JALO JALA ULAHON MA HATUAON I ( LUKAS 11 : 27 - 28 )

PANURATAN JAMITA MINGGU XX DUNG TRINITATIS

HKBP Efrata Ressort Palembang

Minggu, 17 Oktober 2021

Evangelium : LUKAS  11 : 27 – 28

Topik : Tua Ni Halak Na Manangihon Hata Ni Debata (Kebahagiaan Mendengar Firman Allah) 

Angka dongan na hinaholongan di bagasan Tuhan Jesus Kristus..!!

I.      PAMUHAI

Piga taon na salpu “Viral” ma video di media sosial. Adong ma disi pasukan TNI dohot POLRI na mambahen “yel-yel” di tingki latihan nasida. Diendehon natorop i ma ende “Terpesona!!” Gogo do soara nasida jala semangat do nasida mangendehon i. Hira songon on do syair-na: “Terpesona, aku terpesona, memandang-mandang wajahmu yang manis..”

Dung viral i, gabe godang ma mambahen Video di aplikasi TikTok mamangke ende i. Laos godang na gabe mengkel alani video na binahen i. Adong ma di video i:

-   Baoa na terpesona tu anak boru.

-   Baliksa adong ma anak boru na terpesona tu baoa, dna

Sasintongna, ende i nunga 8 taon na salpu diendehon na margoar Samuel sian Sulawesi Utara. Alai, boasa ma gabe populer di partingkian nuaeng on? Boi do hirahira songon on:

1.Karena konten video yang dilakukan oleh aparat negara yang membuat sesuatu yang unik dan menarik.

2.Lagu yang sangat sederhana dan mudah diingat.

3.Menyentuh dengan situasi sosial dan kehidupan masyarakat Indonesia.

Umbahen i, mura do Viral angka na unik di negaranta molo hona tu roha. Lumobi ma “mura do jolma Terpesona” tu angka na masa na niidana.

Angka dongan na hinaholongan di bagasan Tuhan Jesus Kristus..!!

I do realita na adong di humaliangta. Boi do sasahala jolma “TERPESONA” tu halak na asing na niidana:

 

1.Baoa Na Terpesona Tu Parompuan

a.      Molo di halak Batak, mura do botoonta alasan umbahen lomo roha ni baoa tu parompuan. Jojtjot binege sian angka ende ni halak Batak, na mambahen terpesona sahat tu na madabu holong baoa tu parompuan alani:

-   Haulionna :

1.     “Adong huida sada bunga, rupana tung mansai uli. Sai marhabangan angka loba naeng songgop tu bungana i.” (“Boasa Ia Dung Botari” Cipt: Nahum Situmorang, Vocal:Victor Hutabarat)

2.     “Simalolongku do marnida ho. Alai rohangku sai holsoan. Dibahen engkel supingmu ito, manusuk tu pusukpusukhi, tingki na parjolo pajumpang dohot ho, sai mailaila ho tu au.” (“Ditangko Ho Ma Rohangki” Cipt: Robert Marbun, Vocal:Arvindo Simatupang)

3.     “Ho do ito na hupillit i sian sasude na hutanda. Denggan ni basami, uli ni rupami do mambaen rohangku tu ho.” (“Ho Do Na Hupillit” Cipt: Abidin Simamora, Vocal: Caca Manalu dohot Shandy Trio)

b.     Molo naung mengkel suping boru ni raja i, mamintor madabu holong do angka anak ni raja i. I ma di halak Batak.

 

c.      Asing sian fisik, godang do muse baoa na terpesona tu parompuan alani hamaloonna, haburjuonna jala partondionna. 

 

2.Parompuan Na Terpesona Tu Baoa

a.      Molo di halak Batak, mura do botoonta alasan umbahen lomo roha ni parompuan tu baoa. Jojtjot binege sian angka ende ni halak Batak, na mambahen terpesona sahat tu na madabu holong parompuan tu baoa alani:

-   Wibawa, Sahala :

1.     “Ho do mata mual i di ahu, ho do sasude di rohangki. Unang tinggalhon au, ito hasian, holan ho do di rohangki. Dang na boi tarlupahon au, denggan ni basami da hasian...” (“Ho Do Mataniaringku” Cipt: Robert Marbun, Vocal:Rita Butarbutar)

2.     “Ise ma manganjuanju au, molo muruk ho, molo mandele ho, ito. Ise ma mangapus ilungkon, molo tangis au, molo tarilu au ito. Ai holan ho do ito, na boi manganju rohangkon. Ai holan ho do ito, na boi mangapus ilungkon. Ai holan ho do na boi palambokhon ateatehon. ” (“Ise Ma Na Mangapus Ilungkon” Cipt: Bulan Panjaitan, Vocal: Bulan Panjaitan)

 

b.     Molo naung hona tu roha angka anak ni raja , mamintor madabu holong do angka boru ni raja i. I ma di halak Batak.

 

c.      Asing sian fisik, godang do muse parompuan na terpesona tu baoa alani:

-   Hamaloonna

-   Haburjuonna

-   Parholongna

-   Sopan

-   Partondionna

-   Kemapanan (Sudah bekerja, sudah punya kendaraan sendiri, kaya)

 

Angka dongan na hinaholongan di bagasan Tuhan Jesus Kristus..!!

I do hajolmaon. Mura do sasahalak jolma mandok “terpesona,” manang “tertarik” tu halak na asing. Boasa? Ala hona tu rohana, tu ateatena, tu pusupusuna. 

Jala molo naung hona tu rohana, tu ateatena jala tu pusupusuna, sai dipanghilalahon do jonok tu ngoluna!! Adong pangidoan di bagasan rohana, asa na mambahen lomo ni rohana i, ro ma tu ibana.

Boasa dipangido asa ro tu ibana manang gabe jonok tu ibana? Asa LAS ROHANA manang asa DAPOTAN TUA ibana di ngoluna.

I do rupani, di ngolu ni jolma, molo adong pangidoan na adong di dirina, sai ingkon saut ma nian songon i, molo ndang saut, boi mambahen ibana gabe:

-   Tarilu

-   Kecewa

-   Putus asa

-   Ndang sonang rohana

-   Mandele ibana

 

Tahilala do i di ngolunta.

 

“ISE MA SIAN HITA NA SO OLO MARLAS NI ROHA?”

 

“ISE MA SIAN HITA NA SO OLO MARTUA?”

 

Sude do manghirim di las ni roha dohot di hatuaon, marhite na tinagam ni roha, na nidodo ni roha, marhite na hinirim ni roha jala na sinangkapan ni roha!!

 

Angka dongan na hinaholongan di bagasan Tuhan Jesus Kristus..!!

II.    POINTER  JAMITA

Songon sahalak parompuan na marnida Tuhan Jesus na patupahon Tanda Halongangan dohot na Umbege Pangajarion jala Jamita ni Tuhan Jesus. Las rohana marnida hadirion ni Tuhan Jesus i.

Diboan ibana ma tu rohana songon sahalak parompuan manang sahalak natoras ibana. Dung i dipagogo soarana sian tongatonga na torop mandok tu Tuhan Jesus,

“Martua ma na manubuhon jala na pabagot ho”

(Berbahagialah ibu yang telah mengandung Engkau dan susu yang telah menyusui Engkau).

 

Manghirim ibana gabe natoras na martua, na marnida ianangkhonna gabe hasea jala gabe targoar di loloan na torop. Mansai las rohana molo adong ianangkhonna na songon Jesus na niidana i.

 

Ekspresi na pinatuduhon ni parompuan i tu Tuhan Jesus alani:

1.Sahala ni Tuhan Jesus

2.PangajarionNa na mambahen tarhatotong na torop i.

3.Huaso na binahenNa na patupahon angka tanda halonganan.

4.JamitaNa na mangalehon gogo tu angka na umbegesa.

 

Hurang bagas do pangidoan ni parompuan i hombar tu na niida Tuhan Jesus. Tutu do nian manghirim parompuan i asa martua manang marlas ni roha di ngoluna. Alai, las ni roha na pinangido ni parompuan i, ndang manontong, holan songon alogo sambing do i.

Umbahen i ma, marhite turpuk on, diajari Tuhan Jesus parompuan i nang hita na pungu dison asa dapotonta HATUAON NA MANONTONG na sian Tuhanta i. Alani i, tapaihutihut ma na naeng didok turpuk on tu hita:

 

1.PUJI MA TUHAN JESUS KRISTUS!!

Songon sungkunsungkun nangkin, “Ise ma na so olo MARTUA manang MARLAS NI ROHA??” Huhilala, ndang adong sian hita na so olo dapotan hatuaon dohot las ni roha.

Alai, na olo do hurang nihilala roha ni sasahalak angka las ni roha dohot hatuaon na di ibana. I do umbahen sai dipangido torus, hape ndang “marnapuas” dihilala rohana.

Isarana:

a. Dipangido hatuaon marhite hapistaran!

-   Hape hurang ringgas ibana marsiajar.

-   Na lomoan rohana copy paste.

-   Losok rohana manjaha buku.

-   Gabe hurang malo ibana, jotjot mencontek, mangiburu/cemburu tu donganna ala pistar. Didok ma di bagasan rohana, “Tabo na i ate, pistar do ibana.”

 

b.Dipangido hatuaon marhite ianangkhon na hasea!

-   Hape hurang ringgas ibana mangajari ianangkhonna.

-   Sai holan na muruk do tu ianangkhonna.

-   Gabe ndang juara ianangkhonna, jotjot dialo natorasna jala holan na marbada do gellengna tu gelleng ni halak. Dibereng ma gelleng ni halak na juara, didok ma di bagasan rohana, “Tabo na i ate, pistar do gellengna jala burju. Las hian do roha molo songon i gellenghu.”

 

c. Dipangido hatuaon marhite rumatangga na martua!

-   Hape hurang do “family time” (partingkian tu keluarga)

-   Gumodang do marpungu amanta i dohot donganna.

-   Gumodang do marpungu inanta i dohot donganna.

-   Sibuk tu urusan masing-masing.

-   Gabe hurang komunikasi di keluarga jala jotjot marbada.

-   Dibereng ma keluarga ni halak, didok ma di bagasan rohana, “Tabo na i ate, dame do keluarga i, ndang songon keluarganami.”

Angka dongan na hinaholongan di bagasan Tuhan Jesus Kristus..!!

Adong do di ibana, hape sai dibereng na di halak!!

Ia tung na di ibana ma dipauliuli, unang sai holan na di halak na dipuji. Gabe: Halak na dipuji, dirina na dipalea!!

Songon parompuan na di turpuk on. Gabe si Maria do dipuji ibana, ndang Tuhan Jesus na patupahon halongangan i. Ndang dirina dihamauliatehon ala niida ibana Tuhan na adong di adopanna.

Jala tudos do i muse molo binege parjamita na marjamita:

a. Molo malo parjamita i patolhashon, gabe sai dipujipuji do Parjamita i, ndang na gabe Tuhan Jesus na dipuji.

b.Molo hurang malo parjamita i patolhashon, gabe dipalealea do Parjamita i, gabe dohot marlea Tuhan Jesus.

Jala sian ayat 27 on tangkas pamilangmilangan ni “hatuaon” na nidok ni parompuan i, holan sian roha pardagingon sambing. Dipuji ibana si Maria na manjalo hatuaon ala ibana na manubuhon Jesus i. Manghirim ibana, asa di ngoluna, adong ma nian gellengna na malo songon Jesus i.

Sai adong do natoras na hira sisongon i. Ala na sundat tentara do ibana, gabe sai didok ma tu gellengna asa gabe tentara, hape ndang olo ianangkhonna. Dibereng ma gelleng ni donganna na gabe tentara. Gabe sai dipuji ibana ma donganna i ala gabe tentara gellengna.

Puji ma Tuhanta Jesus Kristus siala sude na adong di hita nuaeng on!! Tahamauliatehon sude na adong di hita nuang. Ndang holan angka naung jinalo sian na pinarsinta ni roha. Alai, dohot do sude na masa na so tinagam ni roha. Ai manghorhon tu haulion do saluhutna molo di bagasan Tuhan Jesus Kristus jala tartuju do sude tu hamuliaonNa.

 

Angka dongan na hinaholongan di bagasan Tuhan Jesus Kristus..!!

2. JALO JALA ULAHON MA HATUAON I!!

Molo jinaha turpuk on sian ayat 14, dipatupa Tuhan Jesus do tanda halongangan marhite na “Pabalihon sada tondi na mambahen ngungu”. Hira hata nuaeng didok ma on, “Pengusiran setan”!

Pigapiga hali nian huida na mirip songon na pinatupa Tuhan Jesus on. Adong ma na niida sian televisi, Youtube jala hea niida manang dihilala langsung. Alai, ndang na ise na pabalihon, ise na hona songgopan ni tondi jala didia ingananna na naeng hudok. Jadi aha ma i?

Halak na asing na di humaliang i do na naeng paboahonhu tu hita. Ndang na goar na di humaliang i, alai hata na haruar sian pamangan nasida. Aha do huroha na nidokna? Jojtjot didok,

“Patut ma nian hona songgopan ni tondi i ibana (kesurupan), ai ndang adong haporseaonna/parhaporseaon na metmet (kurang iman) do ibana.”

Menarik jala penasaran do ahu di hata i. Sai niparsiajaran ma hata nasida i. Tutu do adong partalian ni haporseaon tu tondi na hodar?? Hape si Job sahalak na mabiar tu TUHAN i pe diunjuni sibolis do? Ai alani haporseaon do?

 

Dapothu ma alus:

“IMAN BUKANLAH PRESTASI SESEORANG!”

“Iman adalah tentang bagaimana seseorang BERTUMPU!”

-        Menjalani perputaran roda hidup dengan iman bukan berarti iman kita kuat.

-        Orang beriman bukanlah orang yang tidak pernah menghadapi pergumulan hebat dalam hidupnya, melainkan orang beriman adalah orang yang di dalam pergumulannya BERTUMPU pada KRISTUS!

-        Oleh sebab itu, ungkapan dengan iman, konkretnya berarti dengan iman seadanya!

a.        Dengan iman seadanya kita sekolah dan kuliah.

b.        Dengan iman seadanya kita bekerja dan berkarya.

c.        Dengan iman seadanya kita berobat dan menginginkan kesehatan.

d.        Dengan iman seadanya kita menjalani hidup.

e.        Dengan iman seadanya kita memuji Tuhan.

 

Pardalanan ngolu ni haporseaonta tudos do i songon na “marsiranggutan” (bergumul). Di na marsiranggutan (bergumul) i, marojahan ma ngolunta tu Tuhan Jesus Kristus:

-        I do na balga

-        I do na marhuaso

-        Jala i do hata ni Debata na nidok di ayat 28 turpuk on. 

Angka na mangadopi hamaolon, ndang na sude alani na so marhaporseaon. Tutu ma molo ingotonta hamaolon na niadopan ni si Maria di tingki na parjolo i. Si Josep sandiri marsangkap laho manadinghon ibana. Alai, sai gomos do si Maria patuduhon haunduhonna umbahen na martua ibana.

Songon i nang hita, nasa ragam na ro tu gulmit ni ngolunta, sai MARHAPOSAN, MARSIGANTUNG jala MAROJAHAN ma i tu Tuhan Jesus Kristus. I do ngolu na MANJALO jala MANGULAHON HATUAON na nilehon Tuhanta i tu hita. Asa manontong hita di bagasan tua na sian Tuhanta i.

 

Martua ma na tumangihon hata ni Debata jala na umpeopsa! Amen.

Syalom..!!

Selamat ari Minggu ma tu hita saluhutna..!!

Tuhan Jesus mamasumasu..!!

 

Pdt. Ferdinand Fernando Silaen