AMSAL 6:6-11/PODA 6:6-11

EPISTEL  MINGGU IX DUNG TRINITATIS

Minggu, 09 Agustus 2020

Epistel : Poda 6 : 6 – 11 / Amsal 6 : 6 – 11 

Topik   : Marhobas Di Tuhan I (Bekerja Untuk Tuhan)

Angka dongan na hinaholongan di bagasan Tuhan Jesus Kristus..!!

I.                  Saleleng mangolu hita di portibi on, mansai godang do parbinotoan na ingkon taparsiajari asa lam tamba angka bisuk dohot parbinotoanta. Tarjalo roha do disuru hita laho marsiajar tu angka na bisuk asa lam tamba bisuk tu hita. Alai, boha molo adong na mandok tu hita asa laho marsiajar tu angka tinompa na asing (isarana: hewan  manang suansuanan)? Hira na maralo do tu roha molo adong na marsuru hita songon i. Alai, boasa ma di buku Poda na gabe jamita di Partangianganta borngin on diarahon tu hita asa ringkot marsiajar tu “porhis” ??


              Turpuk on gabe sipasingot tu jolma na marpangalaho di bagasan losok ni roha. Ditatap Parpoda jolma na lomo roha mangolu di roha na sisongon i hape marhorhon do gabe hapogoson di nasida. Marhite ayat 1 na didok, “Ale anaha..” naeng mandok hadirion ni Parpoda on songon sahalak ama na manghatai tu ianangkhonna. Alai, ndang na “anak” sian hadagingon hasahatan ni hata on, alai tu “anak na marsiajar” di ngolu na godang dope ingkon dipasiajari di ngoluna asa unang tartuktuk jala manigor madabu di na mangadopi parngoluonna. Dipasahat Parpoda do songon halak ama naung godang angka pengalaman di ngoluna.


Angka dongan na hinaholongan di bagasan Tuhan Jesus Kristus..!!

II.       Tapaihutihut ma poda na pinasahat ni turpuk on tu hita sadari on: 

1.         Marsiajar Di Hagaleon (Ayat 6-8)

Porhis, i ma sada na tinompa ni Tuhanta na boi dohonon gale molo maradophon jolma. Sian ukuran dohot gogo, dao do umbalga ukuran pamatang ni jolma dohot gogo ni jolma maradophon porhis i. Sogo do roha sipata molo adong porhis di bagasta, lumobi ma molo ro porhis tu sipanganonta, hape naung tapasiding do sipanganon i asa boi alangon muse. Jala olo do molo mamereng porhis na jonok tu hita, pintor tapamate asa unang diharat hita. Alai, dipaingot turpuk on asa marsiajar hita tu porhis i.

 

Ditatap Parpoda, adong do halobian di nasa hagaleon ni porhis i. Sian fisik, holan 3 (tolu) bagian do pamatang ni porhis i: Ulu: disi ma simalolong dohot antena, na marhite i boi berkomunikasi tu donganna dohot marnida na adong di jolona, Andora: disi ma pusat pernafasan ni porhis, dohot Siubeon: inganan ni sipanganonna, laos adong ma 3 (tolu) pasang patna laho mardalan. Tung pe songon i bentuk fisik ni porhis i, alai dapot do parsiajaran na mansai arga sian i.

 

Dipangke porhis i do hagaleon dohot hametmetonna laho mandalani ngoluna (makan, bertahan hidup, berkembang biak dan menjaga diri). Alani i do sai berkelompok do porhis i taida. Tung pe na so adong mangarajai angka porhis i, alai tongtong do masirupan do nasida, ringgas mangalului sipanganon, dipadiri bohalna jala dipapungu (menyimpan) sipanganonna, so pola adong na holan mangalului tu dirina sandiri, dohot do manarihon angka sabangsona. Ndang masa di porhis i parungutunguton, alai torus mangalului sipanganon asa bertahan di ngoluna.

 

Mansai arga do ngolu ni jolma on. Gumodang do dibasabasahon Tuhanta halobian tu hita sude. Molo torus mangolu di bagasan parungutunguton jala di bagasan losok ni roha, tung so boi do hita manorushon parngoluonta jala ndang adong peningkatan di ngolu on. Godang dilehon halobian tu hita, jala dilehon roha dohot pingkiran tu hita asa boi hita mangalului na ringkot di ngolunta.

 

Adong pandohan na mandok, “Ketika kamu terlahir di dalam kemiskinan, itu bukan kesalahan. Tetapi ketika kamu terus hidup di dalam kemiskinan, ada sebuah kesalahan yang harus segera diperbaiki!” Pandohan i ndang holan diantusi taringot tu arta na adong di hita, alai dohot do angka pangantusion dohot parsiajaran, ala haotoon tudos do dohot hapogoson.

 

Sagalegale ni jolma (di panatapan ni jolma na asing), sai adong do dilehon Tuhanta halobian di ibana. Alani i, tapangke ma ngolunta on tongtong marsiajar jala tapangido sian Tuhanta asa dilehon bisuk tu hita mandalani ngolu na gok hamaolon on. I do na boi mambahen hita gabe mangarajai ngolunta songon jolma naung pinarbadiaan ni Tuhanta, asa mangula jala mangolu di bagasan habadiaon na sian Tuhan i.

 

2.         Ringgas Mangula Di Bagasan Lomo Ni Roha Ni Tuhan I (Ayat 9-11)

  “Sadia leleng on modommodom ho, ale sigurbak ulu?  Sadihari pe ho hehe sian podomanmon?”  Parenta na horas di bagassan sungkunsungkun tu angka jolma na mangolu di bagasan losok ni roha. Tutu do, ndang pola godang be nuaeng angka na losok mulaulaonna. Justru, lam godang do jolma na mansai ringgas mulaulaon, hape gabe lupa di partingkian laho maradian. Yang paling parah adalah karena kesibukan dalam bekerja dan mencari uang, orang bisa lupa untuk beribadah dan mengucap syukur kepada Tuhan. 

Gabe tarsingot do di tingki mardalan dope Partangiangan Wilayah di tongatonga ni bagas, sai jotjot do ditangianghon angka parhalado dohot ruas songon on, “Ale Tuhan, lehon ma haringgason tu angka dongannami na losok roha mandohoti partangiangan di tongatonga ni huriaMon.” I do permasalahan nuaeng, lam godang jolma na losok martangiang, marminggu dohot patupahon partangiangan.

 

Sogo do roha ni Tuhanta marnida pangalaho na sisongon i. Dilehon do tu jolma hahipason, rezeki dohot hapistaran, hape lupa do jolma manghamauliatehon saluhutna tu Tuhan Jesus. Lumobi di partingkianta nuaeng, di masa pandemi Covid-19, patar do taida angka halosohon di tongatonga ni huria di na patupahon Partangiangan Keluarga. Jala olo do na hea jala ringgas manangianghon angka na losok roha i di tongatonga ni Partangiangan Wilayah, gabe dohot do madabu di bagasan halosohon ni roha hatiha on. Unang gabe diunsat Tuhanta sude na adong di hita alani halosohon i, ala ndang lomo roha ni Tuhan i di pangalaho na sisongon i.

 

Disi ma ro hapogoson ni partondion tu hita. Ndang mamora hita ala hurang parsaoran di na manangihon hata ni Tuhanta dohot pasahathon hamauliateon ni rohanta tu Ibana. Tung dao do dame di roha na sisongon i. Sipasingot on ma na mangonjar hita asa lam tapaimbaru ngolu songon halak siihuthon ni Kristus.

 

 

III.         Alani i, tapamora ma dirinta di bagasan Hata ni Tuhanta marhite na mangula nasa ulaonta di bagasan lomo ni rohaNa, unang losok hita marsaor dohot Tuhanta, mamuji dohot manghamauliatehon saluhutna pambahenan ni Tuhan Jesus tu hita. Asa saor dame dohot las ni roha na sian banua ginjang tu hita dohot tu angka na hinaholongan ni rohanta. Amen.

 

Syalom..!!

Tuhan Jesus mamasumasu hita..!!

Pdt. Ferdinand Fernando Silaen

 


Komentar

Posting Komentar

Postingan populer dari blog ini

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusa...
Baca selengkapnya

MANISIA NA MAMINISIAHON MANISIA ( 5 MUSA 24 : 17 - 18 )

Gambar
SERMON EVANGELIUM MINGGU XXI DUNG TRINITATIS HKBP Ressort Palembang Di Ari Senin, 18 Oktober 2021 Turpuk : 5 Musa 24 : 17 – 18  Topik : Manontong Marholong Ni Roha Di Dongan ( Hidup Rukun Dengan Sesama )   I.       PATUJOLO “ My mama told me when I was young: we are all born superstars ” (Lapatanna: Dipaboa dainang pangintubu di tingki haposoonhu: sude jolma sorang tu portibi on asa gabe jolma na hasea/“ superstar ”/” bintang ”). Saponggol syair ni ende na berjudul “ Born This Way, ” niendehon sahalak parompuan na margoar Lady Gaga . Ende i borhat sian na nialamanna saleleng mandalani ngoluna jala hea do nasida manghilala sahit na nidokna “ post traumatic stress disorder, ” sada sahit alani parungkilon na so tarjalo ni rohana. Marhite ende “ Born This Way ” jala na masa naung nialaman Lady Gaga , pabotohon tu na umbege ende i, na godang do di humaliangta angka jolma na “ termarginal ” jala na gabe “ korban ketidakadilan ” dohot “ ...
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evang...
Baca selengkapnya