HASADAON DOHOT HADAMEON DI BAGASAN TUHAN I ( EPESUS 2 : 11 - 22 )

PANURATAN JAMITA MINGGU VII DUNG TRINITATIS

HKBP Maranatha Ressort Kutacane

Minggu, 18 Juli 2021

Evangelium : EPESUS 2 : 11 - 22 

“Hasadaon Dohot Hadameon Di Bagasan Tuhan I”

(Kesatuan Dan Damai Dalam Tuhan)

 

Angka dongan na hinaholongan di bagasan Tuhan Jesus Kristus..!!

I.      PAMUHAI 

Realitas hidup berumah tangga adalah “hidup ribut-rukun”

Lumobi di na marningot ari jadi pardongansaripeon angka naung mardongan saripe. Tangkas ma niingot uju:

a.      Parjumpangan na parjolo

b.     Di tingki marbadai

c.      Di tingki mardame

d.     Di tingki susa jala di tingki sonang

e.      Di tingki tangis jala di tingki mengkel

Dohononta ma ndung mardongan saripe, masuk ma hita jala disi do parmulaan na ginoaran “BERKONFLIK!!”

1.     Songon dia pe pangalaho ni amanta na jolo di tingki dolidoli sahat tu nuaeng, gabe ingkon jaloon ni inanta i do.

2.     Songon dia pe pangalaho ni inanta na jolo di tingki anak boru sahat tu nuaeng, gabe ingkon jaloon ni amanta i do.

“Saluhutna dipasada di bagasan RAGAM manang RUPA ni PANGALAHO!!”

Aha do na boi pasadahon, so holan:

“HOLONG NA MASIHAHOLONGAN!!”

 

Alana, molo alani panghataion dohot pangalaho, nunga tibu hian sirang. Alai, ala holong na mangarahut, dakdanak naung pinalumehon ni TUHAN i, umbahen tongtong dope godang pardongansaripeon na marojahan di Tuhan Jesus.

Angka dongan na hinaholongan di bagasan Tuhan Jesus Kristus..!!

Songon i nang ruas ni pamatang ni Kristus. Dipatudos hira “organ-organ tubuh” na adong di hita nuaeng:

-   Tangan

-   Simanjojak

-   Sialap ingkau

-   Sipareon, dna.

Ragam pangalaho ni angka siihuthon ni Kristus jala ragam do asiasi na pinalumehonNa tu hita.

Ndang sude ruas ni huria na gabe Sintua manang Pandita. Jala ndang sude ruas ni huria gabe partani manang partigatiga. Dipadomu do hita nuaeng di angka ragam ni: status sosial,  pola pikir, profesi, dna.

Songon istilah na mandok “UT OMNES UNUM SIN” (ASA GABE SADA NASIDA SALUHUTNA)!!

Suang songon i semboyan ni negaranta na mandok:

“Bhinneka Tunggal Ika” (Berbeda-beda namun satu adanya)

Tardok do hita mangadopi ragam ni “parasingan” manang “perbedaan.” Jala ndang tertutup kemungkinan, boi do hita madabu tu na nidokna “konflik!!”

Asa unang sanga hita “berkonflik” alani parasingasingan na adong di parngoluanta on, dipaingot do tongtong hita saluhutna angka siihuthon ni Kristus, naung dipasada di bagasan Tuhan Jesus Kristus, Ulu ni Huria i. 

Di Singkola Minggu pe nunga adong pangajarion taringot tusi marhite ende:

Tuhan cinta semua anak, semua anak di dunia

Kuning, putih dan hitam, semua dicinta Tuhan.

Tuhan cinta semua anak di dunia..!!

 

Angka dongan na hinaholongan di bagasan Tuhan Jesus Kristus..!!

II.    HATORANGAN  NI  TURPUK

Di halak Jahudi, masa do “Konflik” hatiha i jala marurat do sahat tu partingkian nueng on. Di pingkiran ni nasida holan DUA do “HORONG” manang “KELOMPOK”  ni jolma, i ma :

a.      BANGSO JAHUDI

-   Bangso na marsunat

-   Bangso na pinillit

Dohot

b.     BANGSO NA SO JAHUDI

-   Bangso na so marsunat

-   Bangso na so pinillit

Ala pangantusion na sisongon i mangolu di halak Kristen na sian Jahudi maradophon halak Kristen na so sian Jahudi, dipaingot Apostel Paulus do nasida marhite turpuk jamita di Minggunta sadari on.

Laos on ma na ingkon tahangoluhon angka siihuthon ni Kristus naung tarjou jala naung pinillit Tuhanta Jesus asa boi hita mangolu di:

“HASADAON DOHOT HADAMEON DI BAGASAN TUHAN JESUS”

Songon naung sinoarahon Topik ni Minggunta sadari on.

Alani i, tapaihutihut ma jala tahangoluhon ma na naeng didok ni turpukta tu hita na pungu dison:

 

1.        PARSIRANGAN ALANI DOSA (SEPARATION BY SIN)

Niadu do mangihuthon hamajuon ni zaman di partingkian nuaeng on. Lam idaonta angka pangalaho na hea targombarhon uju i. Nuaeng idaonta na so holan mandok “HORONG NAMI NA SINTONG,” alai nunga sahat hita tu situasi “MABIAR JOLMA MIDA JOLMA!!”

Boasa dohononhu songon i? Di pigapiga luat di perkotaan, nunga sai dijaga do angka parjumpangan tu donganna na asing, tung pe keluarga nasida ala hamamasa sorimago Covid-19 on. Dijaga do dirina pajumpang dohot sisolhot asa unang tertular virus Covid-19.

Boi do na masa on mambahen hita gabe “dipasirang” tu donganta na asing. Molo lam leleng masa na sisongon on, olo nama jolma on holan mangharingkothon dirina sambing, so na porlu dongan di ibana.

Boi do i masa molo lam moru:  pangantusionta na ingkon tongtong marojahan tu Tuhanta Jesus Kristus.

Na masa hatiha i di turpuk on nunga marganti “kasus” manang “konteks.” Molo na jolo, sai dipapulik nasida do dirina dohot horongna ala “Hajahudion.” Nuaeng, ala hinamasa ni Covid-19.

Na sarupa i ma:

PARSIRANGAN NI JOLMA SIAN JOLMA NA ASING!!

Jadi, ndang be masalah taringot:

a.        Ahu Gareja HKBP, ibana ndang!!

b.        Ahu ringgas marminggu, ibana ndang!!

c.        Ahu Kristen, ibana ndang!!

Alai, masalah di hita nuaeng:

a.      Tarsirang do hita dohot donganta jolma ala holan mangharingkothon dirinta sambing, manang ndang??

b.     Tarsirang do hita dohot donganta jolma ala holan mansalahon pemerintah taringot tu Covid-19, manang ndang??

c.      Tarsirang do hita dohot donganta jolma ala holan mansalahon masyarakat na so mangulahon ProKes Covid-19, manang ndang??

d.     Yang lebih krusial adalah “APAKAH KITA TETAP MEMANUSIAKAN MANUSIA ATAU TIDAK” pada masa sulit saat ini??

On ma na boi manirang jolma dohot dongan jolma na asing di partingkian nuaeng on.

Didok di ayat 11,

“Dibahen i hamu sipelebegu hian,  na targoar na so parsunaton, digoar angka na somal didok parsunaton na pinatupa ni tangan di sibuk i”

(Karena itu ingatlah, bahwa dahulu kamu – sebagai orang-orang bukan Yahudi menurut daging, yang disebut orang-orang tak bersunat oleh mereka yang menamakan dirinya “sunat,” yaitu sunat lahiriah yang dikerjakan oleh tangan manusia.).

Na jolo tarsirang do jolma sian TUHAN i alani dosa na parjolo!

Nuaeng, tarsirang do jolma dohot dongan jolma lumobi tu TUHAN i.

a.      Keinginan manusia untuk memakan buah pengetahuan agar menjadi seperti TUHAN seperti dosa Adam dan Hawa yang dulu sudah berubah wujud menjadi keinginan manusia yang hanya mencintai kemajuan zaman dan teknologi sehingga semakin meninggalkan TUHAN.

b.     Dosa kain yang membunuh adiknya Habel yang dulu sudah berubah wujud menjadi pembunuhan terhadap:

-          Karakter Orang Lain Dan Diri Sendiri

-          Identitas Kekristenan

-          Hak Asasi Manusia

-          Kepedulian Terhadap Sesama

-          Kasih Di Dalam Keluarga

I do umbahen didok di ayat 12,

“Ndang parjambar di Kristus hamu uju i; di balian ni harajaon Israel do hamu, jala ndang taruli di angka parpadanan bagabaga; so ada sihirimon jala so ada Debata di hamu di tano on”

(Bahwa waktu itu kamu tanpa Kristus, tidak termasuk kewargaan Israel dan tidak mendapat bagian dalam ketentuan-ketentuan yang dijanjikan, tanpa pengharapan dan tanpa Allah di dunia).

I ma pangalaho na patuduhon “na so parjambar di Harajaon ni Kristus.” Hira so ada TUHAN na mangajari jala mangarajai jolma laho mangulahon na nidokNa di ngolu. 

Pangalaho na so marpanghirimon di Hangoluan na so ra suda na pinarade ni Tuhan Jesus, ala holan mangharingkothon ngolu na adong di portibi on. Gabe leas di na mangulahon songon pangalaho angka panean di harajaonNa!!

 

Angka dongan na hinaholongan di bagasan Tuhan Jesus Kristus..!!

2.        HADAMEON MARHITE KRISTUS (RECONCILIATION TROUGH CHRIST)

Ala dosa ni jolma na parjolo i ma umbahen ro Tuhan Jesus Kristus tu portibi on di na laho padamehon jolma dohot TUHAN. Nang di partingkian nuaeng on pe, tongtong Tuhan Jesus gabe “ONE GATE SYSTEM” (Sasadasa Pintu Asa Jumpang Hadameon).

Ringkot ingotonta jala hangoluhononta hita angka halak na porsea nunga “MARHAHAMARANGGI” alani mudar ni Kristus. Jala songon pandohan ni Tuhan Jesus na tarsurat di Mateus 5:9, “Martua ma sibahen dame, ai goaron do nasida anak ni Debata.”

Nuaeng......................

1.          Boi do na marhahamaranggi “berselisih paham”?? Boi!

2.          Boi do na marhahamaranggi “ndang masiantusan”?? Boi!

3.          Boi do masa na marhahamaranggi mandok dirina “sumintong”?? Boi!

Alai, mauliate ma di Tuhanta songon hita halak Batak nunga dipasingot angka natuatuanta na jolo marhite pandohan:

“Tampulon Aek Do Na Mardongan Sabutuha!!”

a.           Persaudaraan di dalam keluarga diibaratkan seperti air.

b.          Air bila ditebas akan menyatu kembali menjadi satu kesatuan.

c.           Saudara yang berselisih harus kembali bersatu dan berdamai!!

Atasi konflik di dalam dirimu yang hanya mengatakan dirimu yang benar, sehingga dosa selalu mengintip dan mempersiapkan rantainya untuk merantaimu dan memenjarakanmu di dalam dosa!!

Unang hatai dame tu dongan, alai tu dirinta (rohanta) sandiri!!

Ai pabidanghu portibi on gabe ingananta laho “berkonflik” jala pametmethu portibi on molo gok dame di bagasan rohanta be.

(Betapa luasnya dunia ini hanya untuk berkonflik saja, dan betapa sempitnya dunia ini ketika damai sejahtera bersama kita)!!

1.     Selesaikan konflik dengan dirimu!!

2.     Selesaikan konflik dengan keluargamu!!

3.     Selesaikan konflik dengan tetanggamu!!

4.     Selesaikan konflik dengan orang-orang yang pernah menyakiti hatimu!!

5.     Selesaikan konflik dengan orang-orang yang pernah kau sakiti!!

6.     Jangan andalkan dirimu, fikiranmu dan kekuatanmu!!

7.     Minta Tuhan Yesus mengajarimu untuk berdamai dengan dirimu dan sesamamu!!

Segera dan secepat mungkin!!!!

Ala Tuhan Jesus do pardameanta, dung dipasada na dua i jala ditangtangi dorpi parholangan i, i ma hamusuon i (Karena Tuhan Yesuslah damai sejahtera kita, yang telah mempersatukan kedua pihak dan yang telah merubuhkan tembok pemisah, yaitu perseteruan), i do na nidok di ayat 14 turpuk on.

Asa jaloonta dame dohot dalan laho dipasada dohot Ama i songon na nidok di ayat 17-18,

“Dung i ro ma Ibana mamaritahon dame di hamu angka na dao, dame nang di angka na donok. Ai marhite Ibana adong do dalan manopot Ama i di hita na dua ragam i, di bagasan sada Tondi.”

(Ia datang dan memberitakan damai sejahtera kepada kamu yang “jauh” dan damai sejahtera kepada mereka yang “dekat”, karena oleh Dia kita kedua pihak dalam satu Roh beroleh jalan masuk kepada Bapa).

 

Angka dongan na hinaholongan di bagasan Tuhan Jesus Kristus..!!

3.        DIPASADA SALUHUTNA DI BAGASAN KRISTUS (TRANSFORMATION INTO ONE BODY OF CHRIST)

-   Na mora dohot na so mamora

-   Na pistar dohot na hurang pistar

-   Na timbo jabatan dohot na di toru dope jabatanna

-   Na uli dohot na hurang uli

Sarupa do sude Tondi na dipasahat tu hita!! I ma Tondi ni TUHAN i.

Jadi, ndang tama hita tu donganta jolma laho:

-          Paburnangburnang diri

-          Paginjanghon diri

-          Papanggarpanggarhon (sipanggaron)

Sungkunsungkun do roha molo hot dope hita na olo:

a.        Marungutungut

b.        Mandele

c.        Gale paimahon alus ni tangiangta

d.        Manulak manang menunda laho mardame dohot dongan jolma

Ai di rohana dope Tuhan Jesus i manang ndang??

Molo Tuhan Jesus dope di rohana masa do songon na nidok di ayat 20, “Ai dipauliuli do hamu di atas ojahan ni angka apostel dohot panurirang; Kristus Jesus sandiri do batu parsuhisuhi disi” (yang dibangun di atas dasar para rasul dan para nabi, dengan Kristus Yesus sebagai batu penjuru).

Molo Tuhan Jesus gabe batu parsuhisuhi (batu penjuru), gok las ni roha dohot dame do ngolunta! Dao jala mago do ianggo nasa parsalisian dohot parmusuon!!

Jolma naung pinauliuli di bagasan Tuhan Jesus, gabe mata mual do nasida:

1.        Mata mual ni las ni roha

2.        Mata mual ni hasadaon

3.        Mata mual ni hadameon

Nunga marungkil hita alani pandemi on, unang be tatambai. Lam dison ma pinangido tu hita asa tubu roha na:

1.        Masihaholongan

2.        Masiurupan

3.        Masitungkoltungkolan

4.        Masitangiangan

Unang tatambai be halojaonta, hasusaanta dohot hamaolonta!!

Taingot ma na nidokna 2I dohot 2A, i ma:

1.        Iman

-          Tingkatkan iman sebagai kekuatan utama menghadapi setiap permasalahan dan kesulitan serta pergumulan yang ada.

2.        Imun

-          Selalu bersukacita dan memberikan sukacita agar hormon endorfin dan imun kita dapat menangkal segala penyakit pada tubuh, fikiran dan hati kita.

-          Jauhkan permusuhan dan ciptakan kesatuan serta perdamaian

3.        Aman

-          Buatlah diri kita selalu berada pada titik aman bersama dengan Tuhan Yesus.

-          Amankan diri kita dengan selalu menjaga hati dengan makanan rohani yaitu Firman Tuhan dan makanan jasmani yaitu pola hidup sehat.

4.        Amin

-          Segala usaha yang terbaik yang telah kita lakukan, tetap pergumulkan bersama dengan Tuhan Yesus di dalam doa.

Syalom..!!

Selamat Ari Minggu Di Hita Saluhutna..!! 

Tuhan Jesus mamasumasu..!!

Pdt. Ferdinand Fernando Silaen