NGOLU NA PINAIMBARU TUHAN I ( JESAYA 6 : 1 - 8 )



PANURATAN JAMITA PARTANGIANGAN

MINGGU  TRINITATIS

Rabu, 26 Mei 2021

Epistel :  JESAYA  6 : 1 – 8

Topik  : Disuru Debata Do AnakNa Jala Dipasaorhon Do TondiNa

                 

Angka dongan na hinaholongan di bagasan Tuhan Jesus Kristus..!!

Sada ulaon Habatakhon na diulahon sahat tu partingkian on i ma “Pasahat dengke” (dengke mas na niarsik, dengke simudurmudur). Hinatabo ni na manganhon dengke na niarsik i suman do songon hinatabo pardalanan ni ulaon na pasahathon dengke i. Dengke na nilompa secara tradisional mambahen gabe boi bumbu na pinatupa meresap tu sude daging ni dengke i, tung pe godang suga na adong di dengke mas i.

Secara filosofi ni halak Batak, bagas do pangantusion taringot tu na pasahathon dengke i jala ingkon dipasahat do dengke i secara ganjil (1 ekor tu na baru marhasohotan, 3 ekor tu keluarga naung sorang anak buhabajuna, 5 ekor tu naung gabe ompung/marpahompu jala 7 ekor tu angka panggomgomi). Sudena i mangalehon pangantusion na mansai arga: i ma asa tarpasupasu ngolu ni halak na manjalo dengke i. Jala hombar tu pangantusion ni halak Batak, ingkon hulahula (na dihaporseai halak Batak boi pasahathon pasupasu) na boi pasahathon dengke i.

I do pangantusion ni angka natuatua ni halak Batak na “parbohathon” boruna (Raja ni Boru) laho mandalani parngoluanna na ingkon godang mangadopi hamaolon. Songon suga na adong di dengke i, songon i do ingkon manat halak Batak mandalani ngoluna, sotung “tarsuga” di tingki manganhon dengke na tabo i. Jala molo tung pe gabe “tarsuga” adong do aek sitiotio (na rap dipasahat) boi gabe “solusi” di “hamaolon” i.

Boi i do i gabe gombaran ngolu ni jolma di portibi on, lumobi di ngolu ni haporseaonta. Dipaborhat marhite pasupasu do ngolunta on na ingkon mangadopi nasa hamaolon laho patulushon na sininta ni rohanta dohot angka na manghaholongi hita. Jala na ingkon manat do hita, asa unang “tarsuga” manang tartuktuk di angka pangulaonta siganup ari. Molo tung pe tartuktuk, adong dope tingki dohot kesempatan di hita di na laho paubahon roha jala paulihon parngoluanta.

 Angka dongan na hinaholongan di bagasan Tuhan Jesus Kristus..!!

Songon i do muse na masa di bangso Israel i hatiha madabu nasida tu bagasan dosa ala parulaon nasida na mambahen tarrimas TUHAN i. Dipatuduhon TUHAN i do tu bangsoNa marhite sahalak na margoar Jesaya sada parnidaan na patuduhon hamuliaon ni TUHAN i. Diida ibana do TUHAN i na hundul di habangsaNa na timbo jala na marmulia mardongan surusuruan Serapim. TUHAN Sitompa langit dohot tano nang sude hangoluan hundul songon sahalak Raja na patuduhon huaso dohot hadirionNa tu jolma na tinompaNa.

Ala badia do ianggo TUHAN na marhuaso di ginjang ni saluhutna i, tung so tama do nanggo sada jolma di adopanNa. Boasa ndang tama, ala nunga marjea angka jolma alani angka hajahatonna dohot dosana (Jes.4:8-23). Disolsoli Jesaya do dirina marhite hatana na mandok di ayat 5, “Marjea ma ahu. Nunga mago ahu, ai jolma parbibir na ramun do ahu, jala di tongatonga ni bangso parbibir na ramun ahu maringan, ai nunga diida angka matangku Raja Jahowa Zebaot.” Ditatap ibana do TUHAN jala ditatap ibana dirina, tung so adong na boi patamahon dirina di adopan na Marhuaso i.

I do na jumolo ingkon sinolsolan ni jolma di partingkian nuaeng on, tarlumobi di hita angka siihuthon ni Kristus. Tung so adong na tama sian hita maradophon Tuhanta i. Tahamauliatehon ma TUHAN i naung ro tu portibi on marhite Jesus Kristus na padamehon hita dohot Ibana. Simalolong na holan marnida hahurangan ni donganta, pingkiran na holan mamingkirhon dirinta sandiri, pamangan na holan mambahen parbadaan dohot partuktuhan, jari-jari na na holan mengetik hata na mambahen hansit roha ni dongan di media sosial jala langka ni simanjojak na gumodang mangalangka tu inganan na asing sian Bagas Joro ni Tuhanta: angka i do na ingkon jumolo tasolsoli di adopan Tuhanta Jesus Kristus na gok habadiaon i.

Ida ma balga ni holong ni Tuhanta Jesus na mambahen hita gabe tama marsaor dohot Ibana. Lumobi di bagasan tingki on naung ro muse Ibana marsaor dohot hita di parsaoranta rap dohot keluarga. Ndang ala dipatupa muse Partangiangan Keluarga di bagasta on na ingkon tasolsoli, alai parpunguan ni keluarganta rap dohot Tuhan Jesus do na ingkon tarimangrimangi. Ndang Covid-19 na ingkon tasolsoli, alai parsigantunganta tu Tuhan Jesus do na ingkon tarimangrimangi.

Ndung tarimangrimangi saluhutna angka pangalahonta saleleng on na sipata maralo tu Hata ni Tuhan i nang mambahen sogo roha ni dongan, tapaunduk ma rohanta diadopan na Badia i jala taida ma di tingki na lehet: pinauli ni Tuhanta Jesus do parngoluanta, pinauli ni Tuhanta Jesus do keluarganta, pinauli ni Tuhanta Jesus do humaliangta, pinauli ni Tuhanta Jesus do hurianta jala pinauli ni Tuhanta Jesus do nang bangsonta.

Alani i, marhite sian jamita sadari on, talehon ma rohanta asa dipauba Tuhan Jesus ngolunta dohot keluarga jala rade ma hita manungguli donganta na taida hot dope di angka pangulaon na maralo tu Hata ni Tuhan i. Asa sude hita mandok tu Tuhanta i, “Dison do ahu ale TUHAN JESUS, suru ma ahu mamaritahon habalgaonMi! Pangke ma ahu pararathon Barita na uli marhite pingkiranhu, panghataionhu nang pangulaonhu siganup ari!” (Tuhan Yesus, inilah diriku, suruhlah aku memberitakan kebesaranMu! Pakailah aku untuk memberitakan Firman KeselamatanMu melalui fikiran, perkataan dan perbuatanku setiap hari!). Dung i songgop ma TUHAN i di rohanta marhite Tondi Parbadia na mangajari hita mangulahon na hombar tu lomo ni rohaNa, gabe taruli ma hita di pasupasu nang dame na sian banua ginjang. Amen.

Syalom..!! 

Tuhan Jesus mamasumasu..!!


Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya