ULAON NI ANGKA APOSTEL 5:1-11 / KISAH PARA RASUL 5:1-11



EPISTEL MINGGU VIII DUNG TRINITATIS
Minggu, 02 Agustus 2020

Turpuk   : Ulaon Ni Apostel 5 : 1 – 11  
Topik : Manghagigihon Sisip Dohot Korupsi 
     (Melawan Suap Dan Korupsi)

Angka dongan na hinaholongan di bagasan Tuhan Jesus Kristus..!!

I. Lam hembang huria na adong di portibi on tung pe mangadopi godang angka hamaolon, songon na didok dipandohan “semakin dibabat, semakin merambat.” Dia do rupani na mambahen lam rarat jala hembang huria ni Tuhanta, so holan alani Tondi Parbadia na mangonjar jala manogunogu jolma pararathon barita na uli di sandok portibi on. I do na diparbaga Tuhan Jesus tu angka sisean taringot tu Tondi Parbadia na dipasaorhon jala mangalehon huaso di angka siihuthonNa na satia (Ulaon 1:8). Tondi Parbadia do na maniop “peran penting” di hararat ni harajaonNa di portibi on.

 I do na gabe ondolan di saluhut na tarsurat di Ulaon Ni Angka Apostel. Digombarhon do Hakristenon na parjolo (Kristen mula-mula) na digohi Tondi Parbadia. Jala tangkas do diajarhon tu hita parsitutuon jala pangantusion di na laho mangihuthon Tuhan Jesus. Di mula ni Hakristenon i, dipangke Tuhan i do angka sisean dohot Apostel mamaritahon Barita na Uli sian Jerusalem, tu Rom jala sahat ma tu hita halak Batak. Asa lam tangkas hita pabagashon di bagasan hapolinon na mangihuthon Kristus, tapaihutihut ma na nidok ni turpuk on tu hita.

II. Huria Mangolu Di Bagasan Hapolinon

 Dipaboa turpuk on tu hita adong sada keluarga na mardongan saripe i ma si Ananias dohot Sapira. Digadis nasida ma tanona jala dipeakkon di jolo ni angka apostel hatiha i. Adong sangkap ni nasida laho mangihuthon si Barnabas (Ulaon 4:32-37) asa songon na marsitutu diida halak Hakristenon ni nasida, lumobi di jolo ni angka Apostel. Sangkap i do na naeng manegai parsaoran angka na badia hatiha i. Ala ndang polin sangkap nasida laho mamelehon hamauliateon nasida, ndang sude dipasahat nasida tu angka Apostel, alai holan “na deba” do na dipasahat, na debanari ditabunihon nasida.
 
 Hapolinon do na gabe “unsur penting” Hakristenon. Olo do deba halak Kristen na pasahathon hamauliateon tu huria asa diida songon na marsitutu parhuriaon nasida jala deba adong do na laho manabunihon hajahaton nasida. Isarana: Dipasahat hamauliateon tu huria sian dalan na so sintong (hasil korupsi). Ndang dijalo Tuhan i hamauliateon i molo so adong hapolinon na pasahathon i tu Ibana.

 Malo do sibolis marnida hagaleon ni jolma. Dipangke sibolis do roha ni jolma “manghaholongi hepeng (cinta akan uang)” dohot na “manghaholongi hasangapon (cinta akan kehormatan).” I do rupani godang halak Kristen: ruas nang pangula di tongatonga ni huria na madabu di cara ni sibolis i. Jala i do na boi mambahen sega sadasada huria. Partuktuhan do i molo adong roha na sisongon i di tongatonga ni parsaoran halak Kristen.

 Rupani hea do masa na sisongon i di Buku Padan Na Robi, i ma sahalak na margoar Akhan (Yos.6:17-20; 7:16-26). Dibuat si Akhan ma na sasintongna dipelehon tu TUHAN i. Alani pangalahona hatiha i, ibana rap dohot ianangkhonna dohot sude na adong di ibana dipasuda TUHAN i. Inilah yang dikatakan dengan “penyelewengan” yang sangat tidak disukai oleh Tuhan.

 Mulak ma hita tu turpuk on. Diboto si Petrus do na di roha ni si Ananias hatiha i. Na digohi sibolis do rohana patupahon i. Ndang “saroha” be ibana dohot angka dongan na porsea na sapunguan (Ulaon 4:32). Dipaloas si Ananias do sibolis marhuaso di rohana. Bertanggung jawab do ibana di ala “disangkapi” ibana do ulaon i. Songon Tuhan Jesus sandiri na dielaela sibolis, songon i do huria na boi “digoda” sibolis. Alai, boasa margogo Tuhan Jesus mangadopi pangaleaon ni sibolis i? Ala gok Tondi ni Tuhan i do Ibana.

 I do na dipangido tu hita huria ni Tuhan i na sai tongtong mangido asa digohi Tondi Parbadia hita mandalani parngoluonta. Hati-hati dengan dosa yang merusak persekutuan jemaat dengan berdusta. Molo songgop jala taulahon roha na sisongon i, na so saroha be hita dohot angka dongan Kristen na asing, jala tarrimas do Tuhanta marnida pangalaho na sisongon i. Songon si Ananias, “Runggang ma ibana, laos tos hosana (putuslah nyawanya),” diusung ma ibana tu balian laos ditanom. Ndang dihalomohon roha na sisongon i masuk tu parsaoran na badia.

 Ndung i si Sapira, ndang dipangke ibana “kesempatan” di na laho marhamubaon. Satahi do ibana tu amantana, tung pe naung disungkun si Petrus ibana, “Na sa on do digadis hamu tano i?” Sian sungkunsungkun i, sasintongna boi dope ibana paubahon alus, ndang songon alus ni amantana. I do alani, ndang pintor didok si Petrus “na mangunjuni Tuhan i do hamu marhite na digabusi hamu sian panggadisan ni tano i,” alai parjolo do dipasahat sungkunsungkun tu ibana. Alai hot ibana di dosana, runggang ma ibana laos diboan muse tu balian laho ditanom.

 Di ngolunta nuaeng pe, dilehon Tuhanta dope tingki laho marhamubaon di angka dosa naung taulahon, asa tatanggalhon dosa i, jala mangihuthon lomo ni rohaNa hita mangulahon ulaonta. Molo ndang tapangke dope tingkinta nuaeng, tarrimas do Tuhan i tu hita, jala dipapulik do hita sian parsaoran na badia i marhite Tondi Parbadia.

 Cerita ini bukanlah sebuah ancaman kepada kita orang Kristen, tetapi cerita ini menjadi sebuah peringatan penuh untuk setiap tindakan yang akan kita lakukan, terkhusus dengan setiap perbuatan kita kepada Roh Kudus. Songon na didok di Markus 3:29, “Anggo na mangaleai Tondi Parbadia i, ndang dapotsa hasesaan ni i nang di tingki sogot; parutang dosa sisalelenglelengna nama ibana.”

III. Badia do ianggo huria i. I do sitiopon ni halak na porsea asa tongtong manjaga habadiaonna. Unang tarbortik sangkapsangkap na roa di tongatonga ni haruason dohot angka pangula di tongatonga ni huria. Lumobi ma taringot tu “parhepengon ni huria.” Jujur, transparan, dan penuh dengan ketulusan, i do siulahononhon ni halak na porsea di tongatonga ni huria ni Tuhanta.

 Nunga godang angka na masa di huria na gaor holan alani parhepengon ni huria dohot pembangunan. Unang songon si Judas na disonggopi sibolis ala manghaholongi hepeng, gabe dipasahat ibana ma Tuhan Jesus laho diparsilangkon. Memang kita membutuhkan uang untuk kehidupan sehari-hari dan juga perkembangan gereja, akan tetapi waspadalah terhadap daya penggodaan yang ada dalam uang itu.

 Tuhan Jesus sandiri do na mamatamatai hita, tung pe songon na buni sangkap nang pangalahonta di jolo ni dongan, alai diboto Tuhan i do na adong di rohanta. Ala badia do Tuhanta, laos badia nang pangalahonta siganup ari. Amen.

Syalom..!!

Tuhan Jesus mamasumasu hita..!!

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya