MAROLOPOLOP MA TU TUHAN JESUS, RAJA NI HADAMEON ( JOHANNES 12 : 12 - 16 )



PANURATAN JAMITA PARTANGIANGAN

MINGGU PALMARUM

Rabu, 24 Maret 2021

Epistel :  JOHANNES 12 : 12 – 16 

“MAROLOPOLOP MA TU TUHAN JESUS, RAJA NI HADAMEON”

Angka dongan na hinaholongan di bagasan Tuhan Jesus Kristus..!!

I.               PAMUHAI

Aha do na mambahen hita boi marlas ni roha? Somalna ala jumpang na pinarsinta ni roha. Lumobi molo naung leleng paimahon. Isarana:

a.     Angka pangula/partani na manghirim udan paremean asa denggan suansuananna, mardalan tingki, ro ma udan paremean i, gabe las ma roha.

b.     Ndang holan i tahe, molo naung leleng mangadopi angka parungkilon nang hamaolon, tompu dilehon dalan laho malua sian i, gabe ro ma las ni roha.

c.     Nang di angka jolma na manghirim di hahipason ala naung leleng di bagasan parsahiton, dilehon hamalumon jala gabe hipas pamatangna, tontu gabe ro ma angka las ni roha.

Molo ndung jumpang las ni roha, gabe songon na martamba do gogo jala tamba do semangat ni ngolu. Laho do angka hagaleon, laho do angka halosohon, laho do angka arsak. Marganti ma i gabe gogo, haringgason jala olopolop.

Songon i do angka na torop na adong di turpuk on naung nania lelengna paimahon “haluaon” sian gomgoman ni pamarenta Romawi. Niida nasida adong do “Jesus” na boi mangarajai nasida jala paluahon nasida sian parhatobanan i.

Andorang so ditomutomu nasida Tuhan Jesus, nunga tarsar barita taringot tu tanda halongangan naung pinatupaNa. Lumobi ala naung pinahehe Tuhan Jesus do Lazarus sian hamatean. Na mate pe boi do mangolu, lam ma na mangolu, boi do dipadao sian angka hamaolon.

Panghirimon na mangonjar las ni roha i do na gabe pamuhai di jamita partangianganta sadari on. Ditomutomu Tuhan Jesus di bagasan olopolop dohot las ni roha ala dipatuduhon Ibana huasoNa di roha ni jolma na tongon marungkil jala mangadopi arsak ni roha.

 

Angka dongan na hinaholongan di bagasan Tuhan Jesus Kristus..!!

II.             POINTER  JAMITA


1.     MANGOLU MARDONGAN OLOPOLOP DI BAGASAN TUHAN JESUS (Ay. 12-13) 

Ayat 12 mandok, “Dung i torang ni arina i dibege halak natorop na ro tu pesta i na naeng ro ma Jesus tu Jerusalem.” Sada gombaran na patuduhon hita, “Ingkon pinatubegehon do huaso ni Tuhan Jesus di hatiuron,” ndang “di haholomon.” Jala huaso ni Tuhan Jesus na manontong marhite hatorangan ni partingkian na nidok di ayat 12 on.

Angka jolma na mangolu di bagasan haporseaonna tu Tuhan Jesus ingkon mangolu di “hatiuron” jala “manontong do las ni roha” di ibana. Ndang na jongjong Tuhan Jesus gabe Raja di angka “haholomon,” alai dipatuduhon Ibana do sondang ni hatiuron na manondangi angka huaso na adong di portibi on.

I do sialana, asa tung jumpang di hita angka las ni roha di bagasan Tuhan Jesus, naeng ma “roha,” “pingkiran” nang “pambahenanta” ingkon di bagasan hatiuron. Ndang na boi “idaonta” hagogoon dohot huaso ni Tuhan Jesus molo “tarpodom do partondionta.” Jala ndung idaonta Ibana na mangarajai hita, tontu dionjar do rohanta laho “marolopolop mamuji Tuhan Jesus” i.

Dijoujouhon nasida do hata “HOSIANA!” na marlapatan “palua hami!” Sada gombaran di hita na manjou goar ni Tuhan Jesus asa tapangido haluaon na sian Ibana. Asa boi hita malua sian:

a.          Gomgoman ni sibolis

b.          Biar ni roha

c.          Arsak

d.          Roha na maol manesa dosa ni donganna jala

e.          Parhatobanon na binahen ni portibi on!

Haroro ni Tuhan Jesus tu portibi on laho “patigorhon pangantusion di angka jolma asa unang holan marpanatap tu ngolu ni pardagingon.” Alai marpanatap ma di ngolu ni partondion, asa tung dipalua hita sian “rante ni hisaphisap ni pardagingon.”

Haluaon na manontong nama na ingkon pangidoonta, so holan haluaon sian angka “sahit ni pamatang,” ala ingkon salpu do ianggo daging on. Alani i, mangolu ma di bagasan olopolop jala pangido haluaon na manontong na sian Tuhan Jesus!


Angka dongan na hinaholongan di bagasan Tuhan Jesus Kristus..!!

2.     TUHAN JESUS RAJA NI HADAMEON (Ay. 14-16)

Somal do hatiha i halode pinangke songon kendaraan  di halak Israel molo hira na dao pardalanan ni nasida. Jala halode di angka masyarakat umum, boi do dilapati songon “kendaraan umum masyarakat” di nasida.  

Boasa ndang “hoda” na pinangke ni Tuhan Jesus hatiha i, hape molo sahalak raja manang panggomgomi dipangke do hoda gabe kendaraan di nasida patuduhon hatongamonna?

a.  Hoda pinangke ni angka raja dohot panggomgomi di na laho marporang. Dison ma naeng dilehon Tuhan Jesus pangantusion: “Ndang ro Ibana laho marporang/pamatehon jolma, alai laho mangalehon ngolu di bagasan hadameon. Ai Ibana do Raja ni Hadameon.”

 

Songon hita angka siihuthon ni Tuhan Jesus, ingkon roha “na pangoluhon” jala na “mamboan dame ” do hita.

a.1.  Roha Na Pangoluhon

-  Manat di angka panghataion nang parulaon mambahen dongan marsak. “Karena satu huruf, bisa membunuh orang lain!”

- “Ngolu na mangajari” ma na ingkon adong di hita. Ndang pasombuon donganna mangolu di bagasan hasomalan na sala, alai ingkon pasingotonta do nasida.

- “Ngolu na mangalehon semangat” na ingkon adong di hita. Unang holan binereng hita, gabe tompu gale donganta. Alani i do, sai talehon ma dukungan, hata nang pambahenan na positif tu angka donganta.

 

a.2.  Mamboan Dame  

-  Unang mambahen dirinta gabe partuktuhan di keluarga nang di dongan.

-  Apuli roha na marsak jala urupi angka dongan na ringkot siurupon. Alai pangapulion nang pangurupion i, naeng ma diarahon asa “tongtong marpanatap nasida” tu ngolu na dilehon Tuhan Jesus tu Ibana.

 

b.  Halode patuduhon haserepon ni roha molo adong sahalak Raja na manghunduli halode. Ala halode na pinangke ni masyarakat umum  do.

 

Ndang adong diajari Tuhan Jesus hita asa mangolu di bagasan “ginjang ni roha.” Dao ma i sian hita. Molo tung adong hasurunganta sian angka donganta na asing nang sian keluarganta sandiri, sai tongtong ma marserep ni roha hita. Boasa, saluhutna ala pambahenan ni Tuhan Jesus do i di ngolunta.

 

Angka dongan na hinaholongan di bagasan Tuhan Jesus Kristus..!!

Songon angka sisean na so mangantusi marnida na masa i, songon i do nang hita na so mangantusi na masa nuaeng na ingkon adopanta. Ndung pe taida pambahenan ni Tuhan Jesus na marhasangapon di gulmit ni ngolunta, dungkon i ma taantusi saluhutna na masa di hita.

Alani i, unang gale haporseaonta, unang losok rohanta martangiang tu Tuhan Jesus jala unang mintop panghirimonta tu Ibana, asa tung idaonta jala antusanta pambahenan ni Tuhan Jesus di ngolunta. Tapuji ma Ibana di ngolunta. Amen.

Syalom..!!

Tuhan Jesus mamasumasu..!!

Pdt. Ferdinand Fernando Silaen 

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya