JALO MA TONDI NI TUHAN I JALA ULAHON MA PARSURUANNA (HESEKIEL 2 : 1 - 5 )



PANURATAN JAMITA PARTANGIANGAN

MINGGU V NDUNG TRINITATIS

Rabu, 30 Juni 2021

Epistel : HESEKIEL  2 : 1 – 5

Topik : Borhat Ma Ho Jala Baritahon Ma Hata Ni Tuhan I (Pergi Dan Beritakanlah Firman Allah)

Angka dongan na hinaholongan di bagasan Tuhan Jesus Kristus..!!

I.      PAMUHAI

Di turpuk on tangkas do dipaandar panjouon ni Tuhan Jahowa tu panurirang Hesekiel. Hesekiel ima sasahalak Israel na dohot tarbuang tu Babel (597 sM). Ibana dijou Tuhan Jahowa di topi batang aek Hebar.

Di tingki i, tarbuang do bangso Israel ala ni pangalahona na “mangalo” tu Hata ni Debata. Didok disi bangso Israel ima songon bangso panggunturi (bangsa pemberontak) jala ompunasida sai marbalik do sian Tuhan-na (Ay. 3). 

Ala hapariron di habuangan i, lam malungun bangso Israel di haroro ni Mesias na dihirim paluahon nasida sian tangan Assur. Di sihol ni roha nasida i ma tarjou si Hesekiel paingothon halak Israel asa mangunsande tu TUHAN i, unang mangunsande tu harajaon Assur dohot Misir. 

Taringot tu panjouonna dohot taringot tu ulaonna MAMINSANG dohot na MARMAHANI bangso na tarbuang, i do na pinasahat ni turpuk on. 

Dia dipenuhi dengan Firman Tuhan yang terlihat pahit tapi manis rasanya. Dia dipanggil untuk pergi kepada bangsanya sendiri.

 

Angka dongan na hinaholongan di bagasan Tuhan Jesus Kristus..!!

II.   POINTER  JAMITA

1.        TANGIHON MA SOARA NI TUHAN I !!

Nunga piga halak dakdanak molo sinungkun, “boasa ma ringgas hamuna mandohoti partangiangan?” Alusna, “Mau makan mie, amang!” Mengkel suping do ahu mambege alus ni dakdanak i jala ndang gabe muruk ahu tu nasida.

I ma molo alus ni dakdanak, ndang binoto alus ni angka natoras dison, “boasa ma olo ro tu Partangiangan?” Hira on do alusna:

a.      “Laho mamuji TUHAN i!!”

b.     “Laho martangiang!!”

c.      “Laho mambege hata ni TUHAN i!!”

I do tahe?

I do, molo so di jabu ni musungku dibahen partangiangan i!!

Andorang so manangihon hata ni TUHAN i, ingkon adong do pangaradeon di hita. “Ojakhon ma patmu” (bangunlah dan berdirilah), naeng mandok:

a.      Ndang boi maondokondok manangihon hata ni TUHAN i.

b.     Ndang boi maranganangan manangihon hata ni TUHAN i.

c.      Di bagasan haradeon jala parsitutuon do manangihon hata ni TUHAN i

d.     Jala ndang mamillitmillit inganan di na laho manangihon hata ni TUHAN i.

Ala tahaporseai, di sude inganan boi do ro TUHAN i mamanghulingi hita. Unang sanga mulak boti hata ni TUHAN i, ndang tatangihon. Ala i do gogo jala sinjatanta laho manguduti parngoluonta 

Alani i, tongtong ma di bagasan haradeon hita ganup ari jala ganup tingki di na laho manangihon soara ni Tuhanta Jesus i.


Angka dongan na hinaholongan di bagasan Tuhan Jesus Kristus..!! 

2.      TAJALO MA TONDINA MIAN DI DIRINTA !!

Manang piga hali adong na marsarito dohot ahu taringot tu pangalahona na jolo, na diongkuhon ibana do pangalahona na maralo tu hata ni TUHAN i. Alai sai didok do:

“AI JOLMA DOPE AHU, AMANG!!” (AKU MASIH MANUSIA, PAK)

Naeng alusanhu do nian:

a.        “Ise do na sian hita na surusuruan, tahe?”

b.        “Ise do nian sian hita na Tuhan, tahe?”

Lapatanna: Molo diarahon tu hita asa mangulahon hombar tu hata ni TUHAN i, ala tagan mangolu dope hita songon jolma na gale jala na jotjot madabu tu bagasan dosa!!

I do songon na didok di turpuk on: “Ale anak ni jolma..” (Hai anak manusia.....”ben adam”).

Diboto Tuhanta i do: na jolma na mangolu dope hita, jala sai mangihut do angka hagiot ni portibi on di ngolunta!

Ala hagaleonta i do umbahen na disuru TondiNa bongot jala mian tu hita angka jolma. Jala ndang alani haburjuon ni jolma, umbahen boi ibana manangihon hata ni TUHAN i!!

Ingkon na mian do Tondi Parbadia tu hita umbahen sai tatangihon hata ni TUHAN i. Alai, molo jumolo do tapalao Tondi i, ndang taloas Ibana bongot jala mian tu hita, sahat tu andigan pe “ndang boi hita marsitutu manangihon hataNa!”

“Jangan terlalu banyak alasan bagi kita untuk menghindari persekutuan yang kudus dengan TUHAN!!”

Angka dongan na hinaholongan di bagasan Tuhan Jesus Kristus..!!

3.     ULAHON MA PARSURUON NI KRISTUS I !!

Dijou hita mamangke soaranta laho mamuji dohot pasangaphon Goar-Na na Badia i. Jala disuru do hita asa pasidohot mamaritahon Barita na Uli di ngolunta. I do na dilomohon ni Debata tu hita angka na porsea tu Ibana.

Tutu do nian didok di turpuk on di ayat 3, “Ale anak ni jolma, Ahu ma marsuru ho tu halak Israel, tu bangso angka na manggunturi dompak Ahu; nang nasida, nang ompunasida, sai marbalik do sian Ahu rasirasa sadari on” (Hai anak manusia, Aku mengutus engkau kepada orang Israel, kepada bangsa pemberontak yang telah memberontak melawan Aku. Mereka dan nenek moyang mereka telah mendurhaka terhadap Aku sampai hari ini juga).

Sungkunsungkun:

a.        Ai holan bangso Israel do tahe na jugul jala na jotjojt manggunturi Tuhan i??

b.        Holan bangso Israel do na sai marbalik sian Tuhan i??

Alusna? Ndang holan nasida na songon i!!

Godang do tongon halak Kristen na sai jotjot mangalo tu hata ni Tuhan i. Boasa? Alana godang dope na so boi dope maninggalhon hagiot ni portibi on na mansai tabo di dihilala ibana. 

Jamita on mangarahon hita asa laho tongtong “PAUBAHON ROHA” (bertobat). Jamita na mangondolhon hita asa lam paimbaruhon diri tu na hinalomohon ni Tuhanta Jesus Kristus. Mambahen ngolunta gabe sitiruon na denggan tu donganta jolma tarlumobi tu keluarganta sandiri.

Bertobatlah sebab Kerajaan Allah sudah dekat.

Angka dongan na hinaholongan di bagasan Tuhan Jesus Kristus..!!

III.               PANUTUP

Seperti kita yang tidak ada apa-apanya, kita hanya manusia biasa. Kita dipakai Tuhan sebagai alat agar nama-Nya semakin dimuliakan bukan agar kita semakin terkenal. Tuhan dapat dikenal melalui tindakan-tindakan-Nya dan kita hendaknya “mengetahui bahwa TUHAN” adalah yang berkuasa atas seluruh ciptaan-Nya.

Dang dipaloas Tuhan i sahalakta mangadopi hamaolon di ngolunta. Tongtong didongani Tuhan i do hita mangadopi huaso ni sibolis na marsangkap laho padaohon hita sian Tuhan Jesus.

Alani i, tahangoluhon ma Hata ni Tuhanta di parngoluanta siganup ari, siganup tingki. Loas ma Ibana mian di dirinta laho mangarahon hita asa boi taulahon na hombar tu lomo ni rohaNa. Amen.

Syalom..!!

Tuhan Jesus mamasumasu..!!

 

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya