KRISTUS SIHORHON HALUAON ( JEREMIA 31 : 31 - 34 )


 

PANURATAN JAMITA PARTANGIANGAN

MINGGU JUDIKA

“Luluhon Ahu Ale Jahowa” ( Psalmen 43: 1a )

Rabu, 17 Maret 2021

Epistel  :  JEREMIA  31 : 31 – 34

Topik    :  Kristus  Sihorhon  Haluaon

                 ( Kristus  Pokok  Keselamatan )

Angka dongan na hinaholongan di bagasan Tuhan Jesus Kristus..!!

I.               PAMUHAI

Banyak para ahli dunia mengatakan, “Dunia sedang mengalami proses perubahan yang besar.” Molo didok pandohan na sisongon i, mamintor taundukhon jala tarsunggul do hita di na masa nuaeng marhite Pandemi Covid-19.

Hape, halak na bisuk i mandok Pandemi Covid-19 holan na pahatophon (mengakselerasi, mempercepat), ndang Pandemi Covid-19 na gabe faktor utama. Dua pulu taon na salpu nunga adong prediksi na ingkon muba do portibi on. Masuk tu kondisi dohot situasi naimbaru.

Huingot dope di tingki singkola hira dua pulu taon na salpu, nunga adong pandohan ni sahalak guru tu hami “Paling cepat dua puluh tahun lagi dunia akan berubah dikarenakan Jalur Perdagangan Internasional yang bebas sudah akan masuk ke negara-negara berkembang seperti Indonesia.”

Tulahonta do i? Ndang adong gogonta mangalo perubahan na ingkon masa di tongatonganta on.

Na gabe ringkot rimangonta:

-   Nunga rade hita di na masa on (perubahan dunia)?

-   Aha do na gabe gogonta mangadopi na masa nuaeng on?

-   Lam martamba, hot manang lam moru do haporseaonta di perubahan zaman na ingkon adopanta nuaeng?

 

Angka dongan na hinaholongan di bagasan Tuhan Jesus Kristus..!!

II.             POINTER  JAMITA

 

1.     Di Minggu na naeng masuhonta i ma Minggu Judika, na marlapatan “Luluhon Ahu Ale Jahowa,” tangkas manungguli roha nang haporseaonta marhite jamita di partangianganta sadari on.

 

Pardalanan ni bangso Israel hatiha i, boi do gabe parsiajaran na mansai arga di hita. Tangkas do angka perubahan-perubahan i jumolo do dihilala nasida.

 

Na naeng idaonta PARJOLO, “Dia do sialana boi masa perubahan di tongatonga ni parngoluan ni jolma?”

 

Tangkas faktor utama, i ma ala “pamingkirion” nang “parulaon” ni jolma. Lam dipangasahon pingkiran dohot gogo ni jolma, lam marpanghorhon do i di tongatonga ni portibi on.

 

Songon bangso Israel na jotjot mangasahon gogo dohot pingkiranna, umbahen gabe tartaban muse nasida tu bangso Babel. Lam godang do sian bangso i na tangkang marroha jala maralo tu lomo ni roha ni TUHAN i.

 

I do sialana gabe diloas TUHAN i do nasida tartaban bangso na asing. Diloas TUHAN asa tung adong tubu panolsolion jala mulak roha ni nasida asa marsihohot tu TUHAN i, ndang tu dirina sandiri.

 

Alai na tumangkas di pardalanan ni bangso i boi idaonta, “Hot do pandonganion jala pangaramotion ni TUHAN i di angka bangsoNa, tung pe sai jotjot madabu nasida di pangalaho na so hinalomohon ni TUHAN i.”

 

Angka dongan na hinaholongan di bagasan Tuhan Jesus Kristus..!!

2.     Hira tudos do na ingkon adopanta nuaeng on. So pola dohononta “ise na sala” (oknum) na pola ingkon manaon na hansit pola sude jolma na di portibi on:

-   Jolma na anturaparon di pigapiga negara

-   Parporangan di pigapiga negara

-   Eksploitasi dohot perdagangan jolma

-   Etika dohot moral ni jolma na lam  bobrok

-   Perubahan iklim sahat tu

-   Pandemi Covid-19.

 

Masa do i saluhutna alani angka pangalaho ni jolma na naeng patuduhon gogona jala na naeng “manaban” donganna jolma na asing. So na holan di negara ni donganta i masa, dohot do i di negaranta on.

 

Taida songon di negaranta jala tabahen evaluasi di halak Kristen na adong di negaranta:

-  Lam godang pe angka gareja, Lam uli pe bangunan fisik ni angka gareja, Lam godang pe na tardok Kristen, Ndang na gabe lam moru hajahaton di negaranta.

- Lam tamba pe bilangan ni ruas ni hurianta, ndang na gabe lam moru parbadaan di tongatonga ni luatta/hutanta!


Toho do i??

 

Alani i do umbahen diloas TUHAN i hita nuaeng mangadopi nasa parungkilon na ro tu tongatonga ni parngoluanta.

 

I do PADUAHON na ingkon rimangonta!

 

Angka dongan na hinaholongan di bagasan Tuhan Jesus Kristus..!!

3.     Di pardalanan ni ngolunta on, pasti hea do hita mangulahon sada padan manang janji. Angka dakdanak pe tu natorasna hea do didok, “Janji aku mak, gak nakal lagi!!” Songon i nang hita tu keluarga, tu aleale, tu dongan, tu angka na asing nang tu Tuhanta. Padan i, adong do na tarsurat jala adong do na tersirat.

 

Alai deba, adong do holan na didokhon, lapatanna adong do deba na so diulahon janji manang padanna i. Hinorhon i olo do tubu angka bada, parsalisian dohot hansit ni roha ala ndang sesuai dohot janji manang kesepakatan na parjolo hombar tu perjanjian i.

 

Nang songon i deba halak na porsea marpadan manang marjanji tu Tuhanta, hape olo ndang diulahon. Taingot ma di tingki Manghatindanghon Haporseaon, Mardongan Saripe dohot na mamboan ianangkhonta tardidi, adong do padan di Bagas Joro ni Debata na ingkon diulahon na porsea i. Di bagasan Padan tangkas do ingkon unduk sian nasa roha dohot ateate dohot pingkiran mangihuthon Hata ni Tuhanta jala mangajari angka keluarganta hombar tu Hata ni Tuhanta.

 

Hape, songon dia do nuaeng molo taida kondisi ni halak Kristen di tongatonga ni zaman na lam maju on??

a.     Deba nunga adong na bosan manang jenuh bahkan tidak tertarik manangihon jamita.

b.     Haringgason ni na martangiang boi dohonon nunga lam moru

c.     Haringgason mangajari ianangkhonna taringot tu Hata ni TUHAN i nunga lam tu moruna

 

On ma na PATOLUHON na ingkon rimangonta!

 

Angka dongan na hinaholongan di bagasan Tuhan Jesus Kristus..!!

“PADAN NA PINAIMBARU MARHITE TUHAN JESUS”

 

Sian tolu pangalaho na ingkon rimangonta nangkin:

1.     Mangasahon gogo dohot pingkiran

2.     Margogo laho manaban donganna jolma

3.     Haringgason di parsaoran na badia dohot pangajarion taringot Hata ni TUHAN na lam moru

Ringkot ma hita manolsoli dirinta ganup. Ndang pola gabe dohononta donganta na sala, alai gabe dirinta dohot pangalahonta ma na ingkon rimangonta nuaeng.

Marhite panurirang Jeremia dohot angka Parjamita na pasahathon Barita na Uli tu hita, tangkas do diondolhon tu hamubaon ni roha manang pertobatan.

Firman Tuhan memberikan pengharapan  akan pembebasan dari  perbudakan dosa yang telah kita lakukan.

Tuhan Yesus adalah Tuhan yang setia menantikan kita hadir ke hadiratNya, di dalam pengakuan dosa dan penyerahan diri secara total agar kita diperbaharui oleh Roh Kudus.

Nunga pinaimbaru Padan i marhite Tuhan Jesus Siboan Haluaon i, na mamboan hita asa margogo mangalo dosa jala unduk tu Tuhan Jesus Kristus. On ma alus sian angka tangiangta na marungkil di bagasan partingkian on.

Ndang olo Tuhan i bangsoNa tongtong di bagasan parungkilon, ai holong do Ibana tu hita. “LehononHu ma patikHu tu bagasan ateatenasida jala surathononHu do i tu bagasan rohanasida, asa Ahu gabe Debatanasida, jala nasida gabe bangsongKu!” Aluhon ma saluhutna tu Tuhan Jesus jala luluhononNa do hita. Amen!

Syalom..!!

Tuhan Jesus mamasumasu..!!

 

Pdt. Ferdinand Fernando Silaen

Komentar

Posting Komentar

Postingan populer dari blog ini

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusa...
Baca selengkapnya

MANISIA NA MAMINISIAHON MANISIA ( 5 MUSA 24 : 17 - 18 )

Gambar
SERMON EVANGELIUM MINGGU XXI DUNG TRINITATIS HKBP Ressort Palembang Di Ari Senin, 18 Oktober 2021 Turpuk : 5 Musa 24 : 17 – 18  Topik : Manontong Marholong Ni Roha Di Dongan ( Hidup Rukun Dengan Sesama )   I.       PATUJOLO “ My mama told me when I was young: we are all born superstars ” (Lapatanna: Dipaboa dainang pangintubu di tingki haposoonhu: sude jolma sorang tu portibi on asa gabe jolma na hasea/“ superstar ”/” bintang ”). Saponggol syair ni ende na berjudul “ Born This Way, ” niendehon sahalak parompuan na margoar Lady Gaga . Ende i borhat sian na nialamanna saleleng mandalani ngoluna jala hea do nasida manghilala sahit na nidokna “ post traumatic stress disorder, ” sada sahit alani parungkilon na so tarjalo ni rohana. Marhite ende “ Born This Way ” jala na masa naung nialaman Lady Gaga , pabotohon tu na umbege ende i, na godang do di humaliangta angka jolma na “ termarginal ” jala na gabe “ korban ketidakadilan ” dohot “ ...
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evang...
Baca selengkapnya