1 KORINT 6:12-20

JAMITA MINGGU XI DUNG TRINITATIS

Minggu, 23 Agustus 2020

Turpuk: 1 Korint 6 : 12 – 20  

Angka dongan na hinaholongan di bagasan Tuhan Jesus Kristus..!!

I. Adong do sada hata Batak na boi mambahen marbalik manang dikali nol naung niulahonna, manang boi mambahen gabe pangantusion na terbalik, manang na denggan hian boi gabe ndang denggan alani hata on. Hata aha ma i?? Hata ALAI. 

Isarana: 

- “Ai burju do nian omak ni si Butet i ,ALAI sai holan na muruk-muruk ibana tu amattana.” 

- “Ai sasintongna mamora do ibana, ALAI na holitan dabah.”

- “Ai huida songon na mokmok do nian ibana, ALAI  sai na holan na marsahit-sahit.”

Songon i na tajaha di ayat 12 turpuk on, songon pamuhai ni hata ni Tuhanta na gabe jamita di Minggunta sadari on. Adong “perlawanan” na dipasahat si Paulus marhite surat on. Dialo ibana do pangalaho ni halak Korint hatiha i, pola didok hata, “Saluhutna do jadi di ahu, ALAI ndang saluhut marguna; saluhutna do jadi di ahu, ALAI ndang jadi patunduhon ni manang aha ahu (Segala sesuatu halal bagiku, tetapi bukan semuanya berguna. Segala sesuatu halal bagiku, tetapi aku tidak membiarkan diriku diperhamba oleh suatu apa pun.).”

Aha do na masa hatiha i, pola na dialo Paulus angka pangalaho ni halak Korint? Pinatorang ma saotik gombaran na masa di luat Korint hatiha i.

“Korint sada kota naung hea dilengsehon halak Romawi di taon 146 sM. Alai dung Julius Caesar gabe panggomgomi, dibangun ma muse kota on di taon 46 sM. Mardalan ma tingki, gabe pusat provinsi Romawi ma luat on jala gabe pusat perdagangan ma luat Akhaya na adong di Korint di taon 55 M, na niuluhon Gubernur Galio. Perdagangan na terkenal disi i ma, perdagangan tembikar/keramik.

Ndang holan gabe pusat perdagangan, lam hembang ma kebudayaan, pendidikan dohot pangajarion aliran Hellenis. Kemudian kota ini didominasi oleh Akrokorintus yang dikenal sebagai dewi asmara dan karena pemujaan terhadap dewi asmara cukup pesat berkembang di daerah ini, berkembang pula tindakan-tindakan amoral. Tindakan-tindakan amoral didominasi oleh perilaku seksual yang sembarangan, penyembahan di dalam kuil yang terdapat praktek pelacur bakti.

Ala berkembang pesat situasi ni luat i maradophon luat na asing, hembang ma na nidok euforia berlebihan na mambahen nasida gabe manghangoluhon ginjang ni roha. Timbullah kekacauan pada pola pikir umat Kristen pada saat itu yang dipengaruhi perkembangan pemikiran Gnostik dan pemujaan dewi asmara, sehingga perilaku mereka sudah bercampur dengan penduduk yang tinggal di daerah tersebut.

Nunga godang be halak Kristen na so mangargahon habadiaon ni pamatang alani na masa hatiha i. Jala tardok ma nasida mangulahon parmainanon sian pardagingon dohot sian partondion ni nasida. Sega ma haporseaon dohot habadiaon ni nasida songon halak siihuthon ni Kristus.”

I do na mambahen Paulus manongos Surat Parmahanion on tu huria Korint hatiha i. Jala i do na gabe ondolan di jamita ditongatonga ni parmingguanta sadari on. Tapaihutihut ma na naeng didok jamita sadari on:

I. Taargahon Ma Ngolunta Ala Ruas Ni Pamatang Ni Kristus Do Hita (Ayat 12 - 16)

Andigan ma parpudi hita mangargahon, manghamauliatehon jala bangga tu pamatangta sandiri? (Kapan kita terakhir menghargai, mensyukuri dan bangga dengan tubuh kita sendiri?) Adong halak na markaca di sormin, jotjot didok adong na hurang, lumobi molo laho tu Gareja manang laho tu Pesta.  Nunga pas be pahean on? Suman do parsurian on?

Manang adong natuatua nuaeng, ndang huboto na jolo songon i do, manang holan di zaman nuaeng do songon i: didok tu gelengna, “Ai roa ma ho!” “Pangkas obukmi!” “Patingkos bedakmi!” “Patingkos sisiranmi!” Ala dibereng anak ni hombar jabuna songon na ganteng, songon na uli.

Jala di hamajuon ni zaman on, nunga godang hita na mar-Facebook. Molo naeng dibahen foto di Facebook i, olo do jolo tabereng, naung bagak do? Manang jolo diedit asa songon na ganteng, songon na uli. Lumobi molo birong ibana songon ahu, ingkon jolo bontar do bahenonna bohina asa olo ibana mambahen di Facebook. Ndang na foto asli-na i na pintor dibahen.

Jala bereng ma pemproduksian ni handphone di partingkian  nuaeng on, daya tarik na parjolo i ma kamera. Piga megapiksel, songon dia kamera belakang jala songon dia kamera depan. Arga sajuta pe bahkan sahat tu duapulu juta handphone nuaeng, asal ma bagak kamera-na.

Di sisi lain, ada orang yang menggunakan tubuhnya untuk merusaknya. Sama juga tidak menghargai tubuhnya. I do rupani lam godang hembang angka hajahaton marhite: pergaulan bebas, narkotika, kemabukan dohot perkelahian. 

Na paling nyata di masa pandemi Covid-19 nuaeng on. Sai tongtong do dianjurhon pamarenta asa mamangke masker, lumobi di angka keramaian. Alai komentar na parjolo didok masyarakat hira songon on:

- Parjolo: Didok ma sesak, maol marhosa molo pinangke masker on. Ala ditutup do parnianggoan dohot pamangan on. 

- Paduahon: Turun ma masker on tu pamangan. Gabe somal ma, gabe ndang terlindungi be parnianggoan on. Somal on. Alai lam leleng.....

- Patoluhon: Turun ma masker on tu dagu. Padahal ndang adong pola na ingkon “dilindungi” sian “dagu” on. Somal ma on. Alai lam leleng....

- Paopathon: Ala binereng songon na so marlapatan, turun ma masker on tu kantong ni baju manang kantong ni salawarna. Ndang dipangke be jala gabe somal ma on ndang mar-masker. 

I ma na masa, naung hurang be jolma manghamauliatehon pamatang manang tubuh na nilehon ni Tuhan i tu hita. Dung marsahit, disi ma didok, “ageh, ringkot ni daging on,” “ringkot ni hahipason on.” Hape saleleng on, hurang arga do di ibana pamatangna.

Didok di Paulus, “Saluhutna do jadi di ahu, alai ndang saluhut marguna; saluhutna do jadi di ahu, alai ndang jadi patunduhon ni manang aha ahu (Segala sesuatu halal bagiku, tetapi bukan semuanya berguna. Segala sesuatu halal bagiku, tetapi aku tidak membiarkan diriku diperhamba oleh suatu apa pun.).”

Jangan biarkan yang kita lakukan selama kita hidup menjadi sia-sia. Jangan mau diperhamba sesuatu apapun yang ada di dunia ini. Dan bedakan semua yang kita lakukan selama ini, apakah itu “berguna” atau tidak?? Apakah itu “memperbudak” atau tidak??

Tubuh untuk Tuhan dan Tuhan untuk tubuh. Karena makanan untuk perut dan perut untuk makanan, tetapi semuanya akan dibinasakan. Molo holan tu siubeon manang holan tu sipanganon, aha ma hasurungan ni jolma sian angka na tinompa na asing?

Hasurunganna i ma pamatang na pinarbadiaan ni Kristus marhite mudarNa na durus di Golgata, gabe ruas ni pamatangNa ma hita angka na porsea di Ibana. Molo i do peoponta, las i do na mangarajai hita, mangarajai ngolunta, mangarajai hagiot ni daging, asa tongtong badia diadopan ni Tuhanta Jesus.

Ala ruas ni pamatang ni Kristus do hita, paheheonNa do sogot pamatangta on!! Tutu do mate ianggo daging, alai dipahehe do muse ala sada Tondi dibagasan Kristus Jesus.

Alani i do, dipaingot tu hita marhite jamita sadari on, asa taharingkothon parngoluonta, taharingkothon pamatangta, lumobi taharingkothon partondionta songon ruas ni pamatang ni Kristus hita.

Ringkot na i hape pamatang on, so binoto andigan tingki marujung sian hasiangan on. Alani i, unang lemba saleleng mangolu hita di portibi on laho manjaga pamatang lumobi partondion.

II. Pasangap Ma Tuhanta, Ai Ibana Do Nampuna Hita (Ayat 17 - 20)

Pasangaphon Tuhan i, pintor tartuju do hita tu Ibadah Ritual, isara ni parmingguon, na adong disi: marende, martangiang, mamuji Tuhan dohot manangihon hata ni Tuhan i jala dipasingkop marhite na manjalo pasupasu di ujung ni parmingguon i. Alai sasintongna molo didok “Pasangaphon Tuhan i,” adong do dua hal na so boi tarsirang sian Hakristenon i:

a. Ibadah Ritual

Ibadah Ritual songon na hudok nangkin marhite Ibadah Parmingguan, diuduti muse angka Partangiangan Sektor, Partangiangan Angka Kategorial dohot Sakramen ditongatonga ni huria. Konsep Ibadah Ritual: sude tartuju tu panombaon tu Tuhan Jesus, Raja ni Huria i. 

I do rupani, Ibadah di HKBP didok songon “dua arah.” Manghatai Tuhan i, direspon ruas ni parminggu i ma marhite hata pamujian dohot ende. Ndang gabe ruas sitangihon di parmingguan i. Jala parhalado na marhobas disi, holan marhobas do i! Ndang na gabe inti, alai holan parhitean do nasida manghatindanghon hadirion ni Tuhan i na jongjong ditongatonga ni parmingguan dohot angka ibadah na asing. sude ingkon Tuhan Jesus do na gabe inti ni parmingguan. 

Hangoluan ni halak Kristen, ndang boi malua sian angka Ibadah Ritual na dipatupa ditongatonga ni bagas joro naung pinarbadiaan ni Tuhan i. Jala di parmingguan, ndang boi adong na dipalua nanggo sada, ala “sada bagian na utuh” do i.

Ndung sae Ibadah Ritual, sae do sude? Singkop do holan i patupaonta? Alusna: Ndaong!! Adong muse na ingkon mangolu jala tahangoluhon di ngolunta. Aha ma i?

b. Ibadah Sejati

Ibadah Sejati adalah refleksi dari kehidupan nyata kita bersama dengan Kristus. Ketika kita mengingat tubuh kita, disitulah kita sebenarnya kita mengingat Yesus Kristus. Songon na didok di ayat 20, “Ai arga do hamu ditobus, dibahen i pasangap hamu ma Debata marhitehite dagingmuna dohot marhitehite tondimuna; ai Debata do nampuna i (Sebab kamu telah dibeli dan harganya telah lunas dibayar: Karena itu muliakanlah Allah dengan tubuhmu!).”

Mudar ni Tuhan Jesus Kristus do na manobus hita sian parhatobanon alani dosa. Ibana do na paiashon hita, jala ndang hatoban be hita, alai gabe panean di harajaon banua ginjang i. I do na disungguli di Ayat 17, “Alai na padomu dirina dohot Tuhan i, gabe sada tondi do i dohot Ibana (Tetapi siapa yang mengikatkan dirinya pada Tuhan, menjadi satu roh dengan Dia).” 

Sungkunsungkun: 

- Nuaeng, nunga tudia hita padomuon dirinta??

- Nunga dipadomu dohot Tuhan i?

- Manang dipadomu dope dohot tondi ni portibi?

Parmainanon do ianggo tapadomu dope dirina tu tondi ni portibi on, jala ndang boi dame roha ni jolma ianggo ndang dipalua ibana dope dirina sian tondi ni portibi on!! Jala manghorhon do i tu angka ianangkhonna sahat tu angka pinomparna!! Lapatanna: So holan ibana na manghilala i, alai dohot do angka pomparanna!

Tidak akan pernah seseorang menerima kedamaian daripada Tuhan, jikalau masih mengikat diri dengan dunia ini! Alani i, molo tung adong dope, gotaphon ma saluhut “hadomuan” saleleng on tu angka tondi ni portibi, asa mangolu dibagasan dame na sian Tuhan Jesus.

Arga do tondi dohot pamatangta on. I do na mangarahon hita asa tongtong marroha hadaulaton manang tetap beribadah di sude gulmit ni ngolunta. Tarajai dirinta marhite na pasahathon saluhutna tu Ibana. Asa Tuhan Jesus na mangajari jala mangarajai dirinta laho pasangaphon GoarNa na badia i marhite hata, pingkiran nang pambahenanta siganup ari. Mangolu ma hita tongtong dibagasan Tuhanta Jesus saleleng dilehon dope hosa hangoluan di hita. Amen.

Syalom..!!

Tuhan Jesus mamasumasu hita..!!

Pdt. Ferdinand Fernando Silaen.