Dihalomohon TUHAN I DO HAMUBAON NI ROHA (LUKAS 15:1-10)



BAHAN SERMON EVANGELIUM MINGGU XIII NDUNG TRINITATIS

HKBP Efrata Lorok Ressort Palembang

Kamis, 08 September 2022

 Evangelium : Lukas  15 : 1 - 10

Topik  Minggu : “ Dihalomohon Debata Do Hamubaon Ni Roha ” ( Allah Menginginkan Pertobatan )


I.      PATUJOLO 

Evangelium Lukas bindu 15 on didok ma songon “Barita Haluaon na di bagasan Barita Haluaon” (Injil di dalam Injil/Kabar Baik di dalam Kabar Baik). Di bindu 15 on do tumangkas ditaringoti na tinuju ni TUHAN i marhite Jesus Kristus, i ma “TUHAN na mangalului angka na mago.” So holan na Badia jala na Bonar do ianggo TUHAN i, alai dilehon do asi ni rohaNa na mansai balga tu jolma manisia: Molo dipajonok jolma i tu TUHAN i, lam dipasolhot TUHAN i do diriNa tu angka jolma.

Alai, di na mangalehon asi ni rohaNa tu angka jolma, na dohot do TUHAN i mangalului jolma laho paluahon ibana jala marlas ni roha do TUHAN i molo naung dipalua angka jolma. I ma na gabe pangantusion na mansai balga marhite dua umpama na pinasahat ni Tuhan Jesus hatiha i di ayat 4-10. Molo di Bibel hata Gorik, ndang na disiranghon dua umpama on, alai sada hasadaan do laho mangalehon pangantusion taringot tu na tinuju ni TUHAN i umbahen ro Ibana marhite Jesus Kristus. 

 

II.    HATORANGAN NI TURPUK

Ayat 1-3: Dipasolhot Angka Pardosa Do Dirina Tu Tuhan Jesus

On ma na gabe pamuhai di bindu 15 on. Sada situasi na masa na mangonjar Tuhan Jesus pasahathon dua umpama tu na torop hatiha i. Tangkas do dipaandar bindu on adong dua horong na maralo: Na sada i ma Horong sijalo beo dohot pardosa. Na sadanari i ma Horong ni halak Parise dohot Sibotosurat. Nunga jumolo marsogo ni roha halak Parise dohot Sibotosurat tu horong ni angka sijalo beo, marsiala ma i: Ndang ditanda jala ndang diulahon nasida Patik ni halak Jahudi hatiha i. Sai dipadao halak Parise dohot Sibotosurat do dirina sian angka sijalobeo.

Sada sarito sian sahalak Rabi na margoar Ze’ira (+ 300 M): Dihirim ibana do asa adong hamubaon ni roha tu angka sijalobeo. Umbahen i, dipajonok ibana do dirina tu nasida. Alai, gabe marsala ma ibana di jolo ni donganna ala naung niulahonna i. Adong sada prinsip di nasida: “Ndang tarbahen jolma i (bangso ni TUHAN i) rap dohot angka pardosa, tung pe na tinuju ni nasida asa diantusi jala dihangoluhon Patik.”

Marasing do na niulahon Tuhan Jesus sian horong ni Parise dohot Sibotosurat. Tangkas do panurat Lukas paboahon: Na gumodang do halak pardosa hatiha i na umbege pangajarionNa jala na mangihuthon Ibana. Jala denggan do panjangkhonon ni Tuhan Jesus tu angka jolma na olo manangihon pangajarionNa.  So holan manjangkhon nasida, ditogihon Tuhan Jesus do nasida laho rap mangan. Dipatorang Tuhan Jesus do na niula ni Ibana, i do sasintongna na tinujuNa songon TUHAN na ro tu portibi on, laho paluahon angka pardosa.

Ayat 4-7: TUHAN Na Digombarhon Songon Parbirubiru Saratus (Umpama Na Parjolo)

Umpama na parjolo on, i ma sada na masa secara kontekstual na pinaandar ni Tuhan Jesus di luat Palestina hatiha i jala sahat tu partingkian nuaeng. Di na naeng jumpang tu botarina, sai etongon ni angka parmahan do angka na pinarmahanna. Molo adong nanggo sada pe angka na pinarmahanna i mago, tontu luluon ni parmahan i do. Dipasahat do na pinarmahanna na debanari i tu angka donganna manang dipamasuk tu sada goa, asa boi luluonna na mago i.

Marhite hasomalan na pinatupa di Palestina, hea do masa di taon 1957, adong ma sahalak parmahan na margoar Muhammad ed-Dib na marmahani hambing na birong godangna 55 hambing di daerah Laut Mati (12 km sebelah selatan Yerikho). Di sada ari, mago ma sada hambingna di pukul 11 arian. Dipasahat ma tu donganna 54 hambing i, laos dilului ibana ma sada hambing na mago i. Sahat ma ibana tu sada goa, ndang na hambingna na tarida, alai diida ibana ma (dan menjadi penemuan terbesar di abad ini) naskah-naskah Qumran (salinan kitab Yesaya) naung marumur 2.000 taon.

Parmahan na gabe umpama ni Tuhan Jesus di bindu on ingkon manjaga 100 birubiruna. Na patutu ingotonta status sosial ni parmahan hatiha i: Dipasiding sian na torop jala ndang ditangihon hatana molo adong parrapoton. Alai, tung pe songon i status sosial ni parmahan di halak Israel, digogohon ibana do asa jumpang sada birubiruna na mago i. Jala boasa jotjot masa songon i (adong birubiru na mago)? Ala ndang diboto birubiru i dalan di na laho mulak.

Tangkas jala bagas do umpama na binahen ni Tuhan Jesus on. Tung di toru pe status sosial ni parmahan, alai haburjuonna laho mangalului na mago i manaluhon status sosial na ampe tu ibana. Umpama on naeng patuduhon hadirion ni Tuhan Jesus na lea diadopan ni halak Jahudi ala ibana songon anak ni pande hau. Umbagas  sian i: Na ro do Tuhan Jesus tu portibi on songon hita jolma holan laho paluahon angka jolma sian dosa. Di horong Hajahudion pe, tung naung ampe  status Guru (Rabbi Yahudi) tu Tuhan Jesus, alai dijangkon Ibana do halak pardosa na olo tumangihon pangajarionNa.

Mansai las situtu do roha ni sahalak parmahan molo naung jumpangna birubiru na mago i. Digombarhon di ayat 5, “Ia dung dapotsa, diampehon ma tu abarana sian las ni rohana.” Tontu “..dung sahat ibana tu jabuna, dipapungu ma alealena dohot hombar hundulna, didok ma tu nasida: Marlas ni roha ma hamu rap dohot ahu, ala jumpang ahu birubirungku naung mago i!” (ayat 6). Songon i ma na nihilala jala niulahon TUHAN i. Songon i ma na binahen TUHAN i laho mangalului angka jolma pardosa.

Mansai las situtu do roha ni TUHAN i tu halak na olo paubahon rohana. Secara psikologis terdapat sebuah perenungan refleksi: “Bukankah menemukan dan menyelamatkan yang hilang itu lebih banyak memberikan kegembiraan daripada memiliki apa yang tidak pernah hilang?” On ma na patuduhon balga ni holong ni TUHAN i maradophon angka jolma marhite haroro ni Tuhan Jesus, Sipalua i. Mansai balga do las ni roha ni TUHAN tu angka jolma na olo paubahon rohana.

Ayat 8-10: TUHAN Na Digombarhon Songon Parompuan Na Marhepeng Sampulu Hupang (Umpama Na Paduahon)

Dipangke Tuhan Jesus do muse gombaran ni TUHAN i marhite “sahalak parompuan” na hira dos do status sosial ni nasida tu angka parmahan di halak Jahudi hatiha i, jala status sosial ni parompuan tumoru sian status sosial ni baoa. Ndang mardia imbar umpama na paduahon on sian umpama na parjolo. Didok dison parompuan na marhepeng sampulu hupang. Tangkas naeng didok: So holan status sosial ni parompuan hatiha i na naeng dipaandar, alai dohot do naeng didok taringot tu hapogoson ni parompuan i. Molo marsigantung do ibana tu palito di bagasna, naeng patuduhon na so adong do jendela di bagas ni nasida. Jala parsigantungonna tu sampulu hupang i, patuduhon hapogoson ni parompuan i (Sada hupang/Satu dirham: Dos do i songon upah pekerja harian ni sahalak jolma). Digombarhon do sada hupang i tu jolma pardosa. Marhite hatorangan “arga ni hupang” i, naeng patuduhon: Na mansai arga do jolma i di adopan ni TUHAN i.

On ma na niondolhon Tuhan Jesus: Hinaarga ni jolma di adopan ni TUHAN i. So las roha ni TUHAN i, so galak palito laho patiurhon harajaonNa molo adong sahalak na mago alani dosana. Umbahen i, ndang lomo roha ni TUHAN i nanggo sada sian jolma i lilu jala mago. Sai na dilului Tuhan Jesus do ibana, anggiat ma olo paubahon rohana. “...Tung so lomo do rohangKu mida hamatean ni halak parjahat i, so ingkon mida hamumulak ni parjahat i tumadinghon dalanna i nian, asa mangolu ibana” (Hesekiel 33:11).

 

III.       PANGUJUNGI


Marhite umpama on naeng patuduhonon ni Tuhan Jesus balga ni holong ni TUHAN i tu angka jolma. Barita na Uli di turpuk on manogihon asa mangolu ma jolma i di roha na tongtong marhamubaon. Taongkuhon ma i tu Tuhan Jesus asa dilehon tu hita gogo laho manghangoluhon saluhutna i. Ala mansai balga do las ni roha ni Tuhan Jesus mida halak na olo paubahon rohana. Taparhaseang ma tingkinta, binsan dilehon dope tu hita hosa hangoluan.


Syalom..!!

Tuhan Jesus Mamasumasu..!!

Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya