MAROLOPOLOP MIDA ASI NI ROHA NI TUHAN JESUS (PSALMEN 31:8-16)



PANURATAN  JAMITA  MINGGU  PALMARUM

Minggu, 28 Maret 2021

Evangelium :  PSALMEN 31 : 8 – 16 / MAZMUR 31 : 8 – 16


Angka dongan na hinaholongan di bagasan Tuhan Jesus Kristus..!!

I.      Huingot ma hira di taon 2020, bulan Februari, dibaritahon di berita Televisi di daerah Jakarta “penggeledahan” Rumah Bersalin ilegal. Dung disulingkiti taringot na masa di inganan i, dapot ma informasi, nunga lobi “900 janin diaborsi.”

 

Jala godang angka bidan dohot dokter na diduga “mangulahon praktek aborsi” i. I ma salah satu “berita mencengangkan” na hea masa di negaranta.

 

Molo nirimangrimangan pangalaho nasida, lam tamba do biar ni rohanta mida angka ianangkhonta. Ndang sada dua be sian hita na gabe marsak alani pangalaho ni angka ianangkhonta.

 

Nang di zaman teknologi jala virtualisasi si saonari on, lam godang nama angka na mambahen susa pingkiranta. Nunga godang angka natoras na maol mangarahon angka ianangkhonna.

 

“Marsak do hita disi?”

 

Tontu marsak do hita, jala mabiar do hita, “songon dia ma gelenghon sogot??”

 

Di tingki mangadopi arsak nang biar ni roha na ro tu ngolunta, sai lulululu do rohanta mangalului dalan asa tung boi hita malua sian arsak jala biar ni roha i!

 

Songon i nang Parpsalmen na adong di turpukta sadari on! Na “martangiang do ibana mangido pangurupion sian TUHAN i.” Pangurupion na songon dia do na pinangido ni Parpsalmen di turpuk on?

 

“Pangurupion asa tung diramoti ngoluna jala dipadao sian angka musu!!”

 

Nuaeng, molo didok ma hata “musu,” ise do musu ni Parpsalmen hatiha i?

 

I ma angka na naeng mangagohon hosana! Na so lomo rohana mida ngolu ni Parsalmen i!

 

Masa do di hita nuaeng na sisongon i?


Molo didok hata “musu,” ndang na mamintor tadok musu, i ma angka donganta na marbada i! Unang sala hita disi! Molo tung maralo hita tu pigapiga halak dongan jolma, ai pangalaho i do na sasintongna na maralo!

 

Jadi, sasintongna musu, i ma pangalaho ni jolma na marsihohot di angka hagiot ni daging!

-   Boi do keluarga gabe musu? Boi!

-   Boi do donganta hinan gabe musu? Boi!

-   Boi do na jonok tu hita gabe musu? Boi!


Pangalaho na niajarhon portibi on, i do musu naumborat na ingkon adopanta! “Pangalaho na niajarhon portibi on, na mangarajai angka jolma,” i do musu di hita!

 

Lapatanna: Hita sandiri pe, boi do gabe musu di hita!!

 

Angka dongan na hinaholongan di bagasan Tuhan Jesus Kristus..!!

II.   Diarahon turpuk jamita di hita sadari on, asa boi hita mangadopi na masa di ngolunta nuaeng on! Diajarhon tu hita asa “Tongtong Marpanatap Tu Asi Ni Roha Ni Tuhan Jesus!”

 

Dihilala Parpsalmen, holan TUHAN i do “solusi” sian ragam ni hamaolon na niadopanna. Marlinggom do ibana di toru ni tangan ni TUHAN i, Sipalua ibana.

 

Taida ma ngolu ni Parpsalmen na “Tongtong Marhaporusan Tu TUHAN i!”

 

“AHA DO NA MAMBAHEN IBANA TONGTONG MARHAPORUSAN TU TUHAN I??”

 

Ala naung tangkas ditanda ibana ise do TUHAN i!

 

Ndung adong panandaion na tangkas, dihatindanghon ibana ma TUHAN i di bagasan ngoluna. Panindangion  na tongon di bagasan panandaion na tangkas.

 

Tangkas ditanda: “Parasi Roha Bolon Do Ianggo TUHAN i!”

 

I do mambahen ibana tongtong marpangunsandean tu adopan ni TUHAN i dibagasan haserepon ni roha!!

 

Songon sahalak naposo ni TUHAN, mangolu do ibana di bagasan “hasatiaon,” “hasintongan,” dohot “hatigoran.” Nang pe rongom angka musu di jolona, alai tongtong do ibana “porsea” jala “marlinggom” di toru ni huaso ni TUHAN i. Ala diboto ibana, ndang “dipasombu” TUHAN i ibana mandalani ngoluna.

 

Angka dongan na hinaholongan di bagasan Tuhan Jesus Kristus..!!

III. Dia do labana jolma na tongtong marpangunsandean tu TUHAN i?

Alusna: Dapotan do ibana las ni roha na manontong!

 

Hira songon dia ma i?

 

Jumolo ma huboan hita tu na masa di partingkian nuaeng on!

1.     Adong pandohan na mandok, “Jolma na MARSAHIT mangido asa dilehon HAMALUMON, jolma na POGOS mangido asa dilehon HAMORAON, jolma na MAMORA mangido asa masuk tu SURGO!”

   Pandohan na mambahen gombaran taringot tu ngolu ni jolma na mangolu di portibi on.               Sai tongtong do jolma “mangalului na boi mambahen las rohana.” Alai, boi do ala mangalului las ni roha na pinangidona i, mambahen donganna na asing gabe “korban.” I do rupani sahat tu tingki on, ndang marnaso pangalaho ni jolma mangulahon angka na jat.

 

2.     Seperti itu juga Teknologi dan Ilmu Pengetahuan! Teknologi dan Ilmu Pengetahuan bisa menjadi “sukacita” dan juga bisa menjadi “dukacita” kita jika kita tidak tepat melihat itu. Hati-hati!!

 

3.     Sude do hita halak Batak manghirim hagabeon, hasangapon nang hamoraon di ngoluna, alai taida ma:

a.     Godang do pangalaho ni ianangkhon na mambahen marsahit natorasna.

b.     Godang do angka na marhuaso jala na marsangap ndang sonang mandalani ariarina.

c.     Godang do angka na mora dilinggomi roha na mabiar ala sai disangkapi lam martamba arta na adong di ibana.

 

Na sisongon i do na boi mambahen tongtong las rohanta? Songon i do jolma na manghilala parbue sian ngolu na tongtong marhaporusan tu TUHAN i?

Alusna: Daong!

 

Songon dia pe hinadenggan jala hinauli na sinangkapan ni rohanta, so boi mambahen hita dapotan hasonangan na manontong, molo so Tuhan Jesus na mangalehon hasonangan i di hita!!

 

Ndang tuk dirinta boi mambahen dirinta malua jala ndang tuk pingkiranta mamboan dirinta tu hasonangan na manontong!! Holan Tuhan Jesus do na boi mangalehon i di hita!

 

Lapatanna, ndang adong na manontong na nilehon ni portibi on. Lam, dibahen do susa hita, tung pe jumolo dibahen las rohanta manjalo i.

 

Jolma na dapotan las ni roha na manontong, i do jolma na so marungutungut jala tongtong marolopolop rohana mida na adong di ibana nuaeng!

 

Isarana:

a.     Mulak hita tu jabu: tatap ma bohi ni amanta, inanta, dakdanak, nang pahompunta, idaonta do nasida songon pasupasu na nilehon Tuhan Jesus tu hita.

b.     I da ma bagasta nuaeng, songon dia pe bentukna, ai i do na gabe ingananta asa unang hona hos ni ari nang udan.

c.     Molo laho mangan siang hita annon, hamauliatehon ma sipanganon i, ai gabe pasupasu do i di pamatangta.


Taingot ma: “Ala asi ni roha ni Tuhan Jesus do boi hita mangolu sahat tu saonari!”

 

Na adong di hita nuaeng, i do parbue asi ni roha ni Tuhan Jesus jala i do na dumenggan di hita nuaeng! Las ma rohanta disi, jala tapuji ma Tuhanta Jesus di ngolunta!

 

Alani i, hot ma haporseaonta tu Tuhan Jesus Kristus di bagasan panindangion dohot parulaonta. Bagabaga ni Tuhanta tu hita, “hot do asi ni rohaNa tu hita angka na porsea, na mangalehon gogo tu hita, na mangondingi hita jala na mamasumasu ngolunta on.” Tapuji ma Tuhanta Jesus! Amen.

Syalom..!!

Selamat ari Minggu di hita saluhutna..!!

Tuhan Jesus mamasumasu..!!

 

Pdt. Ferdinand Fernando Silaen

Komentar

Posting Komentar

Postingan populer dari blog ini

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusa...
Baca selengkapnya

MANISIA NA MAMINISIAHON MANISIA ( 5 MUSA 24 : 17 - 18 )

Gambar
SERMON EVANGELIUM MINGGU XXI DUNG TRINITATIS HKBP Ressort Palembang Di Ari Senin, 18 Oktober 2021 Turpuk : 5 Musa 24 : 17 – 18  Topik : Manontong Marholong Ni Roha Di Dongan ( Hidup Rukun Dengan Sesama )   I.       PATUJOLO “ My mama told me when I was young: we are all born superstars ” (Lapatanna: Dipaboa dainang pangintubu di tingki haposoonhu: sude jolma sorang tu portibi on asa gabe jolma na hasea/“ superstar ”/” bintang ”). Saponggol syair ni ende na berjudul “ Born This Way, ” niendehon sahalak parompuan na margoar Lady Gaga . Ende i borhat sian na nialamanna saleleng mandalani ngoluna jala hea do nasida manghilala sahit na nidokna “ post traumatic stress disorder, ” sada sahit alani parungkilon na so tarjalo ni rohana. Marhite ende “ Born This Way ” jala na masa naung nialaman Lady Gaga , pabotohon tu na umbege ende i, na godang do di humaliangta angka jolma na “ termarginal ” jala na gabe “ korban ketidakadilan ” dohot “ ...
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evang...
Baca selengkapnya