SITINDANGI KRISTUS (ULAON NI APOSTEL 1 : 6 - 11)

PANURATAN JAMITA ARI HANANAEK TUHAN JESUS

HKBP Efrata Lorok Ressort Palembang

Kamis, 26 Mei 2022

Evangelium : ULAON NI APOSTEL 1 : 6 - 11

Topik : Gabe Sitindangi Ni Kristus Tu Sandok Portibi On (Menjadi Saksi Kristus Sampai Ke Ujung Bumi)

Angka dongan na hinaholongan di bagasan Tuhan Jesus Kristus..!!

I.      PAMUHAI

Sadari on, i ma sada Pesta na balga di angka siihuthon ni Kristus “secara dominan.” Molo nidok “dominan,” lapatanna adong do na “mendominasi” jala adong na “didominasi.” Olo do pingkiranta gabe mangarahon tu halak Kristen na so mandohoti “Pesta Ari Hananaek ni Tuhan Jesus” alani ”parkarejoan” manang alani ”losok ni roha.”

NDANG I !!

Rupani, adong do horong ni Huria di Armenia sahat tu nuaeng on na so patupahon “Parningotan Ari Hananaek ni Tuhan Jesus.” Hasadaon ni pangantusion tu nasida dohot hita taringot tu Tuhan Jesus “marsirang” di Parningotan Ari Hananaek.

Nuaeng, mulak ma hita tu parningotan na pinatupa ni hurianta. Parningotan Ari Hananaek ni Tuhan Jesus i ma sada “Ulaon na balga na gok hamuliaon na sian banua ginjang.”

Molo tataringoti “Hananaek,” adong do pigapiga halak na sinurathon di Padan na Robi na “manaek tu banua ginjang.” Di Padan na Robi didok ma si “Henok” dohot si “Elia.”

Jadi, aha ma hasurungan ni Tuhan Jesus sian nasida na dua?

Molo dua halak na di Padan na Robi: manaek tu banua ginjang nasida, ndang mamolus hamatean!! Alai, molo Tuhan Jesus, DITALUHON do HAMATEAN andorang so manaek Ibana tu banua ginjang.

I ma hasurungan jala na “istimewa” sian Tuhanta Jesus Kristus.

Tudos do i songon angka parsingkola na di masa pandemi Covid-19 ndang mandohoti Ujian Nasional, alai “LULUS” do nasida sian parsingkolaanna. Asing do nihilala “angka parsingkola na LULUS” alai jumolo dibolus “ujian.” Umbalga do las ni roha na nihilala ni angka parsingkola na lulus ndung binolus ujian. Lam ma NATORASNA, “mansai las situtu do roha” ala “MONANG” ianangkhonna!!

On ma ulaon na balga na pinatupa ni TUHAN tu portibi on. Mansai las situtu do roha jala dohononta “tutu do MONANG Tuhanta manaluhon sorop ni hamataean.” Jala nuaeng, nunga hundul Ibana di siamun ni Ama i di harajaonNa!!

Nueng, sahat ma tu hita ulaon “pararathon harajaon ni Tuhanta” tu hita halak na porsea tu Tuhan Jesus. I ma tugas di hita, huria ni Tuhanta!

Angka dongan na hinaholongan di bagasan Tuhan Jesus Kristus..!!

II.    POINTER JAMITA

Di Pesta Parningotan Ari Hananaek ni Tuhan Jesus, marhite turpukta sadari on, adong pigapiga mutiha na mansai arga na ingkon hangoluhononta di parngoluonta nuaeng, i ma:

 

1.     TUHAN JESUS, NA MARHUASO DI GINJANG NI SALUHUTNA !!

Sifat manusia yang sangat alamiah adalah “SEMUA DIBAWA DENGAN PERASAAN!”

-   Tangis do molo marhabot ni roha manang jumpang angka parsirangan

-   Las roha molo jumpa angka na pinarsinta ni roha

Sangat alamiah di dalam hidup seorang manusia. Jala sahat do i tu ngolu ni Hakristenonta:

1.     Molo jumpa Jumat Agung, godang do sian hita na malungun jala sahat tu na manetek ilunta ala marningot sitaonon ni Tuhan Jesus

-   Hira dipaimbar tu ngolunta na hansitan molo mangadopi angka sitaonon.

 

2.     Molo jumpa di ari Natal, mansai las do rohanta, ala marningot naung tubu Tuhan Jesus.

-   Hira dipaimbar molo adong dakdanak na sorang ditongatonga ni keluarga.

-   I do rupani, pesta Natal di partingkian nuaeng on godang do na patupahon hira na “Pesta Ulang Tahun” na somal diulahon portibi on.

Nah, fenomena na masa, molo jumpang “Ari Hananaek,” hira na bingung do hita laho “marningot” manang “mambahen las rohanta” ala godang dope na so manghangoluhon “dia do tahe lapatan ni jala panghorhon ni hananaek ni Tuhan Jesus?”

Songon sungkunsungkun ni na torop tu Tuhan Jesus di ay.6:

“PajongjongonMu ma saonari, ale Tuhan, harajaon i di Israel?”

(Tuhan, maukah Engkau pada masa ini memulihkan kerajaan bagi Israel?)

Nunga tarboan “perasaan” na so tontu nasida ala parir na niae nasida ndung dilele alani haporseaon nasida tu Tuhan Jesus! Dipangido nasida, “bangkit Raja” ma Tuhan Jesus manguluhon harajaon ni Israel, manaluhon panggomgomi Rom hatiha i.

Alai, dia ma alus ni Tuhan Jesus? Tarsurat di ayat 7:

“Ndang ro di hamu i umboto taonna manang ombasna; na binuhul ni Ama i guru di huasoNa sambing.”

(Engkau tidak perlu mengetahui masa dan waktu, yang ditetapkan Bapa sendiri menurut kuasa-Nya).

Lapatan pandohan ni Tuhan Jesus i ma:

“Ndang na fokus tu “MANAON NA PORSUK” alai ingkon “mangolu di “HUASO ni AMA” i !!”

SAGURU DI IBANA do ngolunta!!

Coba dengarkan kalimat ini:

1.        “Agar kita sehat, maka kita harus sering berjemur di bawah panas matahari!”

-        Fokus kata “kita sehat”

 

2.        “Agar atlet dapat memenangkan suatu pertandingan, maka dia harus latihan dengan keras!”

-        Fokus kata “memenangkan.”

 

3.        “Agar kita mendapatkan kedamaian yang kekal bersama dengan Tuhan Yesus, maka kita harus melewati kematian.”

-        Fokus kata “kedamaian.”

Nuaeng, boha ma asa “lebih fokus” tu Tuhan Jesus sian na adong di portibi on?

Jolo idaonta ma “fenomena” di partingkian nuaeng, lumobi ma sian angka horong naposo:

Molo sinungkun hita na pungu dison, tarlumobi ma tu angka Remaja-Naposobulung, “adong do Idolamuna??” Manang “Ise do idolamuna??”

Adong do na mandok mengidolai angka artis, parende, angka politisi, angka panggomgomi, dna. Adong hira-hira sian hita na mandok Mengidolai/Fans tu Tuhan Jesus??

On ma na gabe pergumulan di hita jolma!!

Boasa ndang pola sude halak Kristen mengidolai/naeng maniru Tuhan i?? Gabe naeng suman tu jolma do!!

Umbahen i, idaonta ma panghirimon na nidok ni Tuhan Jesus di ayat 8a:

“Alai jaloonmuna do hagogoon ni Tondi Parbadia na songgop tu hamu..”

(Tetapi kamu akan menerima kuasa, kalau Roh Kudus turun ke atas kamu..)

 

Tapangido jala tajalo ma Tondi Parbadia na dipasahat Tuhan Jesus tu hita! Asa lam margogo jala lam marbisuk hita di na mandalani ngolunta on!

Tuhan Jesus naung hehe jala naung manaek tu banua ginjang i do ojahan ni ngolu halak na porsea i! Godang pe hamaolon na ingkon adopanmuna nuaeng, ingot ma hita naung tubu di hangoluan naimbaru dibagasan Tuhan Jesus.

“Jangan takut dengan hidupmu, karena Tuhan sudah mendapatkan hidup kita!”

Dia Raja yang memerintah dari Sorga!

Angka dongan na hinaholongan di bagasan Tuhan Jesus Kristus..!!

2.     TAHATINDANGHON KRISTUS DI NGOLUNTA !!

Dalam sebuah kecelakaan Kereta Api di North, Calorina, 18 orang korban saat jembatan tarik itu “salah informasi," sehingga kereta itu jatuh ke dalam sungai itu dan 18 orang tenggelam.

Dilakukanlah sebuah penyelidikan!

-   Sang penjaga jembatan mengatakan, “Saya sudah mengibarkan bendera merah supaya kereta berhenti!”

-   Yang membawa kereta (masinis) itu berkata, “Saya melihat bendera putih, maka saya tancap dengan kecepatan yang paling penuh!”

Selidik punya selidik, didapatkanlah bendera yang dimaksud dari kedua orang tersebut.

-   Ternyata bendera itu benar-benar berwarna MERAH

-   Tetapi warnanya sudah PUDAR.

-   Sehingga, ketika dilihat dari jauh, bendera itu seperti kelihatan warna putih.

Itulah Kekristenan yang banyak di zaman sekarang. Warna aslinya merah. Karena tidak “menyaksikan Kristus” atau bersaksi memberitakan kebaikan Tuhan maka warnanya menjadi pudar (karena: pandemi, pergumulan hidup, situasi yang dialami).

“Menjadi kehilangan warna yang sesungguhnya!!”

Manghatindanghon Tuhan Jesus, ndang na gogo ni jolma! Handukhon di pardalanan ni ngoluna na mambege soara ni Tondi, i do na parsidohot gabe “Sitindangi Tuhan Jesus!” Gogo sian banua ginjang marhite Tondi Parbadia i do na mamboan hita gabe “Sitindangi Tuhan Jesus!”

Kuncinya: Hidup di dalam pertobatan, yang hidup di dalam pengampunan dosa!

Molo manghatai hita (angka natoras songon i nang angka Guru Singkola Minggu) tu dakdanak na metmet marumur 3-4 taon, naeng ma nian hita manghatai songon dakdanak, jala sipata olo do gabe unduk hita manghatai tu dakdanak i.

Manghatai tu dakdanak gabe sai hira dakdanak do dibahen, boi taida sian angka Ompung na manghatai tu Pahompuna.

Hea didok sahalak ama naung marpahompu, “Di naung marpahompu on, gabe asing huhilala. Molo tangis pahompu, olo sipata ndang sadar iba gabe manortori di jolona asa unang tangis ibana. Hape natuatua ni huta do ahu.”

Boasa ma boi songon i??

Toruk ni roha jala na olo mansoadahon diri do na boi dapotan las ni roha jala na boi mambahen las roha ni donganna!!

Molo tangis pahompu i, ndang olo ompungna manghatai songon dakdanak bahkan sipata olo gabe manortori, ndang olo so dakdanak na tangis i. Jala ndang dioloi hata ni ompung i tu pahompu i!!

Songon i do Tuhan Jesus, asa ditanda jolma Ibana jala asa boi diantusi jolma hadirionNa, jumolo do Ibana mansoadahon diriNa na Tuhan do Ibana, gabe suman tu jolma.

Boha hita laho gabe “sitindangi KRISTUS” di portibi on? 

-   Tapangke dope ginjang ni roha??

-   Tapangke dope roha na egois??

-   Tapangke dope roha pajujuhon diri??

Unang gabe partuktuhan hadirionta i, naeng ma nian marhite na mansoadahon diri hita:

-   Gabe pangapul ni angka na marsak, ndang na gabe siboan arsak.

-   Gabe parholong tu angka donganta, ndang na gabe panguhumi.

-   Gabe paluahon donganta sian dosa marhite na pasingothon di angka hasalaan ni dongan, ndang na gabe mambahen ibana gabe mardosa.

-   Gabe pamalumhon angka na marsahit marhite las ni roha, ndang na gabe siboan sahit.

 

I do hadirion na gabe sitindangi ni Kristus!

Amin!!

Syalom..!!

Selamat Ari Hananaek Ni Tuhan Jesus Kristus..!!

Tuhan Jesus Mamasumasu..!!

 

Pdt. Ferdinand Fernando Silaen