JOHANNES 1:29-34

EPISTEL MINGGU TRINITATIS
Minggu, 07 Juni 2020
Topik Minggu: Hamuliaon Ni Jahowa Di Angka Na TinompaNa
(Kemuliaan Allah Atas CiptaanNya)

EPISTEL: JOHANNES 1:29–34

Huria ni Tuhanta na hinaholongan di bagasan Tuhan Jesus Kristus!

Dung masa media sosial di negaranta, lam godang do na mamangke Facebook, WhatsApp dohot media sosial na asing laho bersosialisasi dohot donganna na asing, so pola terbatas di dia ibana maringanan. Laos marhite media sosial  on do godang jolma na manghatahon na adong di rohana dohot informasi na nidapotna. Uli jala denggan do mulana dipangke jolma media sosial on.

Mardalan ma tingki, di pigapiga taon na parpudi on, tubu ma hata na ginoaran HOAX (barita na so sintong) na jotjot tarida di angka media sosial. Hira sabulan na salpu, Viral do barita taringot tu dakdanak na baru sorang, boi ibana manghatai. Didok dakdanak i do, ingkon diallang do “Telur Ayam Rebus” gabe ubat jala na boi mencegah sahit Corona. Godang ma jolma na humalaput mambege barita i, pola sian jam 12 borngin godang na manelepon keluarga dohot sisolhotna asa hatop ma dilompa jala diallang “Telur Ayam Rebus” i. Pola godang angka parkode tarsonggot adong jolma tonga borngin sahat tu manogot ni ari manuhor tolor manuk. I ma na nidok barita HOAX i, laos godang do tarida panghatindanghonon ni jolma marhite media sosial na so sude na tingkos.

Di sude halak Kristen, diarahon Tuhan Jesus do gabe “sitindangi” dohot na mamaritahon barita na uli marhite angka ulaonna siganup ari. I do ulaonta jala i do hangoluanta. Alai, sai adong dope deba na so polin pamaritahononna taringot tu barita na uli ala angka informasi na so binoto dope habonaronna. Alani i, dipatuduhon si Johanes ma dirina na gabe sitindangi ni Kristus na mamaritahon hasintongan ni Tuhan Jesus.

Dia do rupani na ingkon sitindangionta dohot sibaritahononta taringot tu Tuhanta Jesus? Andorang so tahatindanghon jala tabaritahon Ibana di ngolunta, naeng ma jumolo tangkas hita marsitandaan tu Tuhan Jesus ganup marsadasada (secara pribadi). Lapatanna, naeng ma jumolo jonok hita marparsaoran tu Ibana, marnida Ibana di ngolunta jala mananda soaraNa na mangarahon hita mangulahon na hinalomohon ni rohaNa.

Dung manaek Tuhan Jesus tu banua ginjang, dipasaorhon do Tondi Parbadia tu ganup halak na maniop gomos haporseaonna tu Ibana. Tondi Parbadia do na mangajari jala na marmudumudu ngolunta di portibi on. I do na gabe syarat utama di hita di na laho gabe sitindangi ni Kristus. Songon dia do hita gabe panindangi na so hea hita mananda tangkas ise na tahatindanghon i? Alani i, sude teori taringot tu Tuhan Jesus, ndang boi singkop molo so Tuhan i sandiri na patuduhon hadirionNa tu hita. Ulaon na maol do i molo sai tarihot dope hita di huaso ni portibi on dohot di angka hagiot ni daging. 

Ala Tondi do na naeng mangajari hita, ingkon jumolo do adong haradeon sian partondionta. Ulaon ni Hakristenon, i ma ulaon ni Tondi, alani i ingkon Tondi do na manghatai jala na mangula. Molo daging dohot pamingkirionta dope na tapangasahon di na mandalani Hakristenonta, sahat tu na marujung pe ngolunta, ndang boi hita tangkas mananda ise Jesus na tasomba i.

So alani pendidikan Theologi manang tohonan di huria boi hita tangkas mananda Tuhan Jesus. Alai, pangoloion, haserepon dohot parsigantunganta tu Ibana do na boi paloashon Tondi Parbadia mangula di ngolunta. Dung pajumpang hita dohot Ibana di angka parsaoranta di bagasan tangiang dohot partangianganta, disi ma hita boi gabe Sitindangi na hinalomohon ni Tuhan Jesus. Taoloi ma Tondi Parbadia na mangajari hita mananda tangkas “Jesus Anak ni Ama i Sipalua jala Tuhanta” na mangondihon parngoluonta nuaeng nang sogot pe. Amen.

Selamat mangarade ma hita di na laho marsaor dohot Tuhanta di ari marsogot, di Gareja nang di tongatonga ni bagasta.
Tuhan Jesus mamasumasu hita.

Pdt. Ferdinand Fernando Silaen.


Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya