KELUARAN 18 : 17 - 23 / 2 MUSA 18 : 17 - 23


 

EPISTEL MINGGU XVIII DUNG TRINITATIS

Minggu, 11 Oktober 2020

Epistel                   : 2 Musa 18 : 17 – 23 

Topik                     : Naposo  Na  Gabe  Pangoloi

                                  (Kepemimpinan  Yang  Menghamba)

Angka dongan na hinaholongan di bagasan Tuhan Jesus Kristus..!!


   Di tingki naeng pasahathon Hata ni Tuhanta (marjamita) ahu di sada huria, dipatubegehon sada punguan ma ende marhite koor nasida andorang so sahat tu na mambege tingting. Di naung dipungka na manguluhon parendean i endena, adong ma sahalak dakdanak na tumatangis tu natorasna boru, na hatiha i dohot marende. Tumatangis dakdanak i huhut didok ibana, “Mak, minta dulu HaPe-mu..!! Mak, minta dulu HaPemu..!!” Ala jut roha ni inanta i, huhut marende ibana, huhut digotil ma dakdanak i. Hape, ndang na gabe mabiar dakdanak i, alai lam dipagogo soarana huhut tumatangis. Gabe marrara ma pardompahon ni inanta i, huhut diompa ma dakdanak i tu luar gareja, hape so sae dope nasida na mar-koor-i.

 

      Sada contoh ma i di angka natoras maradophon angka ianangkhonna. Ra, olo do hea masa i di angka natoras maradophon ianangkhonna. Jala boi mambahen angka natoras maila maradophon angka natorop ala so boi be siat hata ni natoras tu angka ianangkhonna. Boasa boi masa na sisongon i? Alani tangkang ni dakdanak i do? Boi do i gabe sada alasan, alai na rumingkot disi, boha do pangajarion ni natoras tu angka ianangkhonna? I do na ringkot sisulingkiton di partingkian nuaeng on.

 

      Totalitas ni angka natoras laho mangalului na ringkot ditongatonga ni keluarga marhite angka parkarejoanna jotjot mambahen angka ianangkhon gabe korban. Jala adong do na so mampararrohahon angka keluarga alani parkarejoanna. Mulak botari, pintor martapian, ndung i dibuat ma sipanganonna huhut disungkun inanta, “naung mangan do angka pahanpahanan?” Ndung sae, mamintor laho muse tu kode laho “mangalap gogo” marhite na pajumpang dohot angka dongan huhut mandorguk tuak.

 

      So sanga disungkun naung mangan do dakdanak, naung dikarejoi do PR-na, manang manungkun songon dia do ulaon ni ianangkhonna dibagasan sadari i. Ndang dilehon tingki manghatahatai natoras tu ianangkhonna. Lumobi, ndang adong tingki natoras dohot ianangkhon laho rap martangiang ganup ari ditongatonga ni bagasna. Na mambahen lungun, adong do natoras na dietong ianangkhonna holan na manggugai angka ulaonna. Ujungna songon dia? Ndang ditanda angka ianangkhon i be holong na sian natorasna. Hape molo jugul manang dialo ianangkhonna angka natoras, sai emosi nama na binahen tu gelengna. Gabe marbada amanta dohot inanta mandok ibana naung loja sian amanta i manang inanta i karejo, gabe ndang adong tingki laho rap dohot keluarga.

 

      Jamita on laho manungguli hita angka na porsea dibagasan Tuhan Jesus Kristus. Na dilehon Tuhanta i do hita angka ulaon na ingkon dipertanggungjawabkan di adopanNa. Ulaon gabe natoras, ulaon gabe ianangkhon, ulaon gabe sihahaan, ulaon gabe sianggian, ulaon gabe Pandita, ulaon gabe Sintua, ulaon gabe Ruas, ulaon gabe masyarakat dohot angka ulaon na asing. Nunga dipasahat ulaon i tu hita saluhutna. Boha do caranta laho marbisuk laho mangulahon ulaon i,  i do na pinangido ni jamita on tu hita. Unang adong na tading jala unang adong na marisuang.

 

      Na diida si Jetro (simatua doli ni si Musa) do ulaon ni si Musa na mansai dokdok. Ndang tolap sahalakna laho manguluhon bangso na balga i, i ma bangso Israel. Borat jala dokdok ulaon i ala parange ni bangso Israel na sai marungutungut. Dilehon si Jetro do poda tu si Musa asa tarpatupa ibana songon sahalak uluan ditongatonga ni bangso i. Asa dipabangkit si Musa ma bahen induk gumomgom nasida marsasaribu, marsasaratus, marlimalimapulu jala marsasampulu. Jala asa nasida tongtong manguhumi bangso i; alai nasa hata na balga, tu si Musa ma dipasahat, anggo nasa hata metmet nasida ma manguhumi, asa neang ulaon ni si Musa ala adong donganna mangusung.

 

      Ndang dialo si Musa poda na denggan na pinasahat ni simatuana doli tu ibana. Ndang dihaginjanghon rohana songon sahalak uluan na so boi lehonon angka poda nauli. Dihaporseai ibana do hata manang poda na pinasahat ni simatuana i na dibagasan holong tu ibana do i. I do na mambahen si Musa gabe mangoloi jala mangihuthon na nidok ni simatuana i.

 

      Sada parsiajaran na mansai arga do di hita marhite jamita di Partangianganta sadari on. Ulaon naung jinalo ditongatonga ni parngoluanta jotjot mangadopi angka hamaolon. Disi do ringkot hita lam patinggilhon sipareon laho manangihon hata ni Tuhanta na mangalehon angka pangajarion tu hita. Alai, ingkon jumolo do hita mangido dibagasan tangiangta tu Tuhanta. Olo do dipangke Tuhan i angka keluarga nang sisolhot laho mangajari hita, disi ma rade hita manimbangi, na sian Tuhan i do manang ndang? Molo sian Tuhan i jala dibagasan holong do dipasahat angka poda tu hita, disi ma hita mangulahon jala i do na patulushon hita mangadopi angka hamaolon i.

 

      Parsaoranta dohot Tuhan Jesus i ma na ingkon tapasolhot saleleng mangolu hita di portibi on. Ndung lohot hita tu Ibana, disi ma boi dapotonta angka habisuhon laho mangula nasa ulaonta. Jala habisuhon i do na mangajari hita laho mangatur saluhut angka ulaonta, ditongatonga ni huria, keluarga, masyarakat, kantor, balian dohot angka ulaon na asing. Jala ingkon pos do rohanta mida angka donganta na rade mangurupi hita.

 

      Ndang jadi marungutungut hita bahenon angka na masa, ala adong dope Tuhanta Jesus na rade mangajari hita marhite Tondi Parbadia na dipasaorhon tu hita. Jala ditongatonga ni keluarga, na godang gabe sipingkiran marhite angka ianangkhon, disi ma tapangido sian Tuhan i dalan asa boi lam tapature angka keluarganta. Mari membangun keluarga yang takut akan Tuhan Yesus. Songon dia pe halojaonta, songon dia pe ponjot ni pingkiranta, unang lupa hita manogihon angka keluarga na ditongatonga ni bagasta di na rap marparsaoran dohot Tuhan Jesus. Asa gabe keluarga na marhabiaran mida Tuhan i jala keluarga na hinalomonNa hita. Gogo, bisuk jala hahipason na sian Tuhanta Jesus ma na mangaramoti hita manguduti parngoluanta di portibi on. Amen.

Syalom..!!

Tuhan Jesus mamasumasu hita..!!

Pdt. Ferdinand Fernando Silaen

 

Komentar

Posting Komentar

Postingan populer dari blog ini

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusa...
Baca selengkapnya

MANISIA NA MAMINISIAHON MANISIA ( 5 MUSA 24 : 17 - 18 )

Gambar
SERMON EVANGELIUM MINGGU XXI DUNG TRINITATIS HKBP Ressort Palembang Di Ari Senin, 18 Oktober 2021 Turpuk : 5 Musa 24 : 17 – 18  Topik : Manontong Marholong Ni Roha Di Dongan ( Hidup Rukun Dengan Sesama )   I.       PATUJOLO “ My mama told me when I was young: we are all born superstars ” (Lapatanna: Dipaboa dainang pangintubu di tingki haposoonhu: sude jolma sorang tu portibi on asa gabe jolma na hasea/“ superstar ”/” bintang ”). Saponggol syair ni ende na berjudul “ Born This Way, ” niendehon sahalak parompuan na margoar Lady Gaga . Ende i borhat sian na nialamanna saleleng mandalani ngoluna jala hea do nasida manghilala sahit na nidokna “ post traumatic stress disorder, ” sada sahit alani parungkilon na so tarjalo ni rohana. Marhite ende “ Born This Way ” jala na masa naung nialaman Lady Gaga , pabotohon tu na umbege ende i, na godang do di humaliangta angka jolma na “ termarginal ” jala na gabe “ korban ketidakadilan ” dohot “ ...
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evang...
Baca selengkapnya