DISEAHON TUHAN JESUS HOSANA HUMOPHOP JOLMA (LUKAS 22:44-48)



SERMON EVANGELIUM

PARNINGOTAN ARI HAMAMATE NI TUHAN JESUS

Turpuk     : Lukas 23 : 44 – 48 

Topik        : Diseahon  Jesus  Do  HosaNa

              (Yesus  Menyerahkan  NyawaNya)


I.      Patujolo

Panuratan Evangelium Lukas taringot tu Tuhan Jesus na tarsilang dohot hamamateNa dibahen mansai jempek jala sederhana. Boasa? Ala pangantusion panurat Lukas: parsiranggutan (pergumulan) Jesus na mansai balga ndang na di na tarsilang i manang di hamamateNa, alai di tingki Tuhan Jesus martangiang di Getsemane. Nunga jumolo diparungkilhon Tuhan Jesus pardalanan Via Dolorossa i sahat tu hamamateNa di tingki Ibana martangiang di Getsemane.

Hamamate ni Tuhan Jesus gabe sada parsiajaran na mansai arga di ngolu ni haporseaon angka siihuthon ni Kristus. Andorang so tos hosaNa songon Jolma na mangolu di portibi on, diparungkilhon do ianggo na naeng ro tu Ibana i, alai, ndang na gabe sumurut haporseaonNa di na pasahathon diri tu Ama i. I do na jumolo ingkon dipeop angka siihuthon ni Kristus di na mandalani parngoluanna, tung pe ingkon boluson jala manaon angka na hansit laho marsihohot di haporseaonna.

Di turpuk on, nunga “dipatimbo” Tuhan Jesus marhite na tarsilang Ibana di Golgata (bukit Tengkorak). Golgata gabe sada inganan panguhuman na pinatupa panggomgomi ni halak Romawi tu angka jolma na divonis hukuman mati. Halak na diparsilanghon, ndang mamintor mate ibana, alai jolo ditaon do hinahansit ni na targantung. Halak na bisuk na meneliti taringot tu “Hukum Penyaliban” mandok: Panguhumion na sisongon i mansai posi situtu do, ala ndang mamintor tos hosa ni jolma na tarsilang i, alai adong pigapiga jom ibana ingkon manaon na hansit. Inilah penyiksaan yang sangat kejam yang pernah terjadi di dunia ini!

Ingkon ditaon Tuhan Jesus do “Hukuman Terkejam Di Dunia” di na laho paluahon jolma sian dosa. Jala di turpukta sadari on, dipaboa si Lukas do sitaonon na parpudi na tinaon ni Tuhan Jesus andorang so tos hosaNa. Tuhan Jesus na tarsilang, na pinatimbo di dolok Golgota gabe sada panatapan na mamboan pangantusion: Ibana do parhitean na pinatimbo di hasangaponNa di hau pinarsilang i, na padamehon jolma dohot Ama i.

 

II.   Hatorangan Ni Turpuk

Andorang so tos hosa ni Tuhan Jesus di hau pinarsilang i, tangkas do diondolhon sada pangantusion tu sahalak sian dua halak na tarsilang i (dohot do pangantusion i sahat tu hita angka siihuthon ni Kristus), i ma taringot tu “Paradeiso” (Indonesia: Firdaus). Songon dia do rupani pangantusion taringot Paradeiso i? Borhat do i sian hata Persia na marlapatan “porlak,” “kebun” manang “taman.” Pangantusion i do na mamboan sada pangajarion tu hita na mate rap dohot Kristus (di bagasan Kristus), malua nama sian angka haporsuhon nang hamaolon ni portibi on.

Dung dipasahat Tuhan Jesus pangantusion i, sahat ma hita tu turpuk na gabe jamita di Parningotan Ari Hamamate ni Tuhan Jesus sadari on. Tapaihutihut ma hatorangan na hugurithon di bahan sermon on:

1.     Ari Hadameon Ni Jolma Dohot TUHAN I (Ay.44-46)

Di hamamate ni Tuhan Jesus, ditaringoti do tu halak Kristen na parjolo, na adong do dua tanda halongangan na masa hatihai andorang so tos hosaNa:

a.     Mangholom Sandok Tano I (Jerusalem)

Sada tanda halongangan na patar hatiha i na masuk tu “peristiwa alam.” Diingot panurat Lukas na hea do masa saleleng tolu jom mangholom wilayah Israel. Boi dilapati na masa i gabe sada tanda na ingkon ro panguhuman tu Jerusalem dohot tu halak Jahudi jala boi do muse diantusi na malungun do portibi on ala hamamate ni Tuhan Jesus. Jala tamba do pangantusion marhite na masa i, i ma naung pinalua Tuhan Jesus do saluhutna jolma na adong di portibi on sian uhuman alani dosa.

b.     Maribak Hirehire Na Di Bagas Joro

Di bagas joro na adong di Israel, adong do dua inganan na badia di parugamoon nasida, i ma: Inganan na Badia (Ruang Kudus) dohot Inganan na Sun Badia (Ruang yang Mahakudus). Inganan na Sun Badia i, i ma inganan na gabe tanda habadiaon ni TUHAN (YHWH), holan sahali di bagasan sataon boi sahalak Sintua ni Malim (ndang sude Malim) masuk tu inganan i di na laho mangido asi ni roha ni TUHAN i.

Dung masa na “maribak hirehire” ni bagas joro i, gabe sada ari na badia ma i marhite hamamate ni Tuhan Jesus, i ma Ari Hadameon. Didok Ari Hadameon ala so adong be na mangambati haroro ni jolma mangido asi ni roha ni Tuhan i di bagasan Jesus Kristus (laos Tuhan Jesus i sandiri do na gabe Sintua ni Malim).

Ndang holan i, hamamasa marhite na “maribak hirehire” mamboan sada pangantusion muse, i ma na so mian do Tuhan i holan di sada inganan. Na gabe ro do Ibana manopot sasahalak jolma di na pasahathon asi ni rohaNa. Adong do Tuhan i di roha ni jolma na mangolu rap dohot Ibana jala di inganan na binahen gabe inganan pamujion di GoarNa.

“Dung i marsoara na gogo ma Jesus, ninna ma: Amang! Tu bagasan tanganMu ma Hupasahat tondingKu. Jadi dung didok i, tos ma hosaNa” (ay.46). Didok di ayat i, andorang so tos hosaNa, didok Tuhan Jesus do sada tangiang na jempek na gabe sada tangiang na somal di halak Jahudi ganup borngin, i ma tangiang sian Psalmen 31:6a, “Tu bagasan tanganMu do hupasahat tondingKu.”

Tangiang i borhat sian pangantusion ni halak Jahudi na mandok molo di tingki borngin manang di na laho modom nasida, ingkon pasahathon nasida do tondina tu TUHAN (YHWH) i, ala molo dung dungo nasida sian podomanna diloas TUHAN i do muse tondina mangula di sada ari i.

Yesus seakan-akan membalikkan jalan fikiran itu: Ia mati sebagai orang yang mau tidur, yakni sesudah mengucapkan doa malam itu! Holan sada hata do na gabe tamba di tangiang i, i ma hata “Amang.” Marhite tangiang i dipatolhas Tuhan Jesus do parsihohotanNa na tongtong di parsuruan ni Ama i tu Ibana. Jala ndang na nanget didok Tuhan Jesus hata i, alai “marsoara na gogo” do Ibana. Ndang na mate di bagasan Jolma na gale, na mabiar jala na hansitan Tuhan Jesus, alai mate do Ibana di bagasan hamonangan na sian banua ginjang.

Refleksi:

Barita na uli na dipasahat turpuk on marhite Tuhan Jesus na mate di hau pinarsilang i mangarahon tu parungkilon na mambahen jolma gabe mabiar, i ma hamatean. Gumodang dope jolma na mabiar molo ro hamatean i tu ibana. I do rupani, ndang otik sian halak Kristen na gabe laho tu pardatuon, asal ma malum ibana sian parsahitonna. Ndang hibul dipasahat ngoluna tu adopan ni Ama na di banua ginjang i.

Parungkilon na ingkon diadopi jolma di portibi on, i ma panghorhon ni angka dosa na niula ni jolma. Lapatanna: Ala sude jolma do mardosa, sude do manghilala parungkilon, haporsuhon nang hamaolon di tongatonga ni ngoluna. Tuhan Jesus na so mangulahon dosa pe ingkon manaon na hansit ala parbue sian dosa ni jolma, lam ma jolma na mangulahon dosa.

Alai songon nidok di turpuk on, nasa jolma na mangolu sahat tu na marujung ngoluna molo hot ditiop haporseaonna tu Tuhan i, malua do ibana sian haporsuhon na binahen ni portibi on. Mangolu nang mate di bagasan Tuhan Jesus, mamboan angka na porsea sahat tu hangoluan naung pinarade ni Tuhan Jesus, i ma hadameon. 

2.     Ngolu Na Manghatindanghon Hadameon Sian Tuhan Jesus (Ay.47-48)

Marnida na masa i gabe malungun ma letnan i “Centurio Romawi” (Kepala Pasukan Seratus). Alai, ndang na holan malungun ibana marnida na masa i, gabe tubu ma panghatindanghonon di pangulaon ni Tuhan Jesus i, pola didok ibana, “Tutu do, halak na tigor roha do on.” Dipatuduhon Tuhan Jesus do marhite tanda halongangan dohot pangajarionNa tu na torop asa tongtong pasahathon diri tu Tuhan i, laos diulahon Tuhan Jesus do sahat tu na mate di hau pinarsilang i. I do na mangonjar roha ni letnan i (dohot nang pangajarion ni Tondi Parbadia tu ibana) gabe manghatindanghon Tuhan Jesus di ngoluna.

So holan letnan i na gabe manolsoli pangulaonna, dohot nang angka na torop na marnida Tuhan Jesus na diparsilangkhon i. Marsitompuk andorana do nasida marnida na masa, laos mulak ma di bagasan habot ni roha dohot roha na manolsoli. Di hasomalan ni halak Jahudi, molo adong na marsitompuk andorana, na mangido asi ni roha ni TUHAN i do nasida sian angka dosa dohot pangalaosion naung niulahon nasida.


Refleksi:

So na holan manolsoli na hinalomohon ni Tuhanta molo diingot jolma angka dosa dohot pangalaosionna. Alai, na ingkon dohot do tubu haimbaruon pangalaho nang parngoluan na dumenggan jala sahat tu na mamuji goar ni Tuhanta i. I do na patuduhon naung tangkas mananda jala manghangoluhon Tuhan Jesus di ngoluna.

 

III.     Sipahusorhusoron

Marhite jamita di Parningotan Ari Hamamate ni Tuhan Jesus on, tangkas ma ondolanna tu hita asa tongtong mangolu di bagasan haporseaon na polin tu Tuhan Jesus ala naung dipadame Ibana hita tu Ama i. Molo tung olo dope hita madabu di bagasan dosa, taingot ma Tuhan Jesus na tarsilang i, na manghophop hita asa unang mate hita ala ni dosanta. Laos ndang holan roha na manolsoli, ingkon tapataridahon do ngolunta na manghantindanghon Tuhan Jesus marhite panghataion nang pangulaonta. Amen.

Syalom..!!

Selamat ari Jumat Agung ma di hita saluhutna..!!

Tuhan Jesus mamasumasu..!!

Pdt. Ferdinand Fernando Silaen 

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya