UNDUK TU HATA NI TUHAN ( 1 MUSA 3 : 1 - 7 )



PANURATAN JAMITA PARTANGIANGAN

MINGGU  I  NDUNG  TRINITATIS

Rabu, 02 Juni 2021

Epistel: 1  MUSA  3 : 1 – 7

Topik: Unang Mangaleai Tondi Parbadia (Jangan Menghujat Roh Kudus)

Angka dongan na hinaholongan di bagasan Tuhan Jesus Kristus..!!

Mulai sian haetehonna, nunga tubu di roha ni jolma roha na “giot laho mamboto” (rasa ingin tahu) tu na humaliangna. I do rupani molo taida angka dakdanak na olo pamasukhon benda/mainan na binerengna tu pamanganna, laho didai. Ndung dibereng natorasna, diorai ma dakdanak i asa unang dipamasuk muse tu pamanganna. Jala olo do, ndung diorai natorasna gabe tangis ma dakdanak. I do na nidok “sifat alamiah” ni jolma. Ndung sorang jolma tu portibi on, tubu do roha laho mamboto aha na niidana jala molo maralo tu rohana i, dipatuduhon ibana do i tu na mangorai ibana.

Nunga songon i jolma na parjolo na tinompa ni TUHAN i. Diorai do nasida asa unang dipangan parbue ni hau na adong di tongatonga ni porlak Eden i, i ma na nidokna hau parbinotoan. Didok Debata Jahowa do tu jolma na parjolo i, “Alai anggo sian hau parbinotoan ni na denggan, ndang jadi panganonmu; ai sadari dipangan ho sian i, sai na mate do ho” (1 Musa 2:17). Alai ro ma ulok laho mangunjuni jolma asa dialo parenta ni Debata. Dung diunjuni ulok i, gabe tubu ma di roha ni jolma roha na ingin tahu dohot na curiga sian na nidok ni Jahowa tu ibana. Dioloi nasida ma na nidok ni ulok i, gabe mardosa ma nasida. Boasa gabe mardosa jolma? Ala dilaosi do parenta na nidok ni TUHAN i tu ibana.

Sada sipaingot do i tu hita angka siihuthon ni Kristus di partingkian nuaeng on. Marragam do dalan ni sibolis laho padaohon hita sian ngolu na hinalomohon ni Tuhanta i. Dipadomu sibolis do hata na sintong dohot hata na so sintong laho mangago jolma. Tutu do na nidok TUHAN i: molo dipangan jolma parbue hau parbinotoan i gabe mate do nasida, ala gabe mago “habadiaonna” (ngolu na unduk tu parenta ni TUHAN i). Alai, ndang tutu na nidok ni ulok i: molo dipangan jolma parbue hau parbinotoan i gabe doshon Debata ma nasida. Gabe bojok (bingung) ma parompuan i, laos tubu ma roha na “curiga” manang na so porsea tu TUHAN i. I do mula ni dosa, molo tubu di roha ni jolma roha na “bojok” (bingung), “curiga” dohot na so porsea di hata ni TUHAN i.

Dosa na niula ni parompuan i, on ma na nidokna “dosa aktif.” Nunga diboto nasida na so lomo roha ni TUHAN i molo dipangan parbue hau parbinotoan i, alai dipangan jala dialo do Debata di bagasan rohana. Masa do di partingkian nuaeng na sisongon i? Masa! Nunga diboto angka pangalaho na so hinalomohon ni Tuhan Jesus, alai diulahon do di ngoluna. Isarana: Nunga diboto na so lomo roha ni TUHAN i molo margabus, alai sai diulahon jolma do na margabus. Nunga diboto na so lomo roha ni TUHAN i molo dipahatahata angka donganna, alai sai diulahon jolma do na pahatahata donganna.

Songon i nang dosa na niulahon baoa i. Dosa na niula ni baoa i, on ma na nidokna “dosa pasif.” Sai dipahohom ibana do pangalaho ni boruboru na mangalaosi parenta ni Debata jala gabe dohot do ibana mangalang parbue sian hau parbinotoan i. Masa do di partingkian nuaeng na sisongon i? Masa! Isarana: Nunga diboto donganna na mangulahon sala, hape sai dipahohom jala olo gabe diampini, ndang dipasingot jala ndang dipinsang donganna i.

Molo diulahon jolma sada dosa, sai na mangihut do dosa na asing na naeng mangela ibana. I do songon na nidok di ayat 7, “Dung i tonggor ma matanasida na dua, diboto ma na marsaemara nasida, gabe disomoti ma bulung ni hau ara bahen sabuknasida.” Nunga patar dosa na niulahon nasida, alai sai dibahen do dalan ni jolma laho manutup hasalaanna i. Ndang na mamintor disolsoli jala ditopoti dosana tu adopan ni Debata, alai sai dibahen do dalan manang pangalaho laho pasintonghon hasalaan manang dosa na niulana i.

Diboto Debata do i? Diboto do! Dilehon Debata do parentana tu jolma laho marnida hasatiaon dohot haunduhon nasida tu hataNa. Jadi, molo diula jolma do dosa, tudos do i songon na mar-tuhan-hon dirina sandiri, unduk tu pingkiranna sandiri jala mangasahon pingkiranna sandiri. Gabe mago ma habadiaonna, gabe dialo ma Tondi ni Debata na di ibana jala mangolu do ibana holan tu dirina sambing. Ndang lomo roha ni Tuhanta i di pangalaho ni jolma na sisongon i.

Tarajumi do nuaeng angka aturan na adong di huria, di masyarakat, di paradaton, di singkola, di kantor dohot di humaliangta, songon dalan ni Debata laho paturehon ngolu ni jolma. “Peraturan dibuat bukan untuk dilanggar, tetapi peraturan dibuat untuk membuat hidup manusia menjadi teratur dan lebih baik.” Alani i, tarajumi ma aturan na mangihot hita nuaeng songon dalan ni Debata laho pauliulihon ngolunta.

Tondi ni Debata na mangajari angka natoras, panggomgomi dohot angka uluan ni huria di na laho mambahen aturan asa lam uli parngoluan ni jolma. Nasa jolma na mangalo di angka aturan di tongatonga ni keluarga, masyarakat, singkola, kantor, huria, lumobi hata ni Debata na tarsurat di Bibelta i, i do na “Mangaleai Tondi Parbadia.” Boasa mangaleai? Ala aturan dibahen laho pauliulihon ngolu ni jolma, songon pangajarion ni Tondi Parbadia di na laho pangoluhon jala pauliulihon ngolu ni jolma. Taingot ma na tarsurat di Rom 13:1, “Unduk ma ganup di panggomgomi na marsahala; ai ndang adong sahalana ia so sian Debata, Debata do mangaturhon nasida.” Alani i, taundukhon ma dirinta tu hata ni Tuhanta dohot di angka aturan na adong di humaliangta, asa jaloonta ngolu na gok dame dohot las ni roha na sian Tuhanta Jesus Kristus. Amen.

Syalom..!!

Tuhan Jesus mamasumasu..!!

 

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya