LUKAS 17:26-37


 

JAMITA MINGGU XV DUNG TRINITATIS

Minggu, 20 September 2020

Evangelium : Lukas 17 : 26 – 37 


Angka dongan na hinaholongan di bagasan Tuhan Jesus Kristus..!!


I.       Taringot tu Evangelium Lukas:

1.  Sinurat ni dokter Lukas, i ma dongan saulaon ni si Paulus jala tinujuhon tu Teofilus, sahalak Yunani. Jadi, sangkap ni Evangelium Lukas on di na laho mamaritahon Jesus, i ma Tuhan jala Sipalua na mamboan HarajaonNa tu portibi on tu angka na so porsea dope tu Ibana.

2.  Karakter ni Evangelium Lukas:

a.  Mamangke hukum “Dwi Ganda,” i ma na “mendua-kalikan kata-kata dohot kalimat” di na laho mangondolhon huaso ni Tuhan Jesus maradophon huaso na adong di portibi on, huhut dipaumbuk muse sian pangantusion ni halak Jahudi na borhat sian buku 5 Musa 19:15b, “.....ingkon tinindanghon ni DUA manang TOLU halak sitindangi asa hot hata i.” Jala boi do taida sian turpuk jamita di Minggunta sadari on, i ma Lukas 17:26-37.

b. Godang mangondolhon huaso dohot pangulaan ni Tondi Parbadia di angka jolma mangantusi saluhut pangajarion dohot huaso ni Tuhan Jesus. Ndang tuk pingkiran ni jolma, alai saluhut ingkon donganan ni Tondi Parbadia asa boi tarjalo pangajarion ni Tuhan Jesus.

c.   Dipatangkas tujuan/sangkap haroro ni Tuhan Jesus tu portibi on, di haroro na parjolo na paluahon jolma marhite panobusion di hau pinarsilang dohot haroro na parpudi sihirimon ni angka na porsea di na laho pasingkophon saluhutna.

 

II.       HANGOLUAN SIAN TUHAN JESUS NA MANALUHON HANGOLUAN NA SIAN PORTIBI ON

       Konsep hangoluan na binoan ni Tuhan Jesus di turpuk on laho paubahon “pola pikir” dohot “pola hangoluan” na sian portibi on. Marmula sian sungkunsungkun ni halak Parise tu Ibana (17:20), “Andigan ma songgop harajaon ni Debata?”

       Parjolo ingkon idaonta na masa hatiha na manungkun halak Parise tu Tuhan Jesus. Halak Parise i ma sada sian horong ni Jahudi na porsea tu hangoluan ndung hamatean, ndang songon angka halak Saduse na so porsea tusi. Jala ala dibagasan panggomgomion ni halak Rom nasida hatiha i, asa tarpatuduhon Tuhan Jesus ma sahalak Raja manang Tuhan na boi paluahon nasida sian panggomgomion ni halak Rom.

       Dipasahat nasida pe sungkunsungkun i laho mangalului hasalaan ni Tuhan Jesus. Hirim rohanasida asa dialusi ma sungkunsungkun i marhite: partingkianna, ingananna jala songon dia ma parroni Harajaon ni TUHAN i. Laos sian alus na hinirim ni nasida i ma gabe dalan manimbangi na marsala do Tuhan Jesus i marhite hataNa, molo dibahen Ibana alus secara spesifik.

      Alai diboto Tuhan Jesus do na sinangkapan ni halak Parise i. Gabe dialusi Tuhan Jesus do marhite angka gombaran dohot umpama na so boi antusan ni nasida. Jala ndang dibahen Tuhan Jesus secara terperinci andigan partingkianna, didia ingananna jala songon dia do “bentuk” parroni Harajaon ni TUHAN i.

      Laos turpuk on sada bagian ni na digombarhon Tuhan Jesus taringot Harajaon ni TUHAN i na ingkon ro tu portibi on. Songon “karakter” ni panuratan ni si Lukas, diondolhon do “konsep Dwi-Tunggal” di turpuk on.

a. 1. Dwi Tunggal Na Parjolo: Na Mamangke Persamaan

-        Noak: Sada tokoh di Padan Na Robi na boi malua sian uhum ni TUHAN i. Digombarhon do masa si Noak i songon on ma “pola hangoluan“ni jolma:

·      Mangan Minum: Pinatuduhon hangoluan na rumingkot di jolma. Mangolu jolma di portibi on ingkon mangan dohot minum do. Jala mangula pe jolma asa dapotan mangan dohot minum.

·      Mangoli jala pabolihonsa: On ma puncak las ni roha di jolma hatiha i jala boi do dohonon sahat tu partingkian nuaeng. Jala tong do patuduhon hangoluan di jolma asa mambahen lam torop jolma marhite hagabeon sian na marhasohotan.

·    Ro AEK na sumar mangagohon angka jolma: Aek do na gabe mual ni hangoluan. Jala aek do na pinangke ni TUHAN i laho mangagohon jolma. Agoan hosa ma jolma alani pangalahona jala dipangke TUHAN i do na tinompaNa laho mangagohon jolma i, asing ni si Noak dohot keluarga na porsea tu TUHAN i.

 

-        Lot: Tokoh paduahon di Padan Na Robi na dipalua sian uhum ni TUHAN i. Jala jumolo dipataridahon “pola hangoluan” ni jolma hatiha i: 

·      Mangan Minum: Sian na jolo, tu masa ni si Lot jala di masa nuaeng pe, tongtong do “mangan minum” gabe na rumingkot di ngolu ni jolma. Patuduhon jolma na mangolu ingkon marsipanganon jala adong siinumonna.

·      Manuhor Manggadis: Nunga ditanda nasida “sistem jual beli” dohot “tawar menawar.” Tarida do di masa ni si Lot di buku 1 Musa 18:23-33, adong do “tawar menawar” sian si Abraham di na laho mangondihon huta Sodom. Dibahen ibana ma “tawaran” atik tung adong: 50 halak, 45 halak, 40 halak angka na tigor roha di bagasan huta i, 30 halak, 20 halak, 10 halak angka na tigor roha di bagasan huta i. Hape holan 8 halak do na tigor roha di huta i. On ma patuduhon parngoluon ni jolma sahat tu partingkian nuaeng na so malua sian na “manuhor dohot manggadis.”

·      Manuan Jala Pauli Bagas: Manuan asa boi dapotan mangan dohot minum, jala boi mambahen ngolu na lam duma. I ma sangkap ni jolma na mangolu jala somal dipataridahon sian bagas na lam dipauli na patuduhon keberhasilan ni sasahalak jolma. Lam uli bagasna, lam ditanda angka na torop hamoraonna.

·      Turun ma API dohot BARERANG mangagohon jolma: API dohot BARERANG na pinangke ni jolma laho “memenuhi kebutuhan hidup” dipangke TUHAN i laho mangagohon nasida saluhutna di huta i.

·      Jala tanda do na so boi dipalua inanta ni si Lot i hagiot ni dagingna, dibereng ibana ma tu pudi ibana, laos gabe “tiang sira” ma ibana.


-        KESIMPULAN:

   Sian dua tokoh i, ima si Noak dohot si Lot, didok Tuhan Jesus ma di turpuk on, “Agoan hosa ma na naeng paluahon hosana; alai na agoan hosa, i do na pangoluhonsa.”

   Na marlapatan: Sude jolma ingkon mangadopi hamatean i. Alai, tung mararga do jolma na mate dibagasan TUHAN i. Ai dapotan do ibana hangoluan na so ra suda na pinarade ni Tuhan Jesus.   

b. 2. Dwi Tunggal Na Paduahon:Na Mamangke Perbandingan

-        Dua Halak Sapodoman: Na sada dijangkon, na sada nari tulahon. Patuduhon na sapanghilalaan do jolma marhite na maradi di saluhut angka ulaonna. Rap sapodoman, boi antusanta: na rap maringanan do jolma di portibi on, alai ndang sude jangkonon ni Tuhan Jesus. Sian dia do tarida i? Sian angka parsigantunganna. Di tingki modom, didia do jolma PAPOSHON ROHANA?

 

-        Dua Parompuan Na Rap Manduda: Na sada dijangkon, na sada nari tulahon. Sarampak mangula do angka parompuan di angka ulaonna, alai ndang sude parompuan (jolma) na dijangkon Tuhan Jesus. Dipataridahon marhite parulaonna, hatuluson dohot habengetonna di na mangolu ma na gabe ukuran: tulahon manang jangkonon ni Tuhan i nasida.

 

-        Dua Halak Na Rap Mangula Hauma: Na sada dijangkon, na sada nari tulahon. Loja do jolma mangula laho mangalului na ringkot di ibana. Alai, ndang sude na mangula i jangkonon ni Tuhan Jesus. Dipataridahon ma i marhite: Sian dia do dalanna ibana mangula? Sian dalan na hinalomohon ni Tuhan i manang ndang?

 

-        KESIMPULAN:  

   Boanonta ma na masa i tu umpama “Eme dohot Simaremeeme.” Sai jumpangan ni halak na porsea do saleleng mangolu ibana angka na mangulahon na jat. Ndang mamintor “dipasuda” Tuhan Jesus angka na mangulahon na jat i. Alai, di tingki na parpudi di haroro ni Tuhan Jesus na parpudi sahali, tarida do marhite:

1.  Haporseaon na marpos ni roha tu Tuhan Jesus

2.  Mangolu dibagasan habengeton dohot hatuluson

3.  Mardalan di dalan ni Tuhan Jesus, i do jangkononNa sogot.


III.      Ndung dipasahat Tuhan Jesus gombaran dohot umpama i, tongtong dope na so antusan nasida hatiha i, ala maralo dope tu na piningkiran ni roha nasida. Haruar ma sungkunsungkun tu Tuhan Jesus muse, “Di dia ma i, Tuhan?”

 

     Tangkas dope tarida na pinangido ni rohanasida i. Pangidoan ni nasida asa alusan ni Tuhan Jesus sungkunsungkun nasida na parjolo marhite inganan. Ala holan alus na mandok, “na so diboto jolma andigan haroro ni Harajaon Banua Ginjang i,” na dapot di roha ni nasida.

 

     Dialusi Tuhan Jesus ma sungkunsungkun i marhite pandohan, “Ia disi bangke, laos tusi do marumbal angka lali.” Alus na logis na pinasahat ni Tuhan Jesus i, ala memang “lali” (Indonesia: burung nasar), siallang bangke do. Alai, aha do lapatan ni alus i?


1.  Jaga Ma Di Haroro Ni Tuhan Jesus Na Parpudi

    Ndang binoto andigan jala sadihari haroroNa, alai ingkon tongtong ma jaga hita di ngolu na sian Tuhan Jesus, ndang marsigantung tu ngolu na “dipajuju” (ditawarkan) portibi on.

 

      So alani hamoraon, hapistaran jala huaso na boi mambahen hita sahat tu hangoluan na so ra suda i. Alai marhite haporseaon jala di na marsigantung hita tu Tuhan Jesus, i do na gabe dalan asa sahat hita tu inganan na pinaradeNa di surgo hasonangan i.

 

    Sai hona uhum do angka na so porsea tu Tuhan Jesus. Baliksa, sai jangkonon ni Tuhan i do angka na benget mangolu dibagasan hata dohot pangajarion ni Tuhan Jesus saleleng di ngoluna. Porsea ma hita disi!

 

2.  Hadirion Ni Harajaon Ni Tuhan I Boi Idaonta Di Tingki Tabahen Ibana Marhuaso Di Ngolunta

     Kerajaan TUHAN di dunia ini sudah dibawa oleh Tuhan Yesus. Ketika kita mau dikuasai dan hidup menurut pengajaranNa, maka sebenarnya kita sudah hidup di dalam kerajaanNa. Jala binereng ma songon na masa di turpuk on, sude angka na tinompaNa unduk tu huaso ni TUHAN i. Jala boi do angka na tinompaNa i mangagohon hosa ni jolma, molo sai dialo jolma hataNa.

 

    Ai na tinompa ni TUHAN i do hita, jala ingkon unduk do hita tu Ibana. On ma Harajaon ni Tuhan i, na marhuaso tu saluhut angka na tinompaNa, lumobi tu hita jolma. Marhuaso do Ibana di angka na tinompaNa di ngolu di portibi on sahat tu ngolu na pinaradeNa sogot. Inilah  Kerajaan TUHAN. Amen.

Syalom..!!

Tuhan Jesus mamasumasu hita..!!

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya