ULAON NI APOSTEL 19:13-20 / KISAH PARA RASUL 19:13-20

 



EPISTEL MINGGU XII DUNG TRINITATIS

Minggu, 30 Agustus 2020

Epistel : Ulaon Ni Apostel 19 : 13 – 20 

Topik   : Monang  Maradophon  Huaso  Hagolapon

            (Menang  Atas  Kuasa  Kegelapan  /  Occultisme)

Angka dongan na hinaholongan di bagasan Tuhan Jesus Kristus..!!

               Huta Epesus targoar do songon “huta hadatuon.” Godang angka jolma na gabe datu dohot angka jolma na porsea tu ulpuhan (ramalan) ni datu disi. Jala di tingki marhuaso harajaon ni Rom, godang do angka “buku magis (Indo:magi, Batak: homitan)” na tardapot di huta Epesus. Disi do marhuaso jala mangula Tondi Parbadia marhite Apostel Paulus na mamaritahon huaso ni Tuhan Jesus saleleng tolu taon. Gabe godang angka tanda halongangan dibagasan Goar ni Tuhan Jesus, laos martambatamba bilangan ni angka na porsea tu Tuhan Jesus.

 

              Tung pe naung godang angka jolma na gabe porsea tu Tuhan Jesus, sai adong dope jolma na disonggopi tondi na hodar di huta i. I do na masa di jamita partangianganta sadari on, adong do jolma na disonggopi tondi na hodar. Laos, dipangke pitu halak Jahudi (angka anak ni si Skoias/Skewa, i ma sada malim ni Jahudi ) na manguji manghatahon goar ni Tuhan Jesus tu angka partondi na hodar i, didok nasida: “Mangasahon Jesus na binaritahon ni si Paulus i, hupabali ma hamu.” I do na nidok ulaon eksorsisme/pengusiran roh jahat/pabalion tondi na hodar. Hape sasintongna, dipangke nasida goar ni Tuhan Jesus so ala haporseaon ni nasida, alai dipangke ma Goar i songon “tabas” (mantera) laho pabalihon tondi na hodar i. Kaum eksorsis pada umumnya suka memakai nama-nama penting yang dianggap menyalurkan kekuatan.


              Alai ninna tondi na hodar i ma mangalusi nasida: “Na hutanda do anggo Jesus i, si Paulus pe huboto do; alai anggo hamu, ise do hamu?” Dison ma tangkas taida na marhuaso do Goar ni Tuhan Jesus jala ditanda tondi na hodar i do haporseaon ni si Paulus na gabe naposo ni Tuhan Jesus. Jala dialo tondi na hodar i ma pitu halak na mamangke goar ni Tuhan Jesus, ala na so dibagasan haporseaon do nasida “mangasahon” goar ni Tuhan Jesus i.


              Umbuk ma on tu Patik na Patoluhon, “Ndang jadi dohonon goar ni Debata, ianggo so ture dalanna. Ai hona uhum do sogot angka na marsineang di goarNa.” Jadi, ndang na gabe “pabalion tondi na hodar” na gabe ondolan ni turpuk on, alai na so jadi do dohonon goar ni Tuhanta Jesus, ianggo so ture dalanna. Hagogoon dohot  huaso goar ni Tuhan Jesus, na so jadi mangula molo so dibagasan haporseaon ni jolma na mangasahon goarNa i.


              I do na paingothon hita songon halak Kristen asa marsitutu dibagasan haporseaonta. Ndang holan “haringgason” ni Marminggu dohot martangiang, alai Parmingguan dohot di na martangiang i ingkon ma nian na haruar sian haporseaon na polin tu Tuhan i. Lapatanna: ingkon rap sadalan do panghataion, parrohaon dohot parulaon na hombar tu hata ni Tuhanta.


              Diuji do hataridaan ni haporseaonta di na mandalani parngoluonta. Dipadao ma roha na “pasumansumanhon diri” songon halak na badia, na porsea jala marsitutu di Hakristenon, hape sasintongna holan asa “uli idaon” ni angka donganna na asing. Sibolis i pe diboto do na tutu do porsea angka jolma di Hakristenonna manang ndaong, lam ma Tuhanta. Ala roha na “pasumansumanhon” i boi do gabe “dipaila” sibolis i di loloan.


              Na so boi pabalion ni jolma hagogoon ni sibolis molo so sada tondina tu Tondi ni Tuhan i. Na so boi paluaon ni jolma angka hagiot ni daging dohot hagiot ni portibi molo so Tondi Parbadia na marhuaso di ngoluna. Baliksa, na boi do pabalion angka huaso ni sibolis, huaso ni hajahaton dohot huaso ni portibi, molo mian do Tuhan Jesus di ngoluna. Ala marhuaso do goar ni Tuhan Jesus sian nasa huaso di banua tonga dohot di banua toru.


              Songon na diarahon Topik ni Minggunta asa “Monang Maradophon Huaso Hagolapon,” tung na so tupa tarula molo so mangasahon Tuhan Jesus dibagasan haporseaon na sintong. Tapapos rohanta tu Ibana asa margogo hita mangadopi saluhut na masa di ngolunta. Jala taingot ma na diramoti Tuhan Jesus do saluhutna angka na porsea di Ibana. Asa dohot hita gabe siparmonang maradophon huaso hagolapon alani Tuhan Jesus. Amen.

 

Syalom..!!

Tuhan Jesus mamasumasu hita..!!

Pdt. Ferdinand Fernando Silaen

 

Komentar

Posting Komentar

Postingan populer dari blog ini

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusa...
Baca selengkapnya

MANISIA NA MAMINISIAHON MANISIA ( 5 MUSA 24 : 17 - 18 )

Gambar
SERMON EVANGELIUM MINGGU XXI DUNG TRINITATIS HKBP Ressort Palembang Di Ari Senin, 18 Oktober 2021 Turpuk : 5 Musa 24 : 17 – 18  Topik : Manontong Marholong Ni Roha Di Dongan ( Hidup Rukun Dengan Sesama )   I.       PATUJOLO “ My mama told me when I was young: we are all born superstars ” (Lapatanna: Dipaboa dainang pangintubu di tingki haposoonhu: sude jolma sorang tu portibi on asa gabe jolma na hasea/“ superstar ”/” bintang ”). Saponggol syair ni ende na berjudul “ Born This Way, ” niendehon sahalak parompuan na margoar Lady Gaga . Ende i borhat sian na nialamanna saleleng mandalani ngoluna jala hea do nasida manghilala sahit na nidokna “ post traumatic stress disorder, ” sada sahit alani parungkilon na so tarjalo ni rohana. Marhite ende “ Born This Way ” jala na masa naung nialaman Lady Gaga , pabotohon tu na umbege ende i, na godang do di humaliangta angka jolma na “ termarginal ” jala na gabe “ korban ketidakadilan ” dohot “ ...
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evang...
Baca selengkapnya