GALATIA 5:16-26

EPISTEL MINGGU PENTAKOSTA I

TURPUK: GALATIA 5 : 16 – 26
Topik Minggu: Tondi Ni Jahowa Na Manogu Tu Hasonangan (Roh Yang Menuntun)
Minggu, 31 Mei 2020

Huria ni Tuhanta na hinaholongan di bagasan Tuhan Jesus Kristus!

Di tingki dakdanak, jotjot do disungkun angka natoras manang na tumua sian hita, “Apa cita-citamu?” Sungkunsungkun i “secara tidak langsung” mambahen jolma sian haetehonna mamingkiri “songon dia do ibana” tu joloan ni ari. Laos udut ma muse, dung matoras sahalak jolma, marragam ma na gabe sintasinta ni rohana. Tung pe pangidoanna na parjolo nunga saut, sai adong dope pingkiran asa lam singkop na pinangido ni rohana muse. I do na gabe “sifat alami” ni jolma, ingkon adong do sangkap ni rohana, jala diguruhon ibana ma dalan asa saut na pinarsinta ni rohana. 

Dipatolhas turpuk on do sada parenta tu huria na di Galatia na tongon “diparhatoban” angka hisaphisap ni daging, pola tubu parbadaan jala mandok “umbadiaan” ahu sian angka donganhu. Aha ma i?? Didok: “Marguru tu Tondi i ma hamu marparange; unang pasaut hamu hisaphisap ni daging (Hiduplah oleh Roh, maka kamu tidak akan menuruti keinginan daging).” Boasa ingkon marguru tu Tondi hita marparange?? Sungkunsungkun na maol mura do alusan. 

Molo tarimangi parngoluonta on, olo dope maol di rohanta “mangantusi” dia do parange ni Tondi dohot hisaphisap ni daging. Sai gumogo do pangidoan ni rohanta ingkon dipasaut, so pola taboto sian dia do haroro ni pangidoan i. Alani i do gabe jotjot ndang tangkas hita mananda ise dirinta sandiri. On do nian tahalomohon, hape na asing do na tajalo. Laos olo do mamparhorhon gabe lam mandao hita sian Tuhan i ala so saut na pinangido ni rohanta.

I do na nihilala ni Apostel Paulus songon “pengalaman rohani” nasida. Diparhatutu ibana jotjot maralo hagiot ni rohana tu lomo ni roha ni Tuhan i. Borhat sian i ma dipatolhas ibana turpuk on asa unang adong be halak Kristen na manggogohon lomo ni rohana. Ala boi do lomo ni rohanta i molo sai tagogohon gabe patubu hagaoron dohot parbadaan.

Suhar (terbalik) do hagiot ni daging sian hagiot ni Tondi. Molo hagiot ni daging, sai dilului do na tau pasonanghon daging. Songon na didok turpuk on angka parulaon ni daging, i ma: parmainanon (percabulan), hahodaron (kecemaran), pargadombuson (hawa nafsu), hasipelebeguon (penyembahan berhala), hadatuon (sihir), parmusumusuon (perseteruan), parbadabadaon (perselisihan), pangiburuon (iri hati), rimasrimas (amarah), pargutugutuon (kepentingan diri sendiri), parsalisian (percideraan), partahitahion (roh pemecah), bunubunu (kedengkian), parmabuhon (kemabukan), haormusuon (pesta pora), jala angka na suman tusi. Mongkus ni jolma na sai manarihon dirina sandiri do na targoar hisaphisap ni daging i. Na so manarihon dongan jala ndang mamingkiri ngolu ni donganna, nasida ma na sai mangoloi hisaphisap ni daging.

Hona uhum Tuhan i do jolma na mangulahon na sisongon i jala didok di ayat 21, “....ndang teanon ni angka na mangulahon sisongon i harajaon ni Debata (...bahwa barangsiapa melakukan hal-hal yang demikian, ia tidak akan mendapat bagian dalam Kerajaan Allah).” Molo adong dope na mangulahon songon parulaon ni daging i, dipaso ma langkana sian i, jala unang be didatdati. Tung mansai posi do panghorhon ni pangalaho i.

Baliksa, marasing do angka parange ni Tondi, jala i do siondolhononhon tu hita huriaNa laho marnida parulaon dohot panghorhonna di ngolunta. Dipatolhas do na gabe parbue ni Tondi molo sai niihuthon aha na niarahon ni Tondi tu hita. Dia ma i? Holong dohot las ni roha (kasih dan sukacita), dame dohot lambas ni roha (damai sejahtera dan kesabaran), habasaron (kemurahan hati), habasaon (kebaikan), haporseaon (kesetiaan dalam iman), halambohon (kelemahlembutan) dohot hatomanon (penguasaan diri). Angka na mangolu di bagasan Tondi Parbadia, i do na mamarangehon saluhutna i. 

Sonang jala martua do ngolu ni jolma na dibagasan Tondi Parbadia. Tapanghilalahon do na dibagasan harajaon ni Debata ngolunta na di portibi on. So pola susa pingkiranta, pos ni roha do na mangarajai ngolunta, tapanghilalahon jala taurupi hasusaan ni dongan na mambahen dame rohanta so pola tahirim upa sijaloonta sian donganta i, hipas pamatang dohot partondionta. 

Ndang holan i tahe na boi tajalo molo sai taoloi pangajarion ni Tondi di ngolunta, laos gabe dohot do hita gabe panean di Harajaon ni Debata. I do bagabaga ni Tuhanta tu hita na sai tongtong mamarangehon ulaon ni Tondi Parbadia na dipasaorhon tu hita angka na porsea. Taingot ma, unang mabiar jala satia ma hita marguru tu Tondi Parbadia i. Sai donganan ni Tuhanta do hita mangulahon saluhut lomo ni rohaNa saleleng mangolu hita di portibi on. Amen. 

Salam sehat!

Syalom!

Tuhan Jesus mamasumasu hita.

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya