonga ni keluarga. Hape, molo di tongatonga ni rumatangga, sai unang ma masa angka na sisongon i. Ingkon tapadao pamingkirion na negatif dohot rasa curiga tu dongan saripenta.

Alani i, dipaingot turpuk on do hita taringot tu perumatanggaon na sintong di adopan ni Tuhanta. Holan ualu (8) bindu do buku Angka Ende on di Bibelta, alai sude do manaringoti holong ni baoa tu parompuan dohot holong ni parompuan tu baoa. Jala i do gombaran ni angka siihuthon Kristus, na manghaholongi Kristus di ngoluna jala Kristus manghaholongi hita di ngolunta.

Somal do nuaeng tapaihutihut angka Partumpolon dohot Pamasumasuon na patupahon “Tukar Cincin.” Pamingkirion ni sundut naumposo, tintin i do gabe sada “simbol” di tongatonga pardongansaripeon nasida. Bentuk lingkaran yang menyimbolkan cinta dan kasih yang tidak akan pernah ada ujungna dan logam mulia (emas pada umumnya) menandakan cinta yang sangat mulia dan tidak akan berkarat sampai maut memisahkan.

Alai molo tapaihutihut angka na masa, boi do gabe jaminan angka na patupahon “tukar cincin” ndang adong parsirangan di pardongansaripeon nasida? Sai adong dope na marsirang di tongatonga ni pardongansaripeon i tung pe naung dipatupa “tukar cincin.” Lapatanna, ndang gabe jaminan “tukar cincin” mambahen parsaripeon hot sahat ro di ujung ni ngoluna. Jala ndang alani tintin i hot pardongansaripeon ni keluarga, lumobi pardongansaripeon ni halak Kristen.

Nuaeng, taida ma na gabe “kunci” ni pardongansaripeon ni halak Kristen dohot hasatiaon na mangihuthon Kristus marhite turpuk jamita di partangianganta sadari on:

1. Holong Ni Roha Do Ojahan Ni Pardongansaripeon (Ayat 5)

Molo sinungkun angka na naeng mardongansaripe di tingki “Konseling Pranikah,” marragam do “latar belakang” ni nasida jala marragam do dalan nasida laho pajumpang di tingki marsitandaan. Alai tung marragam pe “latar belakang” dohot dalan nasida di parjumpanganna na parjolo, alai dirahut holong do nasida asa marsangkap gabe dongan saripe.

Holong ni roha i do rahutrahut na sun denggan na gabe ojahan di pardongansaripeon i. Alani i, jotjot didok angka parjamita di Ulaon Pamasumasuon, “Tidak cukup membentuk rumah tangga hanya karena jatuh cinta, tetapi setelah itu haruslah membangun cinta!” Sian ragam situasi dohot kondisi ni parjumpangan na mamboan pangoli dohot oroan gabe marsitandaan, sai torus ma mangolu di bagasan holong ni roha, asa hot ojahan ni pardongansaripeonna.

Songon i do Hakristenonta sahat tu ujung ni ngolunta. Aha pe na “mamboan” hita gabe halak Kristen, asa holan holong ni rohanta tu Tuhan Jesus do na boi mambahen hot Hakristenonta. Sai tapadao ma angka “pangalangkupon” (perzinahan dan perselingkuhan) tu tuhan na asing. Sai tongtong ma mangolu hita di hasatiaonta manghaholongi Tuhanta Jesus asa mangolu hita di bagasan holong ni rohaNa na so ra suda.

2. Holong Ni Roha Do Na Gabe Tintin Sahap Di Bagas Na Martua (Ayat 6)

Patupahon “tukar cincin” sae ma holan simbol (molo tung dipatupa di na laho mardongansaripe). Cincin tidak dapat disakralkan sama sekali di dalam rumah tangga yang akan menjalani kehidupan berkeluarga. Alani, didok di turpuk on “Tintin Sahap” (materai) na boi pahothon jala jaminan ni pardongansaripeon. Aha do tintin sahap i? I ma holong ni roha. 

“Bahen ma ahu songon tintin sahap tu bagasan roham, songon tintin sahap tu botohonmu. (Taruhlah aku seperti materai pada hatimu, seperti materai pada lenganmu).” Jaminan keutuhan rumah tangga tidak didasarkan pada hal fisik/benda/material, tetapi jauh lebih dalam adalah cinta dan kasih yang lebih berharga daripada yang ada di dunia ini. Aut sura fisik, materi, pinompar, arta, haulion jala sude ukuran ni portibi tapangke di na laho mampartahanhon pardongansaripeon, ingkon salpu do perumatanggaon i songon salpu ni portibi on. 

Didok di turpuk on, “bahen ma ahu (taruhlah aku)” tu bagasan roham dohot tu botohonmu na gabe tintin sahap i. Haradeonta manjalo hahurangan dohot halobian ni dongan saripenta i do na patuduhon holong ni rohanta na boi mambahen hot keluarganta. Di roha dohot di pangulaonta, sai tongtong unang mago holong ni rohanta tu dongan saripenta. Molo sai torus nasida taingot di roha dohot di tingki pangulaonta, laos i do mambahen hita mandao sian angka pangalangkupon na boi mambahen sega pardongansaripeon.  

I do na gabe “alasan” ni Tuhan Jesus hot di bagasan holongNa maradophon hita. Sai jotjot do hita madabu di bagasan dosa, alai ndang hea ditadinghon Ibana hita. Sai torus ditogutogu, diparmudumudu jala dipasupasu pardalanan ni ngolunta. Sude ala holong ni rohaNa do tu hita.

“Ai tung na gogo do haholongon i, songon gogo ni hamatean.” Ise do na boi manaluhon “hamatean” so holan Tuhanta Jesus! Songon i do holong ni roha i tu keluarga nang dongan saripenta. So adong na boi manegai pardongansaripeon molo holong ni roha do na gabe ojahanna, so holan alani Tuhanta na “manirangkhon” hita marhite hamatean.

Songon na nidok ni Pandita di tingki pamasumasuon, “Na pinadomu ni Debata, ndang jadi sirangon ni jolma (Yang dipersatukan oleh Tuhan tidak boleh diceraikan manusia).” Naung dipadomu Tuhanta do hita dohot dongan saripenta, jala holan Tuhan i do na “berhak” laho manirangkhon hita marhite hamatean. Jala martua do pardongansaripeon na tongtong mangolu di bagasan holong ni roha.

 

3. Hagogoon Ni Holong Ni Roha Na So Taraup Angka Batang Aek (Ayat 7)

Andul umbalga do hagogoon ni holong sian hagogoon ni aek magodang dohot batang aek. Tung pe mangadopi angka hamaolon ni rumatangga, isarana: parianangkhonon, ekonomi, pihak ketiga dohot angka hamaolon na asing, molo hot hita maniop holong ni roha, ndang boi tarsirang pardongansaripeonta i. Di bagasan holong ni roha do jumpangta dame, halambohon, hatomanon dohot hasatiaon. Laos i do gogonta mangadopi saluhut tantangan, masalah dohot hamaolon di tongatonga ni keluarga.

Songon holong ni roha ni Tuhan Jesus tu hita na so boi  ditaluhon portibi on dohot gogo ni sibolis, songon i do rohanta di na mangaholongi keluarga, lumobi dongan saripenta. Ala nunga dipatuduhon Tuhanta i tu hita holong ni roha, i do tiruonta jala i do na ingkon hangoluhononta saleleng mangolu hita di portibi on. Amen.

Tuhan Jesus mamasumasu hita saluhutna.

Pdt. Ferdinand Fernando Silaen.