3 MUSA 25:1-13 / IMAMAT 25:1-13

EVANGELIUM  MINGGU  II NDUNG TRINITATIS


Turpuk                      : 3  MUSA 25 : 1 - 13

Topik Minggu         : Joujou Mangaradoti Angka Na Tinompa 

                                     (Panggilan Memelihara Ciptaan)

                                                                             

I.                   Patujolo

Buku 3 Musa on jotjot didok “Patik Habadiaon/Hukum Kekudusan.” Badia na nidokna ndada holan tu na ringkot di hajolmaon, alai dohot do mandok naung disirang sian hadosaon marhite na paholang diri sian hadosaon. Songon i ma jolma i gabe ias laho masihaholongan, masijanghonan dohot mangargahon donganna jolma marhite pambahenan na denggan. Di Buku on, dipahombar tu haluaon ni hatoban baoa dohot boruboru na tarsurat di 2 Musa 21:2-6 na digoari Tahun Yobel na taringot tu haluaon ni hatoban. Disi ma haluaon nasida laho manghalashon gogo ni na niula nasida saleleng na onom taon i. Alai tutu onom taon ma na lumelengna sahalak jolma mangula songon hatoban, dung i malua ma ibana mulak tu bagasna dohot tu arta ugasanna.

 

II.                Hatorangan Ni Turpuk

A.    Aturan Taringot Tu Taon Sabbat (Ayat 1-7)

            Ayat 1: Ro ma hata ni Jahowa tu si Musa di dolok Sinai. Musa na pinillit ni Jahowa laho paluahon bangso Israel sian tano Misir tu tano na pinarbagabaga ni Debata, i ma Tano Kanaan. Nunga haruar nasida sian parhatobanon Misir, jala andorang so sahat nasida tu tano Kanaan, jumolo do dibahen Debata songon “Paraturan” tu nasida laho gabe bangso ni Debata. Dolok Sinai ma na didok di turpuk on na gabe inganan na badia, na mamuhai angka “Paraturan” sian Debata tu bangso Israel.

            Ayat 2-4: Dibahen Jahowa do Paraturan tu bangso i songon on:

a.    Ingkon patalunon (mendapatkan masa perhentian penuh/istirahat) do tano i marparadianan Sabbat di Jahowa, i ma di taon papituhon

b.   Onom taon lelengna saburon nasida ladang jala onom taon lelengna paiasiason nasida ranting ni hau anggur dohot papunguhon angka parbuena.

c.    Taon papituhon, i ma Sabbat di Jahowa, maradian ma nasida sian ulaon i asa panganon ni angka na pogos sian bangso i, jala tinebahon (dibiarkan) bangso i asa panganon ni binatang di ladang (2 Musa 23:10-11).

            Ayat 5: “Alai anggo sagak....(gandum yang tumbuh sendiri)” di taon papituhon i, na tubu dung salpu gotilon, ingkon patalunon, asa i ma na gabe panganon ni angka na pogos sian bangso i dohot tu angka binatang di ladang. Angka parbue ni hau anggur na so pinaias nasida (“Nazir”, merujuk pada orang yang membaktikan diri untuk pelayanan kepada TUHAN; bnd “Nazir” dalam Hakim-Hakim 13:5) di taon papituhon i, ndang jadi tapuon nasida, ala i do na ingkon dipasahat tu Debata.

            Ayat 6-7: “Gogo ni tano di taon paradianan Sabbat i,” i ma angka “sagak,” na so sian pangulaon ni bangso i, i do na ingkon panganonnasida. Suatu kebiasaan di zaman kuno yaitu satu kali dalam tujuh tahun mereka tidak mengerjakan tanah atau menanam benih-benih di di dalamnya, tetapi hanya membiarkan tumbuh di sana gandum, sayur atau buah yang liar. Hasil tanah yang tidak dikerjakan manusia pada tahun ketujuh adalah murni hadiah dari TUHAN, apapun yang tumbuh pada tahun ketujuh, itulah yang menjadi hak manusia dan juga segala binatang liar.

             Tudos tu jolma na ingkon maradian di ari papituhon ganup minggu, songon i do tano i “maradian” sataon na parpudi (taon papituhon) ndung sae onom taon pangulaan. Taon i do na gabe “hubungan/interaksi” ni Debata tu tano i. Na naeng mangalehon pangantusion tu bangso i, ai tano na niula ni nasida, silehonlehon ni Debata sambing do i (bisa diartikan sebagai “hadiah”), jala ingkon adong do “jambar” tu Debata, ala Ibana do nampunasa.  

 

B.     Aturan Taringot Tu Taon Parolopolopon (Ayat 8-13)

            Ayat 8-9: Bilangon nasida ma pitu taon paradianan Sabbat, i ma pitu hali pitu taon, asa leleng ni na pitu taon paradianan Sabbat gabe opat pulu sia taon (7 taon hali 7 taon, gabe 49 taon). Disi ma ingkon manghuling bahenon ni bangso i soara ni sarune tingting (Heber: “Syopar,”Sangkakala, Tanduk Domba Jantan) di bulan sipaha pitu di ari sampulu (Bulan yang ketujuh menurut kalender Babel, bulan ini disebut Tisyri, yang dimulai kira-kira pada pertengahan bulan September dan berlangsung sampai pertengahan bulan Oktober, yaitu dalam musim gugur/rontok), i do na gabe Ari Pardengganan (Hari Raya Pendamaian). Ari Pardengganan, i ma na mamuhai taon na imbaru, ala disi do dibuhai mamestahon “Tahun Yobel.”

            Ayat 10: “Ingkon parbadiaan ni nasida do taon palimapuluhon..” Dibahen nasida ma taon palimapuluhon, i ma sada taon dung mardalan opat pulu sia taon songon na didok ayat 8 gabe “Taon Na Badia” jala taon parolopolopon di nasida. Disi ma ingkon tingtinghonon ni nasida “Haluaon” di tano i tu saluhut halak pangisina. Implikasi ni haluaon na didok di ayat on, taida ma di Ayat 25-28 di bindu 25 on. Sada parningotan di huaso ni Debata na paluahon nasida sian parhatobanon, asa sude manghilala songon bangso na dipalua Debata. I ma na gabe “ciri khas Tahun Yobel.”

            Ayat 11: I ma “penegasan ulang” Paraturan di ayat 4-5.

            Ayat 12: Ingkon marolopolop do bangso ni Debata jala ingkon badia nasida mangulahon Parenta ni Debata songon na dibahen di hatorangan ni ayat 6-9.

            Ayat 13: Angka naposo/hatoban ni halak Israel siala ni angka parutangan, ingkon mulak do hutana. Aut sura na so boi dope nasida manggarar utangna, di taon parolopolopon, ingkon dipalua nasida / malua boti tu partalianna (3 Musa 25:26-28).

 

III.             Sipahusorhusoron

Sian Bindu 25 on dapotonta do pigapiga prinsip songon Bango na pinillit ni Tuhanta:

1.      Debata Sitompa Langit, Tano Dohot Nasa Isina

Ibana do na manompa, laos Ibana do nampunasa. Dilehon Debata do “tugas/siulahonon” ni jolma asa dipaulaula jala diramoti angka na tinompa ni Debata. Marhite i ma dipaingot tu angka jolma asa dipadao roha “hamongkuson” laho manait tu dirina sandiri, gabe so “perduli” tu ekosistem na adong di portibi on. Manusia harus mempertanggungjawabkan tugas yang diberikan Tuhan kepadanya untuk mengusahakan, merawat dan menjaga alam sekitar beserta dengan isinya.

2.      Marholong Ni Roha Tu Angka Jolma Na Ringkot Siurupon

Dibahen do istilah di turpuk on: “halak na pogos,”i ma halak na ringkot siurupon. Ala angka na tinompa ni Debata do nasida laos holong do roha ni Debata tu nasida. Songon i do nang angka jolma ingkon marholong ni roha tu angka na pogos, angka na ringkot siurupon asa patuduhon songon bangso na pinillit ni Tuhanta.

3.      Mandok Mauliate Jala Marolopolop Tu Angka Silehonlehon Ni Debata

Ngolu ni jolma na porsea, i ma ngolu na manghamauliatehon basabasa dohot pasupasu na ro tu Ibana. Ndang holan manompa, dohot do mangaramoti sahat tu na paluahon hita sian parhatobanon ni dosa, i do na pinatuduhon ni Tuhanta marhite Tuhan Jesus Kristus. Songon angka siihuthon ni Kristus hita, tapatuduhon ma songon halak na malua, ndang songon hatoban hita alai songon anak ni mata. Mandok mauliate di parngoluonta jala marolopolop ala tongtong dope diramoti hita sahat tu sadari on. Amen.



SELAMAT ARI MINGGU MA DI HITA SALUHUTNA.


TUHAN JESUS MAMASUMASU HITA.


 

Pdt. Ferdinand Fernando Silaen

Komentar

Posting Komentar

Postingan populer dari blog ini

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusa...
Baca selengkapnya

MANISIA NA MAMINISIAHON MANISIA ( 5 MUSA 24 : 17 - 18 )

Gambar
SERMON EVANGELIUM MINGGU XXI DUNG TRINITATIS HKBP Ressort Palembang Di Ari Senin, 18 Oktober 2021 Turpuk : 5 Musa 24 : 17 – 18  Topik : Manontong Marholong Ni Roha Di Dongan ( Hidup Rukun Dengan Sesama )   I.       PATUJOLO “ My mama told me when I was young: we are all born superstars ” (Lapatanna: Dipaboa dainang pangintubu di tingki haposoonhu: sude jolma sorang tu portibi on asa gabe jolma na hasea/“ superstar ”/” bintang ”). Saponggol syair ni ende na berjudul “ Born This Way, ” niendehon sahalak parompuan na margoar Lady Gaga . Ende i borhat sian na nialamanna saleleng mandalani ngoluna jala hea do nasida manghilala sahit na nidokna “ post traumatic stress disorder, ” sada sahit alani parungkilon na so tarjalo ni rohana. Marhite ende “ Born This Way ” jala na masa naung nialaman Lady Gaga , pabotohon tu na umbege ende i, na godang do di humaliangta angka jolma na “ termarginal ” jala na gabe “ korban ketidakadilan ” dohot “ ...
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evang...
Baca selengkapnya