1 RAJARAJA 19:9-19



EPISTEL MINGGU XV DUNG TRINITATIS

Minggu, 20 September 2020

Epistel          : 1 Rajaraja 19 : 9 –18 


Angka dongan na hinaholongan di bagasan Tuhan Jesus Kristus..!!

     Alani panosak ni angka hamaolon na diadopi, ndang sada dua be halak na boi madabu tu bagasan pandelean. Pamingkirionna dohot gogona nunga tung loja mangalului angka dalan na boi paluahon ibana sian hamaolon i. Jala olo do hea na sisongon i masa ditongatonga ni parngoluonta. Lumobi di masa pandemi Covid-19 on, sai adong do na mambahen susa pingkiran, isarana na ro sian perekonomian keluarga, parsahiton, marsirang tu angka na hinaholongan ni roha, dakdanak na so dapotan parsiajaran songon na somal di parsingkolaan jala lam mabiar laho tu angka keramaian.

 

    Sai adong ancaman na tontu hira na mambahen hita mabiar. Tutu do songon na masa nuaeng on, didok pamarenta ni bangsonta, na ro nama vaksin Covid-19 di taon 2021. Alai, di na paimahon tu taon 2021, songon dia nama parngoluan on? Jala di taon 2021, boi do mulak hasomalan i songon taontaon parpudi on? Godang angka sungkunsungkun, godang angka prediksi jala godang angka na mambahen susa pingkiran.

 

    Lobi sian i do na nialaman panurirang Elia di turpuk on. Alani raja Ahab na boi diarahon inantana si Isebel asa marsomba tu debata Baal, gabe godang ma angka halak Israel na manadinghon TUHAN i (“TUHAN” hata Heber: “YHWH”). Ndang holan i tahe, ingkon agoan hosa do angka panurirang hatiha i, holan si Elia ma na boi malua sian i. Mardalan ma si Elia tu halongonan, sadari mardalan daona. Alani pandeleanna jala biar ni rohana dipangido ibana tu TUHAN i asa buaton ni TUHAN i ma hosana, huhut laho ma ibana manguduti pardalananna tu dolok Horeb. Sahat ma ibana tu bagasan sada liang laos marborngin disi.


    Hira i do gombaran ni jolma umumna. Molo ndung masa angka hamaolon, ndang sude na olo mangadopi, lumobi molo “terancam” gabe agoan hosa alani hamaolon i. Godang na “lari dari masalah,” mandele jala olo haruar hata sian pamanganna, “tagonan mate ahu, TUHAN!” On ma na patuduhon keputus-asaan ni jolma mangadopi na masa di ngoluna. Jala molo hira so adong be dongan na boi mangurupi ibana, laho do ibana sahalakna menyendiri.

 

    Di tingki marborngin si Elia tu sada liang i manghuling ma TUHAN i tu ibana, “Aha do ni niulam dison, ale Elia?” Dialusi si Elia do na patuduhon nunga diula ibana ulaon panghobasionna na sinuru ni TUHAN i marhite hatana na mandok “marmurukmuruk situtu do ahu..” (Aku bekerja segiat-giatnya..). Aha do lapatan ni pandohan ni si Elia i? Naeng patuduhon hira holan ibana do mangulahon parsuruan i jala hira na so adong pangurupion ni TUHAN i di tingki ro hamaolon tu ibana.

 

    Jala diuduti si Elia ma mandok “...nunga ditadinghon halak Israel parjanjianMu, nunga maloha angka langgatanMu. Jala nunga dibunu angka panurirangMu marhite sian podang, sasadasa ahu nama tading, dohot hosangki dope dilului nasida naeng buatonna.” Tarida do pandelean ni si Elia marhite hatana tu TUHAN i. Dibagasan hatana i tersirat sungkunsungkun “didia do TUHAN i?” Tarida do pangantusion ni si Elia hira na mandok holan sasadasa ibana do na mangula, ndang dohot TUHAN i di lambungna. 

 

    Songon parsuruan ni Tuhan Jesus tu angka ruas dohot angka parhobas ditongatonga ni huriaNa laho mangulahon na nidokNa, sai adong dope na paharuarhon sungkunsungkun “didia do Tuhan i?” molo masa angka hamaolon di ngoluna. Boasa si Elia mabiar? Boasa hita halak Kristen mabiar? Disi do mangula sibolis laho mangaliluhon haporseaon ni jolma. Alai, unang be masa na sisongon i. Ndang hea ditadinghon Tuhan Jesus angka na porsea jala na satia mangihuthon Ibana.

 

    Ala, diboto TUHAN i do na di roha ni si Elia, pola gabe martabuni ibana, disuru ma ibana haruar jala jongjong tu sada dolok. Didok TUHAN i ma tu si Elia, na naeng ro ma Ibana, alai ingkon jolo patar ma haroro ni: habahaba bolon na manorbani angka dolok dohot mamolai angka dolok batu, dung i ro ma lalo, dung salpu lalo i ro ma api. Alai, di na ro angka habahaba bolon, lalo dohot api, ndang disi dope TUHAN i. Hape, ndung salpu api ro ma alogo na tarangonangon, disi ma ro TUHAN i.

 

    Hira na suman do haroro ni TUHAN i molo dibagasan habahaba bolon, lalo dohot api, hira na patuduhon na marhuso na ro dibagasan angka na hinabiaran ni jolma. Hape, na dibagasan alogo na tarangonangon do haroroNa. Aha do lapatan ni i? Naeng patuduhon do tu angka jolma, haroro ni Tuhan i mamanghulingi jolma ingkon dibagasan hahohomon, hahomion, hadameon jala halambohon. Disi ro Tuhan i mamanghulingi jolma.

 

    Dung i diarahon TUHAN i ma si Elia asa “mulak tu dalanna” di na laho manguduti parsuruonNa tu Damaskus. Dipasahat ma ulaon tu ibana laho mamiahi si Hasael bahen raja gumomgom Aram, si Jehu gabe raja gumomgom Israel jala si Elisa bahen panurirang singkat ni si Elia. Dung i dipasupasu ma ibana marhite pangaramotion ni TUHAN i jala diparade pitu ribu (7.000) halak Israel na satia dope tu TUHAN i.

 

   Marhite pergumulan ni si Elia on, taingot ma dibagasan  hasatiaonta tu Tuhan Jesus i songon siihuthononNa hita, ndang hea hita ditadinghon Ibana. Unang hita mabiar di angka parsuruonNa tu hita. Molo dipasahat Ibana sada ulaon tu hita, sai bertanggung jawab do Tuhan i tu ngolunta. Ndang adong pola sihabiaranta. Jala asa boi tatangihon pamanghuling ni Tuhan Jesus tu hita, naeng ma hita mangalehon tingki ganup ari secara pribadi dibagasan hahohomon, hahomion, hadameon jala halambohon di angka tangiangta. Disi do manghatai Tuhan Jesus i tu hita di na laho mangarahon hita mangulahon na hombar tu lomo ni rohaNa. Sai diramoti Tuhanta do hita molo tongtong gomos hita mangolu dibagasan haporseaonta tu Tuhan Jesus. Amen.


Syalom..!!

 

Tuhan Jesus mamasumasu hita..!!

 

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya