PARJUMPANGAN NA PAHEHEON (ULAON APOSTEL 9:1-6)



PANURATAN  JAMITA  MINGGU QUASIMODOGENITI  

“Songon Posoposo Na Imbaru Tubu” (1 Petrus 2:2)

Minggu, 24 April 2022

Evangelium : ULAON NI APOSTEL  9 : 1 - 6

Topik : Hamubaon Di Bagasan Jesus ( Berubah Oleh Perjumpaan Dengan Yesus )

Angka dongan na hinaholongan di bagasan Tuhan Jesus Kristus..!!

I.      PAMUHAI

Molo sinungkun ma hita na ro di parmingguan sadari on?

“Aha ma na tinujumuna umbahen ro hamu tu Parmingguan sadari on?”

-        Mamuji Tuhan

-        Martangiang

-        Marsaor dohot Tuhan

-        Manangihon hata ni Tuhan

-        Pajumpang dohot dongan sahaporseaon

-        Pajumpang dohot Tuhanta 

Saleleng pigapiga taon on laho hita Marminggu, “tutu do pajumpang hita dohot Tuhan??” Dia ma “bukti” na patuduhon naung pajumpang hita dohot Tuhan i ganup parmingguonta??

-        Sian parbada hian, gabe lam parbada?

-        Sian parmuruk hian, gabe lam mura tarrimas?

Boha amang/inang?

“Dia do na patuduhon hita naung pajumpang dohot Tuhan i?”

 

Angka dongan na hinaholongan di bagasan Tuhan Jesus Kristus..!!

Unang ma jolo hata “ganup ari” tapangke laho pajumpang dohot Tuhan i. Tapangke ma hata “GANUP MINGGU” hita pajumpang dohot Tuhan i, “APAKAH ADA PERUBAHAN DI DALAM PRIBADI KITA??”

1.     Molo adong nasogot na marsoal amanta dohot inang, manang ianangkhon dohot natoras, mulak marMinggu on, “mardame do hamu manang ndang??”

2.     Molo adong saleleng on na so marsiantoan na hombar jabu, na mardongan manang na berkeluarga, mulak marMinggu on, “marsiantoan / marsi-maaf-an do hamu manang dang??”

Laos parjumpangan ni huria HKBP Lembak dohot Punguan Ina Parari Kamis sian HKBP Efrata Lorok, “adong do manghorhon na denggan mulak sian Parmingguan on manang ndang??”

“Pertemuan kepada TUHAN di dalam ibadah-ibadah kita tentu membuat BANYAK SEKALI PERUBAHAN BAIK dalam hidup kita!!”

Ingkon sude do MANGHILALA dohot MAMEOP DI ROHANA, parpunguanta on digoari do “PARPUNGUAN ANGKA NA BADIA.” Boha do molo “angka na badia” pajumpang dohot angka dongan na asing? Tontu binoan do habadiaon na sian Tuhanta i ganup mandalani gulmit ni ngoluna!!

Kita harus pastikan, sewaktu kita berdoa, beribadah, menyanyikan lagu pujian, kita bertemu dengan Tuhan Yesus!! Bertemu dengan Tuhan Yesus akan memberi pertumbuhan yang baik di dalam keimanan dan kehidupan sehari-hari!!

“Lam pinatuduhon ma roha nang parange na suman tu KRISTUS!!”

 

Angka dongan na hinaholongan di bagasan Tuhan Jesus Kristus..!!

II.         POINTER JAMITA

I do na nihilala Apostel Paulus di turpuk jamitanta sadari on. Sahali dope ibana pajumpang dohot Tuhan Jesus, mamintor muba rohana!! I pe ndang diida si Paulus bohi ni Tuhan Jesus. Ndada holan soaraNa i begeonna!!

Hamubaon ni roha Apostel Paulus tudos do i tu “METAMORFOSIS!” Molo didok “metamorfosis” (Gorik: metanoia), ingotonta ma “lampulampu” (kupu-kupu): kepompong bermetamorfosis menjadi kupu-kupu!!

-        Adong perubahan total!

-        Perubahan na gabe lam tu ulina!!

-        Perubahan yang selalu mengikuti proses yang ada!!

“Di Bagas Joro do si Paulus pajumpang dohot Tuhan i?”

-        Ndang hape! Ai di tongandalan do ibana pajumpang dohot Tuhan Jesus.

-        Ai di tingki laho mangulahon na jat do ibana pajumpang dohot Tuhan Jesus.

-        Marhite sillam ni sondang na sian ginjang dohot soara do si Paulus pajumpang dohot Tuhan Jesus.

Lapatanna disi:

-        Di pardalanan ni ngolunta on, ganup ari pajumpang do hita dohot Tuhan Jesus.

-        Ganup muruk manang sogo roha tu dongan, ai disi do manghuling soara ni Tuhan Jesus mamanghulingi hita.

-        Adong hamubaon dung pajumpang dohot Tuhan Jesus.

Jadi, molo ro nuaeng Punguan Ina Parari Kamis sian HKBP Efrata Lorok, naeng ma manghorhon tu haulion di hurianta on di partingkian na naeng ro.

Suang songon i, Punguan Ina Parari Kamis na ro tu HKBP Lembak, “lam uli ma DIPANGIAR soara ni Tuhanta di ganup parngoluonmuna!!”

Angka dongan na hinaholongan di bagasan Tuhan Jesus Kristus..!!

Umbahen i ingkon dohononta do, “ganup pajumpang hita dohot Tuhan Jesus di ragam ni gulmit ni ngolunta, naeng ma manghorhon lam tu ulina PARANGE, PANGHATAION nang PINGKIRANTA be!!”

Nuaeng, tangkas ma idaonta pangondolan ni turpuk on tu hita saluhutna:

 

1.     PARJUMPANGAN NA PAHEHEON!!

Molo didok “hamubaon ni roha,” ragam do idaonta dalan laho tu hamubaon ni roha. Isarana:

-   Muba rohana alani JAMITA!

-   Muba rohana alani PARSAHITON!

-   Muba rohana alani KECELAKAAN!

-   Muba rohana ala naung MARHASOHOTAN!

Jadi, ndang pola ingananna i na mamboan hita tu hamubaon ni roha! Ndang na pola ingkon sogot, haduan, dung matua, dung posi parsahiton asa oloanta tongtong di bagasan HAMUBAON!

-   Olo do hamu muba dung jolo kecelakaan?

-   Olo do hamu muba dung jolo posi sahitmuna?

-   Olo do hamu muba dung jolo marsirang dohot na hinaholongan ni roha?

Ndang oloanta i!

Oloanta: Ganup ari lam HUPAIMBARU ma diringku suman tu KRISTUS!!

I do na patuduhon naung pajumpang hita dohot Tuhan Jesus.

“PARJUMPANGAN NA PAHEHEON NGOLUNTA!!”

Sungkunsungkun muse, “Nunga muba roha nian, alai laos maol hian gabe HEHE?” Parjumpangan na paheheon i sada do kuncina: TOTALITAS!! Unang tanggung!!

-   Sapala naeng mardame, unang be sai diingotingot angka na hansit na binahen ni dongan!

-   Sapala naeng mangalehon manang patupahon na denggan, unang be sai dipangido asa marbalos!!

-   Sapala naeng burju, unang mamillitmillit tu ise sibahenon haburjuanta i!

Ala di hita angka siihuthon ni Kristus, haheheon ndang be holan peristiwa manang na masa. Alai nunga gabe HANGOLUONTA!!

Haheheon ni Kristus, holan sahali do!

Alai roha na paheheon i ingkon manontong lao pasidohot ma hita MANGHANGOLUHON huhut PAHEHEON marhite haheheon ni Kristus, angka na di humaliang hita!

Haheheon ni Kristus mamboan hita tu pamelehon diri suman tu parange naung niajarhon Kristus. Umbahen i, gabe pasidohot ma donganta sabagas manghangoluhon i!

-   Bangun suasana damai di rumah!

-   Bangun suasana sukacita di rumah!

-   Bangua suasana kelemahlembutan di rumah!

Laos gabe KARAKTER ma i di hita na pungu dison!

Taingot ma amang/inang dohot dongan na pungu dison:

“TOTALITAS akan MENGHASILKAN KUALITAS!!”

 

Angka dongan na hinaholongan di bagasan Tuhan Jesus Kristus..!!

2.     PARJUMPANGAN NA MAMBAHEN HITA TONGTONG MASIGANTUNG TU TUHAN JESUS!

Ndung pajumpang si Paulus dohot Tuhan Jesus, gabe lam DIPASOLHOT ma dirina jala TONGTONG MARSIGANTUNG tu TUHAN JESUS!! Laos i do na pinangido ni Tuhan Jesus tu hita!

Molo di ngolunta on, mansai maol do nian molo didok hata “MARSIGANTUNG!” Lumobi ma di halak Batak, unang ma adong na mandok tu hita “ai alani tondongna do i boi mangolu!!” “ai alani natorasna do boi songon i!!”

Ndang lomo roha ni halak Batak “marsigantung” tu halak. Ai gabe hira jolma na GALE, LEA jala NDANG MARLAPATAN molo didok asa tongtong marsigantung hita!

Asing do i molo didok marsigantung tu TUHAN JESUS. Ndang na gabe mambahen hita songon jolma na gale, jolma na lea manang na so marlapatan. Alai, baliksa do dapotonta molo tongtong hita marsigantung tu Tuhan Jesus.

Marsigantung tu Tuhan Jesus, gabe lam tahilala do pasupasuNa di ngolunta. Laos ndang na gabe “INTAP NI I,” alai mangihut gabe HABAORAN NI PASUPASU do hita!!

Molo intap ni na MANGIDO PASUPASU dope hita, ndang na marsigantung tu Tuhan Jesus dope hita disi. Alai, molo naung gabe HABAORAN PASUPASU, i do na patuduhon ngolu na tongtong marsigantung tu Tuhan Jesus.

Tuhan Jesus i do mual ni nasa pasupasu!!

Songon aek na mabaor do pasupasuNa tu hita!!

 

Umbahen i, angka naung manjalo i, DIHABAORHON ma tu humaliangna!!

Angka dongan na hinaholongan di bagasan Tuhan Jesus Kristus..!!

Saulak nari dohononhu ma “marasing do parsigantunganta tu jolma dohot parsigantunganta tu Tuhan Jesus!!”

Kata kunci, i ma na nidok di ayat 6 turpuk on: “Dia ma bahenonhu Tuhan, dipangido rohaM?” Mangido tu Tuhan Jesus, dia ma na ingkon siulahononta di ngolunta on! Jala aha didok Tuhan Jesus di udut ni ayat i, ingkon jumolo do hita HEHE asa dipabotohon Tuhanta dia do sibahenonta!!

Jolo HEHE do hita!! Ndang na gabe gale, lea manang so marlapatan. Alai, jolo HEHE do hita!!

Umbahen i, tu hita angka naung pajumpang dohot Tuhan Jesus marhite hataNa dohot parsaoranta di bagasan Minggu on: “HEHE MA HITA MANGULAHON NA HOMBAR TU PARSURUONNA”

-        Hehe ma hita pauliulihon bagasta gabe BAGAS SIPARTANGIANG!!

-        Hehe ma hita mandungoi angka roha na losok!!

-        Hehe ma hita mamaritahon barita na uli marhite angka ulaonta!!

-        Hehe ma hita pasahathon hamauliateon tu Tuhan Jesus marhite huriaNa!!

-        Hehe ma hita mangalehon na denggan tu angka donganta na ringkot siurupon!!

-        Hehe ma hita MARTANGIANG mandok tu Tuhan Jesus: “dia do sibahenonhu, Tuhan??”

 

Amen.

 

Syalom..!!

Selamat ari Minggu di hita saluhutna..!!

Tuhan Jesus mamasumasu..!!

 Pdt. Ferdinand Fernando Silaen



Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya