TATAP HANGOLUAN DI BAGASAN TUHAN JESUS ( 4 MUSA 21 : 4 - 9 )



PANURATAN JAMITA PARTANGIANGAN

MINGGU LETARE

“Marlas Ni Roha Ma Hamu” ( Jesaya 66: 10a )

Epistel      :  4  Musa 21 : 4 – 9

Angka dongan na hinaholongan di bagasan Tuhan Jesus Kristus..!!

I.               PAMUHAI

 

Marragam jala marasing situtu do na masa di parngoluanta maradophon donganta na asing:

-   Olo do sipata tadok “TUMABO do ngolungku, keluargaku nang na huhilala” sian dongan_an.

-   Sipata muse dohononta, “HUMANSIT do ngolungku, keluargaku nang na huhilala” sian dongan_an.

 

Panghilalaan na sisongon i somal do ro tu pingkiranta manang tu rohanta ganup. Jala olo do i marpanghorhon tu pangalaho, pamingkiran nang sahat tu haporseoanta.

-   Uju tadok, “TUMABO do ngolungku, keluargaku nang na huhilala” sian dongan_an:

   Positif: Gabe tubu ma ngolu di bagasan roha na mandok mauliate

   Negatif: Gabe tubu ma ngolu di bagasan ginjang ni roha

 

-   Uju tadok, “HUMANSIT do ngolungku, keluargaku nang na huhilala” sian dongan_an:

Positif: Gabe tubu ma ngolu na lam pajonokhon diri tu TUHAN i

Positif: Gabe tubu ma ngolu na di bagasan parungutunguton.

 

Olo do hita manghilala na sisongon i??

 

Angka dongan na hinaholongan di bagasan Tuhan Jesus Kristus..!!

II.             POINTER  JAMITA

 

Tangkas do songon halak siihuthon ni Kristus hita, “marojahan” ma ngolu nang haporseaonta tu Tuhan Jesus. Molo tubu hata di hita “tumabo” manang “humansit,” ndang na ro sian Tondi Parbadia i. Na sian roha pardagingon do haruar i. Jala nasa na haruar sian roha pardagingon i, gumodang do mambahen hita “lam so mangantusi” dalan ni TUHAN i di ngolunta.

Turpuk on ma na gabe sada gombaran di ngolu na ingkon udutanta di bagasan haporseaonta tu Tuhan Jesus, Tuhanta i!

Tongon di bagasan pardalanan do bangso i dung haruar sian parhatobanan di Misir. Tangkas di bagasan parhorsihan manang halongangan do nasida. Tudos do i songon ngolunta. Na di bagasan parhorsihan (padang gurun kehidupan) do hita nuaeng. Ringkot di hita parngoluan marhite “aek,” “sipanganon,” “bagas” nang “pangondian” andorang so sahat tu “inganan hasonangan” na mambahen hita sonang (aman dan tenang).

Torus mardalan hita sahat tu “tujuan” jala ringkot di hita di na laho manjaga diri sian parmaraan. Lulululu roha huhut sungsungkun di roha, “andigan ma tahe sahat hami” manang “haruar sian inganan on?”

Di na mardalan i nasida, tubu ma roha na MARMUNGUTMUNGUT ala so marna sahat dope nasida tu tano na pinarbagabaga i. Gabe tubu di rohanasida, “TUMABO do tahe di habuangan i.” Ala rade do disi sipanganon dohot inganan parmianan.

Pola dohonon nasida:

-   “Boasa tung togihononmuna hami nangkok sian Misir?” (Mengapa kamu memimpin kami keluar dari Mesir?)

-   “Asa mate hami di halongangan on huroha?” (Supaya kami mati di padang gurun ini?)

-   “Ai so adong sagusagu manang aek dison.” (Sebab disini tidak ada roti dan tidak ada air)

-   “Jala nunga ginegine ateatenami mida sagusagu na giakgiak on.” (Dan akan makanan hambar ini kami telah muak)

Ndang holan “curiga” nasida alai sahat tu “sipanganon” ditaringoti nasida. Pamingkirion na roa jala panghilalaan na so porsea dibahen do “tolak ukur” sian “kebutuhan perut.”

Songon pamuhai di jamita on, situasi manusiawi do na ro tu nasida, jala hira olo do hita sipata “marnida” tu “pudi,” “siambirang” manang “siamun.” Pola tadok:

-   Tumabo do songon na jolo

-   Tumabo do songon dongan_an, dna

Tutu sian roha pardagingon do tubu pangantusion jala hata na sisongon i, ala ojahan di nasida nang di hita taringot tu “sipanganon” dohot “inganan parbagason” nang dohot “angka roha pardagingon”

 

 

Angka dongan na hinaholongan di bagasan Tuhan Jesus Kristus..!!

Tung mansai sogo do roha ni TUHAN i molo adong sian tongatonga ni bangsoNa na mangolu di bagasan roha “na so dibagasan haporseaon na polin” jala “hurang pasahathon diri tu dalan ni TUHAN i.” Gabe ditongos ma tu tongatonga ni bangso i angka ulok tulung api (ular tedung) laho mamargut bangso i, gabe marmatean mansai torop sian Israel.

Ndang holan ala tarrimas TUHAN i di hata nang pangalaho ni bangsoNa na maralo tu Ibana, alai huhut do “dipatuduhon TUHAN i do hadirionNa tu bangsoNa.”

“TUHAN tidak seburuk pemikiran manusia!!”

“Jangan pernah coba-coba untuk menilai TUHAN dengan ukuran logika berfikir manusia!” 

“Tidak ada yang sanggup untuk itu!” 

Manolsoli ma nasida ala parungutungutonna, laos disuru ma si Musa asa mambahen sada ulok tulung api sian tombaga jala disangkothon ma tu sada hau partonggol (tiang). Molo adong na hona pargut ulok, mamintor diida ma na disangkothon di tiang i, ingkon mangolu ma ibana.


Angka dongan na hinaholongan di bagasan Tuhan Jesus Kristus..!!

On ma sada pangajarion di angka na porsea asa tung holan marpanatap tu Tuhanta. Godang pe angka pangunjunan na “mamargut” na porsea i, marpanatap ma tu Tuhan Jesus na pinatimbo di habangsaNa, ingkon mangolu do ibana.

“Tuhan Jesus do na mangalehon haluaon jala hangoluan di angka na porsea.”

Ibana naung pinatimbo na mangatasi saluhutna.

Alani i, lam tartuju ma hita tu hangoluan sisaleleng ni lelengna naung pinarade  ni Tuhan Jesus di angka na porsea di Ibana, i ma hangoluan na imbaru.

Ida ma di manogot ni ari, ndung buka simalolongta di podomanta, taida ma portibi on. Laos taida do “holong ni TUHAN i tu hita.”Tajalo asi ni rohaNa sian holongNa tu hita.

“Ketika kita membuka mata dan kita lihat dunia ini, kita akan melihat cinta Tuhan. Kita sudah menerima anugerah dari cinta Tuhan kepada kita.”

Unang solsoli na adong di hita nuaeng tung pe tahilala “sai adong do na hurang.” Lului dia na boi patukhon nasa hahurangan na di hita. Ndang: “hepeng,” “parkarejoan,” “hagabeon,” “huaso.” Ingkon marhahurangan do torus hita molo na sisongon i luluonta laho mambahen sonang jala dame rohanta.

“Jangan pernah sesali yang sudah kita punya meskipun kita sadari, kita akan selalu merasa kekurangan untuk apa yang ada pada kita. Cari apa yang dapat mengisi hal itu! Bukan uang, bukan pekerjaan, bukan keturunan, bukan kekuasaan. Karena kita akan selalu merasa kekurangan.”

Alusna: “Lului ma asi ni roha dohot holong na sian Tuhan Jesus” na boi mambahen sonang, dame jala singkop di sude gulmit ni ngolunta. Ndang holan ngolu partondion na dipasingkopNa, dohot nang ngolu pardagingon. Tauduti ma parngoluonta di bagasan roha na tartuju tu Tuhan Jesus, Tuhanta i. 

“Jawaban satu-satunya adalah cinta dan anugerah Tuhan yang selalu mengisi kehidupan kita. Mari kita teruskan kehidupan kita” 

Amen.

Syalom..!!

Tuhan Jesus mamasumasu..!!

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya