TARJOU HITA TU NGOLU NA MASIPAULIULIAN DOHOT NA MASIPATURETUREAN ( MATEUS 23 : 23 - 28 )



PANURATAN JAMITA PARTANGIANGAN

MINGGU X NDUNG TRINITATIS

Rabu, 04 Agustus 2021

Epistel : MATEUS 23 : 23 – 28

Topik : Ulahon Ma Uhum Dohot Hasintongan (Lakukanlah Keadilan Dan Kebenaran)

Angka dongan na hinaholongan di bagasan Tuhan Jesus Kristus..!!

I.      PAMUHAI

“UNANG DOKHON TIUR IDAONMUNA, MOLO PITPIT DOPE SIMALOLONG NA SO MARNIDA NA JOLONA!!”

Pandohan na marlapatan:

a.        Ingkon jolo bungka do simalolong asa boi didokhon aha na tarida di adopanmu!!

b.        Jolo niida do asa didokhon!!

c.        Jumolo pinature na adong di adopanmu!!

d.        Soarahon ma hasintongan ndung jumolo ulahononmu di ngolum!!

Pandohan on mangajari hita asa ture mangulahon nasa ulaon di ngolunta. Ndang na mandok na so denggan dope pangulahononta.

Alai,

asa IDAONTA jala ULAOHONONTA do jumolo na “RUMINGKOT” sian na “RINGKOT!!”

a.          Ringkot do karejo?

-          Ringkot!! Alai, gumodang do tingki tu parkarejoanta manang tu keluarga?

 

b.          Ringkot do marsiajar?

-          Ringkot!! Alai, gumodang do hita marsiajar taringot tu Ilmu Pengetahuan (parbinotoan) manang tu kehidupan (hangoluan)?

 

c.           Ringkot do martangiang?

-          Ringkot!! Alai, nunga jumolo hita paradehon diri laho manangihon na naeng dilehon TUHAN i?

 

d.          Ringkot do mandohoti Partangiangan?

-       Ringkot!! Alai, jumolo hita paiashon roha sian elat, teal dohot late ni roha tu donganta andorang so masuk hita tu parsaoran di Partangiangan?

 

e.          Ringkot do na Marminggu?

-          Ringkot!! Alai, nunga jumolo tabahen “dirinta” gabe Bagas Joro ni TUHAN i??

 

Jumolo idaonta jala ulahononta na rumingkot sian na ringkot di ngolunta!! Asa polin jaloonta hatuaon na naeng sipasahaton ni Tuhan Jesus di ngolunta!! 

Sotung, ala jumolo taulahon na ringkot, gabe tading ma na rumingkot. I ma na mambahen Tuhan Jesus ndang manjalo pangulaan naung tabahen saleleng on.

Umbuk do i songon na naeng pinatolhas ni jamita di Partangianganta sadari on. Muruk do Tuhan Jesus do angka Sibotosurat dohot Parise ala ulaon nasida na marpangansi (munafik)!! Diulahon nasida do na ringkot, hape tading ma na rumingkot!!

 

Angka dongan na hinaholongan di bagasan Tuhan Jesus Kristus..!!

II.    POINTER  JAMITA

Alani i, asa unang tarrimas Tuhan Jesus di angka ulaonta siganup ari, idaonta ma pangajarion na gabe na rumingkot siulahononta marhite jamita di Partangianganta sadari on, i ma:

ULAHON MA JUMOLO HATIGORAN, PARASINIROHAON DOHOT HABURJUON!!

 

Mansai horas do pandohan ni Tuhan Jesus tu sibotosurat dohot halak Parise hatiha i. Pola didok Tuhan Jesus tu nasida: “Marjea ma hamu, angka pangansi!!”

Hira suhar do pandohan i sian pangulahonon ni nasida siganup ari songon halak na mangula jala marhobas di bagas joro. Tutu songon halak parjahat do nasida di adopan ni Tuhan Jesus. Hira na so marlapatan do pangulahonon ni nasida na tongtong mangajari nasida taringot tu Patik ni Debata.

Di dia do na sala sian pangulahonon ni nasida?

a.           Ayat 4 mandok, “Boban angka na dokdok do dirahuti nasida jala diampehon tu abara ni jolma i, alai ndang olo nasida manjama, nanggo dohot sada jarijarina” (Mereka mengikat beban-beban berat, lalu meletakkannya di atas bahu orang, tetapi mereka sendiri tidak mau menyentuhnya).

 

b.          Ayat 5 mandok, “Nasa pambahenannasida asa dipaberengbereng halak umbahen na diula, ai dipabidang do tali partangiangannasida, laos dipaganjang do rambuna” (Semua pekerjaan yang mereka lakukan hanya dimaksud supaya dilihat orang; mereka memakai tali sembahyang yang lebar dan jumbai yang panjang).

Ndang tulus na niula nasida. Hira luluon nasida do pangomoan sian angka na niulana. Jala on do na so dihalomohon ni Tuhanta di ngolu ni jolma.

Adong pandohan halak na bisuk mandok:

“Unang diulahon tu halak angka pambahenan na so olo dibahen halak tu ho!!”

-   Jika tidak mau disakiti orang lain, jangan pernah menyakiti orang lain!!

-   Jika tidak mau dibenci orang lain, jangan pernah membenci orang lain!!

Sebaliknya

-   Beri kebahagiaan kepada orang lain, agar hidup kita bahagia!!

-   Lakukan yang terbaik untuk orang lain, agar diri kita juga menerima yang terbaik!!

I do hape na rumingkot na pinangido ni Tuhanta Jesus di ngolunta. Songon pandohan ni Tuhan Jesus di Mateus 25:40, “....nasa na binahenmuna tu sada sian anggingKu angka na metmet on, na tu Ahu do i dibahen hamu.”

Pinatuduhon ma parbue ni ngolu partondion tu angka jolma na adong di humaliangta. Laos i do na patuduhon panghaholonginta tu Tuhanta Jesus!!

 

Alani i, asa songon didok Tuhan Jesus di turpuk on, “unang tading pangalaho na mangulahon HATIGORAN, PARASINIROHAON dohot HABURJUON,” ingotonta ma on:

1.          UNANG JOLO HARUAR SIAN JABU, SO JOLO PINARESO NA DI BAGAS NI JABUNTA !!

Dia do lapatanna i?

-          Unang jumolo hatai na di halak an, hape ndang tarpature dope ripenta!!

-          Unang jumolo dihatai kepemimpinan ni Pamarenta, so jolo taharingkothon kepemimpinan martongatonga ni bagasta be!!

 

2.          UNANG JUMOLO HATAI SURGO, SO JOLO DIHATAI NA DI TANO ON!!

Dia do lapatanna i?

-          Unang jumolo hita manangianghon halak, hape ndang hea hita manangianghon keluarganta.

-          Unang gumodang hita gabe sipature dongan jala silehon poda tu dongan, hape so tarjalo keluarga poda dohot sipasingot sian hita!!

-          Unang jumolo dihatai hangoluan di surgo, hape ndang boi nyaman maringanan di bagasna!!

 

3.          TARJOU DO HITA TU NGOLU NA MASIPATURETUREAN DOHOT NA MASIPAULIULIAN (PARTISIPATIF)!!

Hatigoran, parasinirohaon dohot haburjuon tarida do di ngolu na pasidohot (berpartisipasi) di ulaon na olo masipatureturean dohot na masipauliulian:

a.        Partisipasi di Keluarga

-        Jolo pinamate do kompor di jabu, andorang so haruar hita sian bagasta.

-        Unang holan menuntut, alai dohot ma berkorban di keluarga.

-        Unang holan dipangido asa dame keluarga, alai dipasomal ma na rap martangiang dohot keluarga.

-        Unang holan dipangido asa hasea angka ianangkhon, godang ma lehon tingki tu ianangkhon di na mangajari nasida.

-        Unang holan hepeng dilului asa sonang keluarga, alai gumodang ma dilehon tingki na rap manghatahatai dohot keluarga.

 

b.        Partisipasi di Masyarakat

-        Unang holan mengkritik, alai dohot ma mangulahon kewajiban di masyarakat!!

-        Unang holan manginsahi, alai dohot ma manangianghon angka panggomgomi di luatta!!


c.        Partisipasi di Huria

-        Unang holan mangido panghobasion, alai dohot ma pasidohot hita manghobasi ditongatonga ni huria!!

-        Unang holan mangido tangiang, alai dohot ma hita manangianghon angka parhobas ditongatonga ni huria!! 

Molo naung taulahon na sisongon i, nunga pasidohot hita pajongjonghon hatigoran, parasinirohaon dohot haburjuon. Mangolu hita di bagasan Kristus jala jaloonta jaloonta ma laba ndung sidung hita ulaonta di portibi on. Mian ma hita di bagasan hata ni Tuhanta jala mian ma hata ni Tuhanta di ngolunta!! Amen!!

  

Syalom..!!

Tuhan Jesus mamasumasu..!!

 

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya