HATUAON NI JOLMA NA MANGOLU DI BAGASAN ASI NI ROHA NA SIAN TUHAN I ( PSALMEN 106 : 1 - 5 )



BAHAN  SERMON  EVANGELIUM  MINGGU  MISERIKORDIAS DOMINI

Minggu, 18 April 2021

Turpuk                : Psalmen 106 : 1 - 5

Topik Minggu     : Mangolu  Di  Bagasan  Holong Ni Debata

(Hidup Dalam Kasih Setia TUHAN)

 

I.      Patujolo

150 Bindu na adong di buku Psalmen, sude do angka ende na somal niendehon bangso Israel na gabe pujipujian di angka parsombaon nasida tu YHWH (dijaha: Yod He Vav He, diucapkan Adonay). Haporseaon nasida di tingki niendehon ende na adong di Psalmen on gabe pujipujian ni nasida, disi do ro na Debata ni nasida (YHWH) na manghaholongi nasida jala na mamillit nasida gabe bangsoNa. Parpsalmen mandok TUHAN/Jahowa (pandohan YHWH di terjemahan nuaeng) ro di sada inganan na margoar “Kenisah” (Heber: Beit HaMikdash). Dipauli do “Kenisah” on di dolok Sion, di tingki Salomo gabe raja di Israel.  

Gombaran na adong di sude buku Psalmen on, ndang holan na patuduhon haundukhon ni bangso i na dipasahat marhite ende pujipujian, alai laos dohot do disi dipatuduhon alus manang respon ni TUHAN i siala ni pamujion nasida. Pandonganion dohot pangaramotion ni TUHAN i maradophon bangso i di Mesopotamia dohot di Misir, mambahen nasida hot di haporseaonna tu TUHAN i. I do na pinatuduhon ni nasida, di tingki tarbuang muse nasida tu Babel sahat tu panggomgomi ni halak Romawi maradophon nasida, tongtong do dipangke nasida buku Psalmen on gabe tangiang dohot pamujian di pangaramotion dohot pandonganion ni TUHAN i di angka bangsoNa.

Turpukta sadari on, i ma Buku Paopathon (Psalmen 90-106) sian 5 bagian “jilid” na adong di Buku Psalmen. Tangkas do di Bindu 106 on, i ma “puisi dohot kebijaksanaan didaktis” manang pujipujian laos dipadomu dohot pangajarion taringot tu ngolu ni partondion. Jala di ujung ni Bindu on (ay.48) didok do “Pinuji ma Jahowa, Debata ni Israel sian na saingan sahat ro di salelenglelengna jala rim bangso i mandok: Amen! Halleluya!” 

 

II.                  Hatorangan Ni Turpuk


Ayat 1-2: Mandok Mauliate Tu TUHAN Na Marhuaso Di Ginjang Ni Saluhutna

Dia do rupani na boi mangonjar roha ni jolma laho mandok mauliate? Sandok nasa na tuk patupahon hadameon dohot las ni roha di ibana, taronjar ma roha laho mandok mauliate. Nang songon i di ngolu ni haporseaon, ndang adong rupani na boi mangambati roha ni halak na porsea laho mandok mauliate tu TUHAN i. Nihilala roha do pangaramotion dohot pandonganion ni TUHAN i di sude pardalanan ni ngolu ni jolma. Lumobi naung ro TUHAN i papatarhon diriNa marhite Tuhan Jesus Kristus.

 

Tuhan Jesus Kristus do Sipalua na paluahon jolma sian ihot na saleleng on mambahen biar roha ni jolma. Haroro ni Tuhan Jesus ndang holan paluahon jolma sian parhatobanon songon na nihilala bangso Israel sian parhatobanon ni Misir, Babel dohot angka bangso na asing. Tuhan Jesus Kristus do na paluahon jolma sian hamatean alani dosa jala naung paradehon inganan hadameon di ngolu ni jolma na tongtong pasahathon pujipujian dohot hamauliateon rohana jala na tongtong mangolu di bagasan pangajarionNa.

 

Ndang adong na tuk na boi mamilangmilangi huaso ni Tuhanta di sude gogoNa. Ndang holan na jolo dohot saonari, alai sahat tu ujung ni hasiangan on. Songon dia pe rupani mubauba zaman on, alai manontong do ianggo asi ni rohaNa di angka jolma jala tongtong dipatuduhon Ibana holongNa maradophon halak na porsea.

 

Alani i, unang loas mamolus sada ari pe ianggo so tapasahat hamauliateon ni rohanta marhite pujipujian, tangiang nang pangalaho na patuduhon hita naung manghilala basabasa dohot asi ni roha na sian Tuhan Jesus.

 

Ayat 3: Hatuaon Di Jolma Na Mardalan Di Hatigoran

Tutu do mansai godang na boi mangambati jolma patuduhon hatigoran na sian Tuhanta i marhite ngoluna. Sai adong do angka hamaolon, ancaman dohot tantangan na boi mambahen gale di ngolu pardagingon nang partondionta. Alai, asa lam margogo hita angka na porsea di Tuhanta Jesus Kristus, sai taingot ma: Marlaba do jolma na tongtong mangulahon hatigoran na sian Tuhanta i.

 

Aha do na gabe laba dohot hasurungan ni halak na porsea, na manontong mangolu di bagasan hatigoran i? Martua do ianggo ngoluna. Molo didok hata “martua,” ndang boi bilangonta (diukur) marhite nilai materiil. Ala nilai materiil ndang na gabe jaminan ni jolma martua di ngoluna. Ndang sada dua be taida, godang do jolma na marhuaso jala mamora huhut marhagabeon, ndang sonang ngoluna jala gumodang do ibana marsak di na adong di ibana i.

 

Jolma na dapotan hatuaon, i ma jolma na tongtong mangolu di bagasan dame na sumurung i. Jolma na so mangolu di bagasan ungutungut jala tongtong marlas ni roha di sude na adong di ibana. Boasa boi songon i? Ala diboto ibana, sude na niulahonna hombar tu hata ni TUHAN i, ndang na gabe patubuhon rimas ni TUHAN i, alai dihilala ibana do sudena i pasupasu na sian TUHAN i.

 

Ngolu na umbiar mida rimas ni TUHAN i sian na adong di portibi on, gabe dasor ma di ngolu ni jolma na porsea. Ndang gabusanNa hita sian HataNa i, ingkon tongtong do dapotan hatuaon ngolu ni jolma na mardalanan di hatigoran na sian TUHAN i.

 

Ayat 4-5: Pangido Pangaramotion Sian TUHAN I

Di tingki modom hita di bodarina i, pitpit do ianggo simalolong, so boi idaonta angka na masa di humaliangta. Di na tarpodom i hita, so na boi botoonta angka tahitahi ni sibolis manang tahitahi ni na jat na laho mangago hita. Alani i, ringkot do adong na manjaga hita. I do na gabe gombaran di ngolunta, ndang boi sai bungka simalolongta marnida angka na masa di humaliangta. Nang di ngolu ni partondion pe, so na boi tuk pingkiranta mamilangmilangi angka tahitahi manang dalan ni sibolis laho mangunjuni hita, i do rupani sai olo do hita madabu tu bagasan dosa na tinuntun dohot na so tinuntun.

 

Alani i, ingkon tapasahat ma ngolunta di TUHAN i jala dok ma tu Ibana, “Sai ingot ma ahu ale TUHAN.” Asa dipadao TUHAN i hita sian angka pangunjunan. Jala idaonta do angka jolma na dipangke TUHAN i laho mangurupi hita laos mamboan angka las ni roha ditongatonga ni ngolunta. Alani sude pambahenan ni TUHAN i di ngolunta, tahalashon jala tapuji ma Ibana di tongatonga ni ngolunta.

 

 

III.               Sipahusorhusoron

Tasolsoli ma pangalahonta na humurang maradophon TUHAN i, nang maradophon dongan jolma. Roha na manolsoli i do na mangonjar hita asa muba rohanta jala mangolu di ngolu naimbaru. So holan i, molo tapauba jala tapaulak rohanta na girgir jala polin mangolu di bagasan haporseaonta di Tuhan Jesus, dapotonta ma hasesaan ni dosa (Ulaon 3:19). Alani i, tapuji ma Tuhan Jesus naung hehe jala paheheon hita asa dapotan ngolu na imbaru, ai i do na patuduhon balga ni asi ni rohaNa tu hita angka jolma. Amen.

 

Syalom..!!

Tuhan Jesus mamasumasu..!!

 

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya