JESAYA 63:11-14

MINGGU PENTAKOSTA I (PESTA PARJOLO ARI PARNINGOTAN HASASAOR NI TONDI PARBADIA)
Topik: Tondi Ni Jahowa Na Manogihon Tu Hasonangan (Roh Tuhan Yang Menuntun)
Minggu, 31 Mei 2020

EVANGELIUM : JESAYA 63 : 11 – 14 

Huria ni Tuhanta na hinaholongan di bagasan Tuhan Jesus Kristus!

Selamat ari Pentakosta ma di hita saluhutna! Tongtong ma hita di bagasan las ni roha jala marolopolop manghilala pambahenan ni Tuhanta Jesus. Sadari on, ari las ni roha di tongatonga ni huria na adong di saluhut portibi on. Rap mamestahon jala rap marlas ni roha do hita dohot angka donganta sahaporseaon di na marningot ari Parningotan Hasasaor ni Tondi Parbadia (Pentakosta). Lam tamba ma las ni roha angka na porsea ala ndada holan i na taingot jala tapestahon, alai laos marningot do hita di hatutubu ni huria. Tondi ni Tuhan i do na pahothon parjongjong ni angka punguan dohot parsaoran na badia di portibi on.

Hita ma huria i, laos hita do na pinaojak ni Tondi Parbadia i. Tondi i do na pahothon hita patupahon parsaoran na badia rap dohot keluarga tung pe dibagasan dua bulan on marasing sian pigapiga bulan na salpu. Hira na diulahi muse songon halak Kristen na parjolo na patupahon partangiangan di tongatonga ni bagasna be. Alai, laos dison do boi taida, mangula dope Tondi Parbadia di tongatonga ni halak Kristen di na patupahon pamujian tu Tuhan Jesus Kristus.

Sada pengalaman na mansai arga do di bagasan dua bulan on andorang so bongot hita tu “era Revolusi Industri 5.0” manggantihon “era Revolusi Industri 4.0.” Jala songon na sinangkapan ni bangsonta marhite Pamarenta Pusat, naeng bongot ma hita tu “New Normal Life / Tatanan Kehidupan Normal Baru.” Apa yang akan terjadi ke depan? Kita tidak ada yang tahu. Kita hanya mencoba memprediksi dan membayangkan. 

Molo taingot angka jamita-jamita di tingki parpudi di na boi dope hita patupahon Parmingguan di Gareja, sai didok angka parjamita do asa “rade hita bongot tu situasi hamajuon zaman” marhite era digitalisasi.   Nunga sahat hita tusi. Nunga lam godang hita marnida angka parmingguan marhite “Live Streaming,” “Virtual sian Aplikasi Internet Zoom,” “jamita sian Youtube,” “jamita sian WhattsApp” dohot “jamita sian Facebook.” Sian “tradisi lisan” sahat tu “era digital” tongtong dope didongani Tondi Parbadia angka na porsea tu Tuhan Jesus.

Sude do halak Kristen manghilala pandonganion ni Tondi Parbadia? Molo sude do manghilala songon i, boasa sai adong dope sungkunsungkun na ro sian halak Kristen mandok, “didia do Tuhan i?” Boasa sai tubu angka hagaoron di tongatonga ni huria marhite angka partohonan dohot ruas ni huria? I do na naeng dipasingot jamita on tu hita.

Turpuk on marbingkas sian na masa di Jerusalem dung mulak bangso i sian habuangan Babel. Dihirim do naung rade sude na ringkot di parngoluan siap ari, hape tarhirim ma nasida ala nunga mansai dao na niadopannasia sian na tinagam ni roha tu huta hatubuan ni nasida dung mulak sian habuangan. Alani i ma dipangiar bangso i soara na mandok didia do Tuhan  i naung mamboan nasida nangkok sian laut? Boasa najolo uju di ngolu ni si Musa tung margogo jala marhuaso situtu Jahowa mangondihon nasida, hape nuaeng hira na dipasombu bangso i mangadopi hansit ni na masa di bonapasogit?

Parungutunguton ni bangso i hira olo mangonai tu rohanta, jala boi dohonon olo do hita marmungutmungut songon bangso Israel hatiha i. Ingkon tangkas do tandaonta ise Tuhanta na tasomba i asa dao hita sian parungutunguton di ngolunta. Molo tatanda Ibana, tandaonta do songon dia pambahenanNa di portibi on. Mansai godang angka halongangan na pinatupaNa di ngolunta. 

Marhite turpuk jamita sadari on, taingot ma na ditatap Ibana do angka pardangolanta jala dipatau hita mamolus ragam na masa di ngolunta. Tasoadahon do pandonganionNa i? Sai unang ma masa i di hita. Lumobi di partingkianta nuaeng, hita angka na dilehon dope partingkian patupahon parmingguan di tongatonga ni bagasta jala na manjaha jamita on, sude ala pangulaon dohot pangaramotion ni Tondi Parbadia. Tondi Parbadia do na manontong mangula di tongatonga ni na hinophopNa.

Antong, dia ma na boi sihangoluhononta marhite turpuk on di na laho manguduti parngoluonta? Taoloi ma pandohan ni Tondi ni Tuhan i na sai tongtong pasingothon jala mangajari hita asa margogo mandalani ngolu di portibi on. Taorom ma angka sangkapsangkap ni daging songon na didok di Epistelta sadari on, asa tongtong hita marhasonangan jala gabe panean di harajaon ni Debata. Amen.

Selamat ari Pentakosta ma di hita saluhutna.
Salam sehat.
Tuhan Jesus mamasumasu hita.

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya