MONANG RAPHON TUHAN JESUS ( PSALMEN 20 : 1 - 10 )



PANURATAN JAMITA MINGGU II DUNG TRINITATIS

HKBP Maranatha Ressort Kutacane

Minggu, 13 Juni 2021

Evangelium: PSALMEN  20 : 1 - 10

Topik: Dipatimbul  Di  Bagasan  TUHAN  I (Bermegah  Dalam  TUHAN)

Angka dongan na hinaholongan di bagasan Tuhan Jesus Kristus..!!

I.      PAMUHAI

Di halak Batak na jolo sahat tu partingkian nuaeng, lohot dope pandohan “Anak Ni Raja” tu Baoa dohot “Boru Ni Raja” tu Borua. Mansai uli jala denggan do pangantusion ni halak Batak na jolo, so pola idaon ala “huaso” manang “hamoraonna” tardok do “Anak Ni Raja” dohot “Boru Ni Raja.”

Alai, molo tapaihutihut di partingkian nuaeng on, hira holan pandohan di ulaon adat do somal didok i. Ndang hira ganup ari manang ganup tingki idaon “Anak Ni Raja” dohot “Boru Ni Raja” marhite pangalaho nang panghataionna. Sasintongna, molo didok pandohan i, tarida ma nian sian panghataion nang pangalaho na patuduhon “Ianangkhon Ni Raja.”

a.      Idaonta do, nunga dohot “rumatangga” ni halak Batak na so “raja” be manghatai amanta tu inanta manang inanta tu amantana.

b.     Nunga lam torop “boru Batak” na so manjaga habadiaonna andorang so mardongan saripe ibana.

c.      Nunga lam torop be rumatangga ni halak Batak na marsirang di pengadilan, manang dipaulak tu natorasna

d.     Dohot angka na masa na asing.

Ndang mardia imbar i molo taarahon tu ngolu ni haporseaonta. Didok do halak na porsea on, “Anak Ni Raja” alani Tuhan Jesus, Raja ni Surgo i naung gabe Ama di angka na porsea. Alai, ndang ganup ari manang ganup tingki dipataridahon panghataion nang pangalaho na patuduhon halak na porsea i, songon “Anak Ni Raja!”

a.      Nunga lam torop halak Kristen na gabe “provokator.”

b.     Nunga lam torop halak Kristen na gabe “koruptor.”

c.      Nunga lam torop halak Kristen na gaor di huria.

d.     Dohot angka na masa na asing.

Hape molo dilapati, “Anak Ni Raja” umbagas sian i “Anak Ni Tuhan Jesus,” ndang be nian pinatuduhon ngolu songon “na so mamboto aturan, etika dohot na maralo tu Hata ni Tuhan i.” Lam dison ma, lam tapasiajari “ngolu na MARPORANG” maradophon angka na maralo tu aturan, etika dohot Hata ni Tuhanta.

Songon sahalak “Raja” naeng ma nian ngolunta on DIPARADE laho MARPORANG ganup ari, ganup tingki. Sotung “tarlalap modom” angka raja molo ro MUSU laho MANGARORO!!

Dia do rupani na ro gabe MUSU ni Halak Na Porsea di Parngoluanna:

1.        PARKAREJOAN – Dituntut untuk selalu sempurna!

2.        PARHEPENGON – Minggu mangallang jagal, Sabtu mangallang tolor.

3.        PARSAHITON – Nunga loja mangadopi parsahiton na so marnamalum

4.        EMOSI – Boi alani ianangkhon, dongan saripe manang tetangga.

5.        ANGKA NA MASA NA SO TINAGAM

a.        Sega angka ulaon

b.        Ndang sahat na pinarsinta ni roha

c.        Parsirangan alani hamatean

 

Angka dongan na hinaholongan di bagasan Tuhan Jesus Kristus..!!

II.        POINTER JAMITA

Songon halak na porsea hita, nunga tibu hita mamboto pandohan on na sasintongna gabe Sinjata tu hita:

a.      “Ndang lobi sian gogonta hasusaan na tatuhuk!”

b.     “Ingkon monang do nian angka na porsea maradophon hasusaan molo mangasahon TUHAN i!!”

c.      “Haporseaonta tu Tuhan Jesus do na gabe GOGO laho mangalo nasa hasusaan ni ngolu!!”

Hape, di tingki “marporang” mangadopi hasusaan, sai jotjot do hita talu ala lupa pinangke SINJATA manang PODANG laho maralohon musu i!

Alani i do, jamita di Minggunta sadari on, naeng margogoihon hita laho mangadopi PARPORANGAN ni ngolu. Asa unang talu hita maradophon huaso ni sibolis na olo mangelaela jala mangunjuni ngolu ni haporseaonta.

 

 

Angka dongan na hinaholongan di bagasan Tuhan Jesus Kristus..!!

Adong do pigapiga na naeng dohonon ni jamita on tu hita:

 

1.     WELCOME MY PROBLEM, I’M THE WINNER!!

On do pandohan ni “Raja,” “Anak Ni Raja” dohot “Boru Ni Raja!” Unang olo “Talu” manang “Talu Andorang So Marporang!” Ndang songon i Raja, Anak ni Raja dohot Boru ni Raja. 

Ingkon rade do marporang jala diparade dirina gabe SIPARMONANG (The Winner).

 

Alani i, molo laho marporang ingkon pinarade do STRATEGI. Adong do pigapiga strategi na somal diulahon jolma molo marporang mangadopi hamaolon manang hasusaan ni ngolu. Dia do sipillitonta sian pigapiga strategi on?

a.      Holsoan (Mengeluh)

-   Merasa diri selalu sebagai korban (playing victim)

-   Merasa tidak berguna

-   Merasa orang yang paling susah

 

Talu do on? Talu do. Ala pintor PEOKON laho mangadopi masalah! Ndang sipangkeon hape Strategi on!! Unang diulahon be na sisongon i!!

 

b.     Mansalahon Na Asing

-   Mencari kambing hitam

-   Dilului ma ise na sala, hape lupa adong do masalah!!

-   Asa unang susa di ibana, di donganna ma dipasusa!!

 

Talu do on? Talu do. Ala pintor LARI SIAN JALUR laho mangadopi masalah! Ndang sipangkeon hape Strategi on!! Unang diulahon be na sisongon i!!

 

c.      Maranganangan (Berandai-Andai)

-   Aut sugari ma ndang huoloi amanta on gabe amantahu, boi hinan ahu mamora. Ai PNS do dongandonganhu hinan.

-   Aut sugari ndang huloas gelenghon dohot parumaenhu na saonari, ai tabo do ahu na marparumaen on.

-   Aut sugari..aut sugari..aut sugari.. Holan di hata do sude.

 

Talu do on? Talu do. Ala pintor NA ASING DIPINGKIRI laho mangadopi masalah, NDANG FOKUS! Ndang sipangkeon hape Strategi on!! Unang diulahon be na sisongon i!!

 

d.     Pargale (Pinatalu Dirina So Marporang Dope)

-   Ai ndang tolaphu mangolu na sisongon on. Sai holan na susa pingkiranhu dibahen amanta on. Ndang tolaphu be!! Ndang tolaphu!!

-   Molo ahu mandok, ndang muba be pangalaho ni anakhonhon!!

-   Hah...toe ma...!! Songonsongon on na ngolu on!! ASAL MA MANGOLU!!

-   Hah...toe ma...!! Songonsongon on na ngolu on!! ASAL MA MARHOSA!! Hape, ban ni kareta pe adong do hosana molo diisi angin!!

 

Talu do on? Talu do. Ala pintor MANDOK TALU laho mangadopi masalah, so diadopi dope masalah i!! Ndang sipangkeon hape Strategi on!! Unang diulahon be na sisongon i!!

 

e.      Dipasae Masalah (Menyelesaikan Masalah-Pejuang)

-   Ingkon lam lambok ma panghataionhu, asa muba roha ni amantahu!!

-   Ingkon lam ringgas ahu marminggu, asa margogo ahu mangadopi na masa on!!

-   Ingkon lam hupasolhot diringku tu Tuhan Jesus, asa dilehon Ibana dalan laho mangadopi hasusaan on!!

-   Ingkon monang do ahu raphon Tuhan Jesus!!

-   Mangolu nang mate, di Tuhan Jesus ma ahu!!

 

Talu do on? Daong!! Ingkon monang do!! Ala diboto do:

-   SILEHON HAMONANGAN laho mangadopi masalah.

-   Ndang mabiar be!!

-   Ndang gale be!!

-   Ditiop do sinjata na so boi aloon ni musu!!

-   Strategi songon on ma na ingkon diulahon halak na porsea!!

 

WELCOME MY PROBLEM, I’M THE WINNER!!


Angka dongan na hinaholongan di bagasan Tuhan Jesus Kristus..!!

2.        TANGIANG MARDONGAN HAPORSEAON DO SINJATA NI HALAK NA PORSEA!!

Ayat 1-6 na tarsurat di turpuk on, i ma “Tangiang Pangidoan” tu Tuhan i naung gabe ende pamujian di huaso ni TUHAN na gabe Raja na Monang!!

Songon sahalak Raja: Nunga diboto, ingkon tongtong mangadopi angka musu! Alani i, molo tung diadopi angka hasusaan, parungkilon nang pangunjunan, diboto do mangido pangurupion tu Tuhan i!!

Ditangihon Tuhan Jesus do tangiangta molo:

1.        Ndang adong ginjang ni roha. Alai, na dipaserep do roha laho mangido tu Ibana.

2.        Porsea na ditangihon jala dialusi Ibana tangiang ni halak na porsea!!

3.        Dilehon do pangurupion nang panumpahion laho mangadopi ragam ni hasusaan ni ngolu!!

 

Gabe dilehon do hatuaon marhite haulion di nasa pangidoanta di angka tangiangta!!

 

Permasalahan:

Apakah kita berdoa dengan khusus atau hanya sekedar berdoa??

Lehon godang tingki laho martangiang tu Tuhanta Jesus!! Unang holan laho mangan (i pe molo diingot) asa martangiang!! Parade diri marsitutu di na martangiang!!

Parrohahon ma molo “lam berkualitas” tingkinta dohot rohanta di na martangiang dohot Tuhan Jesus, lam berkualiatas do nang ngolunta on!!

Ida ma Raja David naung teruji KUALITAS ni nasida laho marporang. Ndang dipangasahon dirina. Holan Tuhan i do dipangasahon dirina!! Semua bangsa di dunia ini “MEMBERI HORMAT” untuk kepemimpinan Raja Daud selama hidupnya!!

Porsea do hamu??

Molo so porsea hamu, hubahen jo sungkunsungkun, lumobi tu angka amanami dison, lumobi na hobi “markartu!!”

“Gombar nise do na adong di kartu RAJA SEKOP i?”

Ra, molo ahu mandok, ndang diboto hamu i!! Molo tung pe ndang parkartu ahu, alai huboto do i gombar ni ise. I ma gambar ni Raja David. Saonari do nian gabe dipangke jolma laho marjuji molo markartu!! Na jolo, laho patuduhon strategi jala dibahen pe gambar ni Raja David disi, laho patuduhon penghormatan tu Raja na “diakui” sude bangso!!

Jala diajari turpuk on do hita asa:

“Manogihon halak gabe SIPARTANGIANG!!”

Ndang holan tangiang ni Raja David umbahen boi ibana monang mangadopi parporangan. Alai, ditogihon ibana do saluhut bangso i asa sude MARTANGIANG!!

I do molo tajaha judul perikop di Bahasa Batak mandok: “Panghorasion Ni Natorop Tu Rajana!!”

Manang di Bahasa Indonesia mandok: “Doa Mohon Kemenangan Bagi Raja!!”

Ingkon saluhut do hita ruas ni huria marsitangiangan, asa taparsaulihon denggan ni basa ni Tuhanta di ngolunta!!

Angka dongan na hinaholongan di bagasan Tuhan Jesus Kristus..!!

3.     BERFIKIR  POSITIF  DAN  OPTIMIS!!

Pos rohangku, ndang adong nanggo sian hita na “ragu” di huaso ni Tuhanta i. Jala nunga sude hita naung manghilala pasupasu, pangaramotion nang pandonganionNa di ngolunta on!! I ma peop jala i ma pangasahon!!

Halak naung matoras di partondion, i ma halak naung tang di haporseaonna!!

Tarida do parbuena:

1.     Tidak pernah mempersalahkan Tuhan dalam hidupnya.

2.     Masalah menjadi sebuah pembelajaran dan mengasah serta menguji imannya.

3.     Dia akan tetap bisa tersenyum dan bersukacita, meski sesulit apapun yang harus dihadapinya!!

Songon na nidok Psalmen 20:9 on, “Martungkapan jala martinggangan ianggo nasida, alai anggo hita tong do marsihohot jongjong!!” (Mereka rebah dan jatuh, tetapi kita bangun berdiri dan tetap tegak)!!

-        Ingkon talu do saluhutna angka parungkilon molo mardonganhon Tuhan Jesus!!

-        Ingkon mariaia do ujung ni ngolunta molo tongtong pasahathon diri tu Tuhan Jesus!!

 

Angka dongan na hinaholongan dibagasan Tuhan Jesus Kristus..!!

III.       PANUTUP

Alani i, las ma rohanta mangadopi saluhut na masa di ngolunta on!! Tahaporseai ma ngolunta naung dipatimbul di bagasan Tuhan Jesus. Margogo ma hita mangasahon goar ni Tuhan Jesus Kristus laho manguduti parngoluanta! Amen.

Syalom..!!

Selamat Ari Minggu Di Hita Saluhutna..!!

Tuhan Jesus mamasumasu..!!

 

Pdt. Ferdinand Fernando Silaen

Komentar

Posting Komentar

Postingan populer dari blog ini

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusa...
Baca selengkapnya

MANISIA NA MAMINISIAHON MANISIA ( 5 MUSA 24 : 17 - 18 )

Gambar
SERMON EVANGELIUM MINGGU XXI DUNG TRINITATIS HKBP Ressort Palembang Di Ari Senin, 18 Oktober 2021 Turpuk : 5 Musa 24 : 17 – 18  Topik : Manontong Marholong Ni Roha Di Dongan ( Hidup Rukun Dengan Sesama )   I.       PATUJOLO “ My mama told me when I was young: we are all born superstars ” (Lapatanna: Dipaboa dainang pangintubu di tingki haposoonhu: sude jolma sorang tu portibi on asa gabe jolma na hasea/“ superstar ”/” bintang ”). Saponggol syair ni ende na berjudul “ Born This Way, ” niendehon sahalak parompuan na margoar Lady Gaga . Ende i borhat sian na nialamanna saleleng mandalani ngoluna jala hea do nasida manghilala sahit na nidokna “ post traumatic stress disorder, ” sada sahit alani parungkilon na so tarjalo ni rohana. Marhite ende “ Born This Way ” jala na masa naung nialaman Lady Gaga , pabotohon tu na umbege ende i, na godang do di humaliangta angka jolma na “ termarginal ” jala na gabe “ korban ketidakadilan ” dohot “ ...
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evang...
Baca selengkapnya