1 PETRUS 2:13-17

EPISTEL  MINGGU X DUNG TRINITATIS

Minggu, 16 Agustus 2020

Epistel : 1 Petrus 2 : 13 – 17 

Topik   : Malua  Sian  Parhatobanan (Merdeka  Dari  Perbudakan)

Angka dongan na hinaholongan di bagasan Tuhan Jesus Kristus..!!

I.                  “Mansai lambok Tuhan Jesus manjou, manjou ho dohot au./ Ida Ibana paima haroromu, mulak ma ho dohot au./ Antong sai ro ma ho, angka na sorat sai ro ma ho, mansai lambok Tuhan Jesus manjou, pardosa mulak ma ho.” Tung mansai hona do di roha lambok ni syair Buku Ende no. 677:1 molo taendehon. Dijou Tuhan Jesus do angka na sorat alani hamaolon ni ngolu dohot ala rante ni dosa na binahen ni sibolis. Laos i do na paingothon hita di haroro ni Tuhan Jesus laho paluahon hita sian angka na sorat, angka hamaolon dohot angka parungkilon na jotjot mangarongrong hita.

 

              Olo do hita madabu alani na masa, olo do hita gabe mandao sian Tuhan i alani parungkilon, olo do hita paholang diri tu Tuhan i alani dosa na maol tatadinghon. Alai, songon na didok ende i tu hita, dipaima Tuhan Jesus haroronta di parsaoran na lambok dohot Ibana. Ala ro Tuhan Jesus tu portibi on laho paluahon jolma saluhutna angka na porsea tu Ibana.


              Tutu hira songon i do na masa di turpuk on hatiha i. Tongon di bagasan angka sitaonon do halak Kristen alani haporseaonna. Mereka menderita karena melakukan kebenaran, mereka dicaci karena ketaatan dan mereka dianiaya karena kesetiaan kepada Yesus Kristus. Hinorhon ni i, gabe torop halak Kristen na manundalhon Tuhan Jesus ala so manahan nasida di angka sitaonon i. Alai, adong jala godang dope na hot maniop haporseaonna, tung pe manaon angka na hansit nasida.

Angka dongan na hinaholongan di bagasan Tuhan Jesus Kristus..!!

II.       Dison hata ni Tuhanta ro mangalehon gogo dohot panghirimon tu angka halak Kristen hatiha i dohot tu hita nuaeng na manaon angka na sorat dibagasan haporseaonta tu Tuhan Jesus. Tongtong do diarahon asa hot dibagasan habadiaon na sian Tuhanta parngoluan ni halak Kristen. Pangalaho na sisongon i do na patuduhon jolma naung dipalua jala na mian dibagasan Jesus Kristus. Nuaeng, dia ma na gabe ondolan ni turpuk on tu hita?

 

1.              Unduk Maradophon Panggomgomi Dohot Uluan

       Hira na jotjot do hita marnida angka demonstrasi na marujung tindakan anarkis di negaranta laho mangondolhon “hatigoran” dohot “hasintongan.” Sian aturan ni negaranta, diloas do masyarakat pasahathon angka aspirasi dohot soara di na laho padengganhon negara. Lapatanna, dilehon pamarenta do kesempatan di na laho mangalehon saran dohot kritik na membangun tu angka panggomgomi ni negaranta. Denggan jala uli do i saluhutna.

 

       Alai, na mambahen gabe sala ulaon i molo marujung ma di bagasan tindakan na anarkis sahat tu na menelan korban. So holan hona uhum ni negaranta, laos ulaon i ndang dihalomohon Tuhanta. Ndang dioloi Tuhanta pangalaho na sisongon i. Jala turpuk on pe songon i do laho manaringoti hita, asa unduk ma hita tu nasa raja, panggomgomi, panguhum dohot angka uluan, na manguluhon hita di pamarenta, masyarakat dohot di huria. Boasa? Ala badia do halak Kristen, tung so lomo do roha ni Tuhanta di angka hagaoron.

 

       Halak na unduk tu angka na manguluhon ibana, i do na patuduhon jolma naung dipalua Kristus. Songon Jesus na so mangalo tu panggomgomi Rom hatiha i. Ndang na so boi aloon ni Tuhan Jesus nasa parhuaso hatiha i, ala Tuhan do Ibana, alai ndang i na hinalomohon Ama na di banua ginjang, asa diparbadia jala dipasahat hamuliaon tu Ibana.

 

       Maralo do hata tu pangalaho molo tadok “Unduk do ahu tu Tuhan i, hape hualo do angka uluan.” Tadok unduk hita Tuhan na marhuaso na so boi diida simalolongta, hape uluan, raja, panggomgomi dohot panguhum na niida simalolongta taalo. Jala haundukhon ndang na patuduhon hita gabe hatoban. Justru, lam unduk, lam disi do pataridahon hita naung dibagasan haluaon na sian Jesus Kristus. Boasa? Alani haundukhon jala pangoloion ni Tuhan Jesus ma tu Ama na di surgo, asa tarpatupa “Karya Keselamatan.”

 

       Sada na ingkon taingot, na sian Tuhanta do angka panggomgomi di na laho manumpahi nasa jolma na ginomgomanna. Ala diloas Tuhanta jala dilehon do sahala tu nasida laho manguluhon, i do na mangondolhon hita asa rade unduk tu nasida. Jala nasa na mangalo aturan ni panggomgomi, na mangalo Tuhan i do ibana (Rom 13:1-7). Alani i, tapatuduhon dirinta naung dipalua marhite na unduk tu nasa na manguluhon hita, lumobi ma laho manangianghon nasida asa denggan jala margogo nasida laho manguluhon hita.

 

 

2.              Habiari Ma Tuhanta

       Viral do di pigapiga ari parpudi on taringot tu Spanduk Kemerdekaan RI na nidok adong “gambar salib.” Pro dan kontra do masyarakat marnida na masa i. Hira gabe tarsunggul do di na masa di negaranta piga taon parpudi na mandok, “haram pasahathon hata Selamat Natal.” Hira so dihalomohon hadirionta di tongatonga ni bangsonta. Jala olo songon na kecewa hita di angka panggomgomi nang uluanta ala songon na pinasombu na masa i, hape masyarakat mulai resah.

 

       Gabe alasan do i di hita laho mangalo angka na manguluhon hita? Hata ni Tuhanta mandok: Daong! Tung so adong dalanna manang alasan dia pe i laho mangalo nasida. Sadar atau tidak sadar, ada beberapa pihak yang memanfaatkan politik adu domba agar terjadi kericuhan sesama masyarakat Indonesia. Tuhan Yesus tidak pernah mengajari kita untuk berperang, membuat keributan, mencari kesalahan orang lain dan mengancam kehidupan sesama. Sama sekali tidak pernah!

 

       Hadirion ni halak Kristen, i ma di bagasan halambohon, holong dohot dame. Tung so lomo roha ni Tuhanta i marnida hita na mambahen hagaoron manang dohot hita “gabe gaor” alani halak. Manat hita di angka “kepentingan politik” na mengatasnamakan kebenaran, hape sasintongna laho kepentingan dirina sandiri.

 

       Manghabiari Tuhan songon na didok di point na parjolo, i ma marhite na unduk tu nasa na mangaluhon hita, jala naeng ma nian dohot na manghaholongi angka dongan, so pola membedakan agama. Dilehon do tugas tu sude halak Kristen asa gabe naposo ni Tuhan i, marhobas marhite angka parngoluonna. Alani haundukhon, holong dohot dame na tapatuduhon, anggiat ma lam mananda angka donganta di Tuhanta Jesus jala lam tamba bilangan ni angka na porsea  di Ibana. Taulahon ma i saluhutna songon na patuduhon hita na marhabiaran tu Tuhanta Jesus. Amen.

Syalom..!!

Tuhan Jesus mamasumasu hita..!!

Pdt. Ferdinand Fernando Silaen

Komentar

Posting Komentar

Postingan populer dari blog ini

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusa...
Baca selengkapnya

MANISIA NA MAMINISIAHON MANISIA ( 5 MUSA 24 : 17 - 18 )

Gambar
SERMON EVANGELIUM MINGGU XXI DUNG TRINITATIS HKBP Ressort Palembang Di Ari Senin, 18 Oktober 2021 Turpuk : 5 Musa 24 : 17 – 18  Topik : Manontong Marholong Ni Roha Di Dongan ( Hidup Rukun Dengan Sesama )   I.       PATUJOLO “ My mama told me when I was young: we are all born superstars ” (Lapatanna: Dipaboa dainang pangintubu di tingki haposoonhu: sude jolma sorang tu portibi on asa gabe jolma na hasea/“ superstar ”/” bintang ”). Saponggol syair ni ende na berjudul “ Born This Way, ” niendehon sahalak parompuan na margoar Lady Gaga . Ende i borhat sian na nialamanna saleleng mandalani ngoluna jala hea do nasida manghilala sahit na nidokna “ post traumatic stress disorder, ” sada sahit alani parungkilon na so tarjalo ni rohana. Marhite ende “ Born This Way ” jala na masa naung nialaman Lady Gaga , pabotohon tu na umbege ende i, na godang do di humaliangta angka jolma na “ termarginal ” jala na gabe “ korban ketidakadilan ” dohot “ ...
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evang...
Baca selengkapnya