2 SAMUEL 7:1-6

JAMITA MINGGU ADVENT  IV

Minggu, 20 Desember 2020

Evangelium : 2 Samuel 7 : 1 - 16

Topik               : Harajaon Na Hot Ro Di Saleleng Ni Lelengna

                            (Kerajaan Mesias Yang Kokoh Selama-lamanya) 

Angka dongan na hinaholongan di bagasan Tuhan Jesus Kristus..!!

I.    PATUJOLO

 

Turpuk on naeng mangondolhon tu hita di masa di Raja David di tingki manguluhon bangso ni TUHAN (YHWH) i. Alai, asa tumangkas idaonta songon dia ma dipahot TUHAN i harajaon ni si David, jumolo ma hita marnida songon dia latar belakang ni bangso ni TUHAN i andorang so raja David manguluhon bangso i.

 

Raja na parjolo manguluhon bangso Israel i ma raja Saul. Alai, dilengsehon TUHAN i do ibana. Alani aha? Adong 3 (tolu) alasan gabe dilengsehon harajaonna:

a.   Maralo tu panurirang Samuel (1 Samuel 13:13-15; 15:10-35) dohot angka malim ni halak Israel (1 Samuel 22:11-19)

b.   Adong parbolatbolatan di bangso Israel hatiha i, lumobi dung tarida si David na boi gabe raja.

c.    Pangalaho ni si Saul na lam maralo tu TUHAN i.

Tolu alasan  i do na mambahen sega harajaon na niuluhon si Saul hatiha i. Jala sada do inti sian tolu alasan i, naung maralo do pangalaho ni si Saul tu na hinalomohon ni TUHAN i. Disi ma dipatuduhon TUHAN i, na so boi adong huaso manang hagogoon manang sangkap na maralo tu na hinalomohon ni TUHAN i.

Laos diparade TUHAN i ma si David, sahalak parmahan na gabe pangganti ni si Saul. Daud sendiri juga merupakan anak muda hasil latihan dan bimbingan dari raja Saul. Kecakapan Daud dalam memimpin militer segera menaikkan kepopulerannya. Singkat cerita Daud akhirnya menjadi raja di Israel dan semakin memperbesar wilayah kekuasaannya.

Satu hal bijak yang dilakukan Daud pada masa pemerintahannya adalah dengan pemindahan tabut perjanjian (poti ni TUHAN i) ke kota Yerusalem. Benda yang pernah menjadi pengikat persekutuan suku-suku Israel yang direbut oleh bangsa Filistin. Dengan menempatkan tabut itu ke Yerusalem, Dau secara bijak telah memperkuat kesetiaan Israel kepada dirinya.

Sahala ni raja David dipatuduhon di sude aspek kepemimpinan. Gabe raja sihaposan do ibana di adopan ni bangso Israel. Jala marhite i ma gabe lam dipatuduhon bangso Israel ma hasatiaonna tu TUHAN i, ala diantusi nasida sude na masa i sian sangkapNa na pauliulihon jala na mamparmuduhon angka na niasianNa.

Jala sahat ma hita tu turpuk jamita di Minggu Advent na Paopathon on. Di turpuk on idaonta ma songon “dogma teologis” na ingkon peopon ni angka na porsea tu Ibana. Di Minggu Advent na paopathon on, tangkas pangajarion jala poda ni angka gareja Lutheran mangondolhon “ngolu na marpaimahon haroro ni Kristus na parpudi.”

Asa tigor jala tangkas hita mangantusi turpuk on na marsaringar di ngolu na “marpaima di haroro ni Kristus na parpudi,” uli ma hita mamparrohaon pigapiga ondolan na naeng pinasahat ni turpuk on tu hita.

 

Angka dongan na hinaholongan di bagasan Tuhan Jesus Kristus..!!

II.Adong pigapiga mutiha na mansai arga na boi idaonta sian jamita di Minggu on.:

 

1.   Marlas Ni Roha Angka Na Mangoloi Hata Ni TUHAN I (Ay.1)

Tontu ganjang do pardalanan ni si David andorang so jongjong ibana gabe sahalak raja di tongatonga ni bangso Israel. Andorang so ro si Samuel mamiahi si David gabe sahalak raja, mangula do si David gabe sahalak parmahan na marmahani birubiru ni amana.

Dung dimiahi pe ibana gabe sahalak raja, ganjang dope pardalanan ni ibana, ala mangiburu do raja Saul hatiha i ala so diampini TUHAN i be pangalahona jala lomo rohaNa tu si David asa ibana mangganti Saul gabe raja. Marsangkap ma si Saul laho mamunu si David, asa unang saut si David gabe raja di Israel.

Marbisuk do si David, sanga do didongani ibana bangso Palistim laho pajongjong kelompok di na laho mangalo raja Saul. Dung talu si Saul, nangkok ma raja David manguluhon bangso Israel. Alai, ala songon “boneka raja” dibahen angka parhuaso di Palistim ibana, gabe dibahen ibana ma cara di na laho manaluhon bangso Palistim. Laos talu ma bangso Palistim di na marporang dohot angka “tentara” ni Israel.

Nuaeng, songon na tajaha di Bindu 7 di ayat 1 on, nunga hundul ibana gabe raja na marhasonangan ala naung ditaluhon sude musuna marhite gogo na sian TUHAN i. Ndang adong be na mambahen mabiar ibana di na manguluhon bangso Israel ala pos rohana, ndang ditadinghon TUHAN i ibana.

Songon i do na bage parsiajaran di ngolu ni halak na porsea tu Tuhan Jesus. So holan na martangiang! So holan na marsiajar! So holan na mangula! So holan na marsangkap! Lobi sian i, ingkon pasahathon diri di angka proses na binahen ni Tuhan i di ngoluna.

Sandok, sude na masa di ngolunta, molo tapeakhon pangantusionta di lomo ni roha ni Tuhan i, so adong sian hita be na marungutungut! Ala diantusi, tung adopanta pe angka na hansit, mangae angka hamaolon, mamolus angka partangisan, sai marlas ni roha hita ala nunga pinaradeNa angka na ummuli di tongatonga ni parngoluanta.

Roha na marpangoloion do na jumolo ingkon mangolu di ngolu ni haporseaonta.:

a.   Apa yang Tuhan Yesus katakan saya dengar dan lakukan

b.   Apa yang Tuhan Yesus rencanakan dalam diri saya dan keluarga, saya ikuti dengan hati yang gembira

c.    Tetap di dalam hidup yang berserah dengan apa yang Tuhan mau dari dalam diri saya.

 

Tidak ada teori lain untuk kita hidupi agar mendapatkan kebahagiaan dari Tuhan, selain daripada hidup yang menggantungkan diri sepenuhnya kepada Tuhan Yesus di dalam doa dan perbuatan. Songon dia pe cara ni sibolis dohot gogo ni portibi on laho mangagohon hita, ndang boi manaluhon angka na hinophon ni Tuhan i.

Sai marlas ni roha do jolma na mangoloi hata ni Tuhan i!

 

2.   Lomo Ni Roha Dohot Sangkap Ni TUHAN I Do Na Ingkon Saut (Ay.2-14)

Ala naung dihilala hatuaon dohot roha na sonang marhite pandonganion ni TUHAN i di ibana, marsangkap ma raja David di na laho pauliulihon “bagas ni TUHAN i.” Ndang adong na sala na sinangkapan ni rohana. Di bagasan roha na mandok mauliate do ibana pasahathon na sinangkapan ni rohana tu si panurirang Natan.

Denggan do alus ni panurirang Natan tu ibana didok, “Antong laho ma ho! Nasa na sinangkapan ni roham di bagasan, patupa ma i, ai Jahowa do donganmu.” Ditolopi panurirang Natan do pangidoan ni raja David.

Songon i do na boi masa di tongatonga ni parngoluonta. Jotjot do hita mandok “na burju do si Adonang.” Jala alani burjuna, dongananta do ibana jala pujionta do ibana laos urupanta do ibana patupahon na sinangkapan ni rohana, ala pamikirionta na denggan do na sinangkapan ni rohana.

Ndang adong na sala disi jala hombar tu angka pangajarion di etika, sosial dohot kemanusiaan jala di parugamoon sai tinolopan do angka sangkap na uli, lumobi di ngolu pamujion tu Tuhanta Jesus. I do rupani molo di angka huria sai patupaon do angka Rapat Huria di na laho pahembanghon Harajaon ni Tuhan i marhite huria i.

Alai bornginna i ro ma hata ni Jahowa tu si Natan mandok asa unang pola patupaon ni raja David na sinangkapan ni rohana. Boasa? Taparsiajari ma hata ni TUHAN i na gabe alasan ndang dioloi pangidoan ni raja David:

a.   Tung tarbahen ho ma paulihon di Ahu sada bagas bahen ingananHu? (Ay. 5)

Sian sude program na pinatupa ni sada huria di angka Rapot Huria, sai marnahurang singkop do saluhutna di roha ni angka parhalado dohot angka ruas ni huria. Lumobi ma molo di angka pembangunan.

Boasa? Ala TUHAN i sandiri do na “patangkashon diriNa” di tongatonga ni angka bangsoNa. Di sadasada huria, ndang pembangunan fisik na hinalomohon ni Tuhan i. Boi do ingkon jumolo: “PEMBANGUNAN ROHANI HURIA.” Isarana: Pangantusion na sintong taringot tu:

-       Parsombaon tu Tuhan Jesus di angka Parmingguon, Partangiangan dna

-       Martangiang

-       Panandaon na sintong di angka pambahenanNa

-       Mangantusi angka na masa, ai i do hata ni Tuhan tu angka jolma.

 

Tangkas marhite turpuk on, ndang dipangido Tuhan i di angka:

-       Pembangunan Monumental

-       Madabu Di Angka Ulaon Seremonial

 

Alani i, aut sura adong na sinangkapan ni huria manang na sinangkapan ni rohanta na so boi saut, hape sangkap na denggan do nian di pingkiranta, tajalo ma i di rohanta.

Ai tarbahen hita paulihon sada bagas bahen inganan ni Tuhanta i! Alai, rade ma hita paradehon dirinta asa tung maringanan ma Tuhan Jesus di rohanta ganup.

b.   Tongtong do Ahu mardalandalan jala maringanan di bagasan undungundung (Ay.6-7)

Imanuel: Rap dohot hita do Tuhanta Jesus! I ma hangoluan ni angka na porsea! Ndang holan na di bagas joro hape maringanan Tuhanta i. Na dohot do ibana maringanan di tongatonga ni bagasta ganup. Apakah hal itu kita sadari atau tidak?

Marhite turpuk on do dipaingot hita asa manghilala na rap dohot Ibana do ngolu ni angka na porsea! Unang holan di bagas joro na gabe inti ni partondionta di na laho mamuji, pasangaphon jala martangiang tu Ibana, na dohot do tabahen bagasta gabe inganan pamujian, pasangaphon dohot partangiangan tu Tuhanta Jesus.

Tongtong do mardalandalan Ibana! Molo so rade rohanta manjalo Ibana mian di bagasta, ndang olo Ibana maringanan di bagasta. I do rupani jotjot molo adong parbadaan di tongatonga ni bagasna didok do “nga sibolison be na di jabu on!” Olo do toho i!

Aut sura Tuhan Jesus na maringan di tongatonga ni bagasta, sai dao do i di angka parungutunguton, parbadaon dohot murukmuruk. Ala dame na sian Tuhanta Jesus do mian di tongatonga ni bagasta.

Jou ma Ibana asa tinggal di bagasta di na laho: mandongani hita, mamasumasu hita, mangurupi hita jala na marmudumuduhon ngolunta. Rade do Tuhanta i maringanan di bagasan undungundungta.

 

c.    Marragam do angka ulaon na pinasahat ni TUHAN i tu angka naposoNa (Ay.8-14)

Pinaihutihut na masa di pardalanan ni huria, hea do ahu mandohoti sada ulaon distrik, jala ro do sahalak pucuk pimpinan ni huria di ulaon i. Ala nunga marbulan ndang adong pangula na gok tingki na manghobasi sada huria ala naung borhat manguduti panghobasionna na imbaru jala ndang adong panggantina, ro ma sahalak parhalado na mangido tu pimpinan ni huria i.

Didok nasida ma, “Amang, nunga lobi tolu bulan ndang adong pangula na gok tingki na manguluhon hami ndung borhat amanta ......... Mangido ma hami tu amang asa tung parrohon amang tu hami sada pangula asa tung mardalan panghobasion di hurianami. Jala marpangidoan hami asa tung na MALO MARKOOR jala na MALO MARORGAN ma di hami, unang songon na sebelumna!”

Ndang pola udutanhu songon dia alus ni pimpinan ni huria di pangidoan ni sahalak parhalado i. Alai na naeng idaonta pangidoan ni nasida tu “Pangula na MALO MARKOOR dohot na MALO MARORGAN!” Tontu ringkot do i marnida angka panghobasion di tongatonga ni huria. Alai adong na ingkon idaonta: “Marragam do angka ulaon na pinasahat ni TUHAN i tu angka naposoNa.” 

Jala marhite angka naposoNa, sai “dipatureture” jala “dipauliuli” do huria i, sian sundut naummetmet!

-       Olo do saleleng 5 taon pangula marhobas disi, na holan warna ni gareja i na diganti!

-       Olo do saleleng 5 taon pangula marhobas disi, na holan plafon ni gareja na pinature!

-       Olo do saleleng 5 taon pangula marhobas disi, na holan administrasi gareja na pinature! Dna.

 

Jala ndang pangidoan ni angka ruas, Sintua nang angka pangula na mangula di huria i do na gabe “ukuran keberhasilan.” Alai, Tuhan Jesus, Raja ni huria i do na mamboto, dia do jumolo sipatureon jala sipauliulion di tongatonga ni huria i.

Antong, rade ma hita parsidohot di sangkap ni Tuhanta marhite angka panghobasion ni pangula na gok tingki dohot parhalado ni huria. Lumobi, na ingkon dohot do ganup angka ruas ni huria parsidohot pauliulihon huria di hata ni Tuhanta i marhite angka panghobasion, partangiangon, pamingkirion, panghataion nang parulaon.

I do na pamorahon huria i jala i do na gabe dalan ni Tuhanta di na laho pahembanghon harajaonNa di tongatonga ni portibi on marhite huriaNa.

Jala na rumingkot sian i, ingkon marroha anak ma hita, na mangoloi Tuhanta naung gabe Ama di hita. Molo mambahen dosa hita, linsinglinsing ni jolma pangkeonNa laho mangalinsingi hita. Baliksa, roha na sonang jala na martua do lehonon ni Tuhanta di ngolu na marpangoloion tu Ibana.

 

3.   Manontong Do Asi Ni Roha Ni TUHAN I (Ay. 15-16) 

On ma bagabaga ni Tuhanta tu bangsoNa laos on ma na pasingkophon saluhutna! Alai jumolo ma taparrohaon ayat 15 na mandok, “Alai ndang unsatonHu sian ibana anggo asi ni rohangKu, songon na Huunsat i sian si Saul, naung Hupaijur di jolomi (Tetapi kasih setiaKu tidak akan hilang dari padanya, seperti yang Kuhilangkan dari pada Saul, yang telah Kujauhkan dari padamu).”

Adong ma dipaingot ayat on tu “asi ni roha ni TUHAN i na diunsat sian si Saul.” Marbonsir ma i sian pangalaho ni si Saul na lam mandao sian TUHANna. Marsigantung ibana tu pingkiranna sambing, umbagas sian i: marpanungkun ma ibana tu datu na tontu sada “dosa pangalangkupon” na binahenna maradophon TUHAN i.

Diunsat ma asi ni roha ni TUHAN i, tarlumobi Tondi ni TUHAN i ndang maringanan be di rohana ala nunga laho sian ibana. Sada sipaingot ma on tu ngolu ni halak na porsea na gabe siihuthon ni Kristus.

Manat ma hita di na mandalani ngolu ni haporseaonta. Unang sanga hita madabu tu dosa na “menduakan TUHAN” atau “bergantung kepada kepercayaan/kekuatan dunia.” Diuncat TUHAN i do asi ni rohaNa sian ngolu ni jolma na sisongon i.

Baliksa, manontong do asi ni rohaNa di angka na satia mangihuthon Tuhan Jesus. Jala masuk ma hita di bagasan harajaon na hot ro di saleleng ni lelenga di bagasan Tuhan Jesus Kristus.

Tuhan Jesus do na gabe Raja, jala hita do anakNa. Amen.

 

III. PANUTUP

Songon panutup di jamita na sian turpukta sadari on, tangkas ma tapataridahon parbue ni jamita on marhite ngolu na mangoloi hata ni Tuhanta di ngolunta. Lumobi di Minggu Advent na paopathon on, ndang marisuang pangaradeonta di haroro ni Tuhan Jesus na parpudi molo sai tongtong hita satia di dalanNa, tung pe godang angka na masa na ingkon adopanta. Alani i, tongtong ma hita marpangunsandean tu Ibana, sai tongtong ma dongananNa hita ganup ari sahat tu haroroNa. Amen.

Syalom..!!

Selamat ari Minggu tu hita saluhutna..!!

Tuhan Jesus Mamasumasu..!!

 

Pdt. Ferdinand Fernando Silaen.