GALATIA 5:19-21


 

EPISTEL MINGGU XIV DUNG TRINITATIS

Minggu, 13 September 2020

Epistel         : Galatia 5 : 19 – 21 

Topik           : Sisoada  Do  Hagiot  Ni  Portibi  On

                 (Kenikmatan  Duniawi  Adalah  Kesia-Siaan)


Angka dongan na hinaholongan di bagasan Tuhan Jesus Kristus..!!

     Adong ma sahalak dakdanak baoa hira marumur 4 taon mardalani dohot natorasna. Diida dakdanak i ma adong balon na margambar kartun, jala lomo rohana tu balon i, laos dipangido ma tu natorasna. Ala dibereng natorasna na mura pocah do balon i, ndang dioloi natorasna manuhor i, dipingkiri natorasna na tumagon dituhor di inganan na asing, asa dapot balon na umbagak sian i. Ditogihon natorasna ma dakdanak i asa mangalului balon na asing, hape ala lomo hian roha ni dakdanak i, gabe tumatangis ma ibana laho mangido balon i, huhut didok ma tu natorasna, “Bapak sama Mama jahat!! Gak mau aku! Aku mau balon itu! Pokoknya beli!”

 

  Deba angka natoras hea do mangadopi na sisongon i maradophon angka ianangkhon. Molo nunga dipandok angka dakdanak i na hinalomohon ni rohana, naeng ma mamintor dipasaut i. Olo do gabe muruk angka natoras jala adong do asa unang tumatangis dakdanak i mamintor dilehon na pinangido ni rohana, patuduhon na holong rohana tu dakdanak i. Hape hea hita do mambahen sungkunsungkun di rohanta, “Boasa ma angka dakdanak boi tangis ala so dilehon na pinangido ni rohana?” Hape so hea hita mangajari nasida na sisongon i. Naeng ma ingkon saut na pinangido ni rohana i. Jala boi do sifat na sisongon i gabe mendarah daging sahat tu na matoras ibana.


    I do na didok angka hagiot ni daging naung adong di hadirion ni ganup jolma di portibi on. So pola diajari angka dakdanak, boi do dipataridahon nasida angka karakter buruk, isarana: egoisme, margabus, muruk, dna. Lam tu majuna zaman, taida ma di media sosial (molo naung adong hita mamangke Facebook dohot media sosial na asing), lam dipapatar jolma do angka pangalaho na jat na boi mambahen pengaruh tu angka na marnidasa.

 

     Songon i do na masa di turpukta sadari on. Dang hea tarsunggul tu roha ni Apostel Paulus ingkon masa “pergumulan na luar biasa” di huria Galatia. Tung so diboto aha sialana jala dia bonsirna. Alana nunga tung tangkas dijalo nasida poda nauli jala na sintong taringot tu haluaon na binoan ni Tuhan Jesus Kristus. Jala dung dipaihutihut ibana, nunga dihangoluhon angka ruas ni huria i poda na sintong i. Hape tompu so panagaman muba roha ni na deba, gabe munggil haporseaonna, jala torop sian nasida ndang diboto dia do na gabe siulaon dohot siihuthononna. Ima panghorhon ni haroro poda na lipe na mambahen marhusor pingkiran dohot haporseaon ruas ni huria Galatia. Antong sian dia do haroro ni poda na lipe i? Sian duru ni punguan i do? I do! Sian tongatonga ni punguan i na mandok dirina porsea di Tuhan Jesus i do. Alani didok Ap. Paulus tu nasida, “O hamu halak Galatia, na so marroha, ise do mandormai hamu? Ai nunga pola songon na ginomar diida matamuna Jesus Kristus na tarsilang i… Songon i hape hamu maoto…” (Gal. 3:1-3)


   Tangkas do didok si Paulus di turpuk on nasa hagiot ni daging, i ma: Parmainanon (percabulan), hahodaron (kecemaran), pargadombuson (hawa nafsu), hasipelebeguon (penyembahan berhala), hadatuon (sihir), parmusumusuon (perseteruan), parbadabadaon (perselisihan), pangiburuon (iri hati), rimasrimas (amarah), pargutugutuon (kepentingan diri sendiri), parsalisian (percideraan), partahitahion (roh pemecah), bunubunu (kedengkian), parmabuhon (kemabukan), haormuson (pesta pora) dohot na suman tusi. Lapatanna godang nari ragam ni angka pangalaho na pinarbuehon hagiot ni daging.


   Boi do tapatudos ngolunta on songon “medan perang.” Disi do marporang hagiot ni daging dohot hagiot ni Tondi. Ai na maralohon tondi do sangkap ni daging, jala maralohon daging do sinangkap ni Tondi. Alai tangkas didok di ayat 21, “......Ndang teanon ni angka na mangulahon sisongon i harajaon ni Debata (.....bahwa barangsiapa melakukan hal-hal yang demikian, ia tidak akan mendapat bagian dalam Kerajaan Allah).”


     Gale do daging i, dibahen i do didok Tuhan Jesus asa tongtong ganup halak manontong di bagasan tangiang. Sai tarela do jolma i mangolu di bagasan roha sibuk, na mamangke haluaon tu parange dohot pangalaho na marlomolomo. Haluaon na jinalo ni angka na porsea i ndada asa gabe marlomolomo di bagasan nasa parulaonna na manghorhon hadadabu ni jolma i muse tu bagasan dosa, alai marhite haluaon i naeng ma hibul roha ni jolma i mangolu di bagasan pangajarion ni Tondi Parbadia.


    Alani i, taparade ma dirinta mangoloi nasa na hinalomohon ni Tondi ni Tuhan i di ngolunta, asa parjambar hita di harajaon ni Tuhan i. Margogo do hita mangulahon lomo ni roha ni Tuhan i molo sai mian Ibana ditongatonga ni rohanta jala hita mian dibagasan Ibana. Taulahon ma mulai sian sadari on. Amen.


Syalom..!!

 

Tuhan Jesus mamasumasu hita..!!

 

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya