DIBOTO TUHAN I DO NA DI ROHAM ( MARKUS 7 : 17 - 23 )



SERMON EVANGELIUM  MINGGU XIII NDUNG TRINITATIS

HKBP DISTRIK XII TANAH ALAS

Di Ari Jumat, 27 Agustus 2021

Turpuk : Markus 7 : 17 – 23 

 

I.      PATUJOLO

Di partingkian nuaeng, “mamuri tangan” gabe sada hasomalan “na ingkon” (wajib) siulahonon ni jolma di portibi on. Masa do i alani pandemi Covid-19, asa unang lam rarat sahit i tu torop jolma. Sada hasomalan na denggan do tutu. Tangkas sipareakan sian hasomalan i, i ma di na laho manjaga haiason ni pamatang huhut mangalo hararat ni sahit Covid-19.

Marasing do sian hasomalan manang adat ni halak Parise na nidok di turpuk on. Ndang olo nasida mangan ia so jumolo tangkas diusa tanganna. Dia do na tinuju ni nasida? Ndang na gabe manjaga haiason ni pamatang, alai gabe martujuan di na laho pabadiahon diri sian haramunon na di humaliang.

I do na nialo Tuhan Jesus di turpuk on. Ndang na gabe hasomalan na mamuri tangan dohot mamuri angka panginuman, gendi dohot hudon (ay.4) na nialo. Alai, tujuan ni nasida i ma di na laho mangaradoti adat, hape gabe manadinghon patik ni Debata. Ditompas nasida do patik ni Debata di na laho mangaradoti adat (ay.9).

Jala disangkapi halak Parise do laho mambahen targasip Tuhan Jesus, ala diida nasida deba sian angka siseanNa na jorjor mangan roti so jolo marburi (ay.2). Lapatanna: Dibahen halak Parise do “provokasi” tu na torop, paboahon angka sisean na so mangihuthon adat naung masa di nasida huhut didok nasida na mangalo patik do ianggo angka sisean i. Lobi sian i, disangkapi nasida do paboahon tu na torop pangajarion ni Tuhan Jesus na pilit sian adat ni Hajahudion (Parise), ala sahalak Rabi do Jesus hatiha i.

Dison ma dipatigor Tuhan Jesus pangajarion ni halak Parise na maralo tu Patik ni Debata. Ndang alani “haiason” na di duru tarbahen badia jolma di adopan ni Debata. Naeng ma jumolo idaon hapolinon na mangaradoti hata ni Debata, tarbahen ibana boi diparbadiai Debata. Jala ndang adong na boi nanggo sada sian jolma na boi pabadiahon diri, so holan TUHAN i sandiri na pabadiahon ibana. I do umbahen didok Jesus di ayat 15 laho maminsang nasida, “Nda tung gabe ramun jolma binahen ni na ro sian ruar tu bagasan ibana; alai na ruar sian jolma i, i do mangaramuni ibana.”

 

 

II.    HATORANGAN NI TURPUK

 

1.     BADIA ALA MIAN NA BADIA I !

Boi do jolma didok “malo” ala marpungu tu angka donganna na hurang malo sian ibana. Ihut tusi, boi do jolma didok “hurang malo” ala marpungu tu angka donganna na ummalo sian ibana. Lapatanna: Adong do “acuan” di na laho mambahen “perbandingan.”

Pamingkirion ni halak Parise hatiha i na mandok dirina “umbadia” sian donganna na asing ala marsihohot nasida tu “adat” na sian jolma. I do rupani didok nasida angka sisean mangulahon na ramun hombar tu ruhut ni adat nasida na dipaumbuk nasida tu “habadiaon” hombar tu pangantusion ni nasida. “Acuan” ni nasida i ma adat na sian jolma.

Ndang tarjalo Tuhan Jesus pangantusion “habadiaon” na nidok ni halak Parise ala ndang Tuhan i gabe “acuan” nasida. Hira badia do nasida di duru, alai ndang badia di adopan ni Tuhan i ala dohot nasida manggosagosa donganna (ay.11-13). Pangantusion jala na pinature ni jolma do dipatujolo nasida di ngolu ni parugamoon. I do umbahen gabe muli jala holang Tuhan Jesus sian natorop i, ndung dipinsang Ibana nasida.

On ma gabe sada gombaran tu hita: Laho do na Badia i molo so dijalo na Badia i. Na badia do ianggo Tuhan Jesus, alai dialo nasida do pangajarionNa ala maralo tu ruhut naung pinature ni jolma, gabe laho ma Ibana sian na torop i. Ndang tarjalo nasida pangajarion ni Tuhan Jesus na mangulahon saluhutna di bagasan roha na ias jala na serep.

Jala gabe sada pangantusion do marhite turpuk on, asa unang dipangasahon “jabatan” dohot “parbinotoan” laho mangulahon na hinalomohon ni Debata. Dipangke halak Parise dohot Sibotosurat do “jabatan” dohot “parbinotoan” ni nasida laho manait tu diri. Alai, marasing situtu do na niulahon angka siseanNa: disungkun siseanNa do Tuhan Jesus ala so diantusi nasida na nidokNa i.

Hata “so mangarti” martudutudu do i tu pandohan ni Jesus di panandaion nasida tu Jesus. Secara harafiah mandok “dan Dia berkata dan kamu juga tidak memahamiKU?”(terjemahan lebih condong kepada makna:tanpa pemahaman, tumpul; tidak masuk akal, bodoh). Di hata “mangarti” songon kecerdasan spiritual ma i na nidok ni Jesus.

Ditanda Jesus do na di roha ni angka sisean i umbahen sian alus ni Jesus di sungkunsungkun nasida tong do gabe sada pangajarion di nasida. Pangajarion i, tangkas mananda di adat songon halak Jahudi na tutu jala adat i diulahon ndada mangihut tu roharoha ni jolma alai naeng do tangkas pinanghilalahon holong ni Debata marhite aturan ni adat Hajahudion nasida.

Umbahen i, padalanhon adat i ala biar mida Jahowa do umbahen tulus diulahon adat disi. On ma pangajarion na nidok Jesus tu angka sisesanNa i. Asa tangkas di roha nasida nang di parbinotoan nasida taringot tu umpama ondeng ni Tuhan Jesus. “Ndang dapot rohamu, na so tarbahen ramun jolma bahenon ni nasa na ro sian ruar tu bagasan ibana.” (ay. 18), “Unang ramun dok naung niiasan ni Debata!” (Ul. 10:15), “Ias do saluhut di angka na ias; alai ndang adong na ias di parroha na ronsam, na so porsea, ai naung ronsam do rohanasida ro di panggora ni roha i.” (Tit. 1:15). Lapatanna, unang saguru roha ni jolma mandok nasa na ramun, alai mananda ma tangkas di roha ni Debata ai diboto Debata do nasa haramunon na dibagasan roha ni jolma i.

Diboto Debata do hagaleon ni jolma umbahen mura jolma mangihuthon na masa. Di nasa hahurangan dohot hagaleonna ingkon na sian bagasan rohana do na marhuaso jala i do na mambahen ibana badia manang ramun. Lapatanna: Jumolo ma disulingkiti jala pinature na di bagasan roha ni jolma i, Debata do na tinuju manang hagiot ni dagingna?

Ido tangkas dohonon, diboto Debata do na di roham. Taringot sipanganon na olo salpu i (ay. 19), ai tu butuha do parlahona jala digombarhon Jesus do i songon angka na bolong di inganan na soding (jamban). Antusan ma dison, ndang gabe “control” angka i tu jolma. Alai “control” di jolma, i ma rohana. Alani, loas ma “na Badia” i na mangajari asa gabe badia roha ni na mangulahon hombar tu pangajarionNa.

 

2.     HAGIOT NI DAGING DO MULA NI DOSA !

Boi do gabe ramun jolma ala pangalaho na ruar sian dirina (rohana) mangihuthon hagiot ni dagingna. Songon na nidok di ayat 21-22, “Ai sian bagasan, sian roha ni jolma i do ro pingkiran na jahat, parmainanon, panangkoon, pamunuon, pangalangkupon, pangahution, hajahaton, pangansion, ginjang dohot neang ni roha.”

Sian “bagasan” do na gabe “control” di pingkiran, pangalaho nang panghataion ni jolma. Isarana: Boi do di sasahalak jolma, nunga diboto na sala do hape molo manangko (pingkiran manimbangi na sala do ulaon i). Alai, mangihuthon na di rohana (adong kebutuhan) gabe diulahon ibana ma na sala i. Roha do na boi mambuat haputusan di ngolu ni jolma.

Sandok, naeng ma ingkon saut bahenon ni jolma na di rohana. Umbahen i do tung bagas situtu diantusi Jesus taringot tu roha ni angka Parise i marhite hatana jala roha ni angka sisean i marhite angka sungkunsungkun nasida.

Alani i do muse tung tangkas do diboto Debata nasa na diroha ni jolma ala ibana do manjadihon nasa saluhutna. Sian bagasan roha i ro ma pangalaho ni na jat manang na denggan. Molo hagiot ni daging na so manjalo Tuhan i mangarajai jala mian di rohana, i do na gabe mula ni dosa.

 

3.     LOAS MA TUHAN I MANGARAJAI DIRIM

On ma sada panimpuli na dipasahat Tuhan Jesus tu angka siseanNa songon pangajarion na laho manjamothon roha. Ndada taringot na masuk sian duru ni jolma mambahen gabe ramun jolma i, alai sian rohana sambing do na boi mangaramuni jolma i. Boi taida di panuratan Markus di pandohan ni Tuhan Jesus ia angka rumang hajahaton i, ima hajahaton na marharoroan sian bagasan  jala angka i do na boi mangaramuni jolma.

Umbuk do pandohan ni Tuhan Jesus tu na tinuju ni panurat ni Evangelium Markus. Tradisi Gereja Kuno manggombarhon Evangelium Markus songon “Singa yang Bersayap,” na patuduhon lambang ni Anak ni Debata na mangarajai sandok portibi on. Naeng diarahon do saluhutna asa mian ma Tuhan Jesus, Anak ni Debata laho mangarajai roha ni jolma, asa diparbadai jala tama jolma i di adopan ni Debata.

 

 

III.  SIPAHUSORHUSORON

Partalian ni jolma na rosu tu Tuhan i do na mamparbuehon pangalaho na hinalomohonNa. Molo diloas jolma ibana dirajai Tuhan i jala dipasiding nasa pangalaho sian hagiot ni daging, gabe badia do ibana di adopan ni Tuhan i. Tung so alani sipanganon manang siinumon do boi badia ianggo jolma. Jala ndang alani “pamurion” na sian adat ni jolma (Parise) na boi mambahen badia. Tung tangkas saluhutna, ala nionjar ni roha na mangoloi hata ni Tuhan i do.

Nang di masa pandemi Covid-19 nuaeng on, molo tung diarahon pamarenta asa ringgas hita “mamuri tangan,” ala pasidohot do hita di na laho “manjaga hangoluan.” Jadi, “praktek” na niulahon ni jolma ndang gabe “peraturan baku,” alai na tinuju i do na gabe “control” jala “acuan” di ngolu ni jolma. Haputusan na haruar sian rohanta, jumolo ma marhite pangajarion na tangkas sian Tuhanta Jesus Kristus. Amen.

Syalom..!!

Selamat Mangarade Ma Di Hita Saluhutna..!!

Tuhan Jesus Mamasumasu..!!

 

Pdt. Ferdinand Fernando Silaen (HKBP Maranatha Ressort Kutacane)

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya