DUNGO MA HAMU, UNANG LILU ( MARKUS 13 : 1 - 8 )



PANURATAN JAMITA MINGGU XXIV DUNG TRINITATIS

HKBP Efrata Ressort Palembang

Minggu, 14 November 2021

Evangelium : MARKUS  13 : 1 – 9

Topik : Dungo Ma Hamu, Unang Lilu (Waspadalah, Jangan Sesat)                          

Angka dongan na hinaholongan di bagasan Tuhan Jesus Kristus..!!

I.      PAMUHAI

Di na mangajari Tuhan Jesus di Bagas Joro i, diondolhon Ibana do asa tiur marnida na masa di tongatonga ni nasida, lumobi di ngolu ni haporseaon. Naung godang do masa angka pangaliluon na niida mansai uli jala badia di loloan, hape ndang na marsitutu nasida di ngolu ni partondionna.

I do na dipabotohon Tuhan Jesus di pangajarionNa asa tangkas marnida angka sibotosurat dohot sahalak boruboru na mabalu:

a.           Markus 12:38-40: Didok Tuhan Jesus, “Jaga ma hamu mida angka sibotosurat, angka na lomo roha madangadang marbaju na ganjang asa ditabi halak nasida di angka onan. Na ringkot do rohanasida di bangku jolojolo di angka parguruan ro di hundulan na sumangap di parpestaan. Dipolgak nasida do bagas ni na mabalu, gabe tangiang na ganjang do dibahen nasida manghuphupisa. UHUM NA DUMOKDOK DO JALOONNASIDA.”

 

b.          Markus 12:43-44: Didok Tuhan Jesus, “Situtu do hatangKon tu hamu: Gumodang do na nidabuhon ni na mabalu na pogos an tu bagasan poti parasian i, asa saluhut angka na mandabuhon i. Ai sian lobilobinasida do didabuhon be; alai ia parompuan an, sian pogosna do didabuhon saluhutna na di ibana, tung sandok hangoluanna i.”

 

Adong dua tokoh na diondolhon Tuhan Jesus di pangajarionNa tu na torop dohot tu angka siseanNa. Marhite dua tokoh i naeng dipapatar Tuhan Jesus, dia do na marsitutu jala polin haporseaonna marsomba tu TUHAN i, dia na ndang:

 

a.           Sibotosurat

   Patar idaon di hatongamon dohot habadiaon marhite pahean dohot tangiang na marganjangganjang. Hape di pudi, na mamolgak do ulaonnasida tu jolma na gale:

-          Idaon badia hape parjahat do.

-          Idaon partondi hape partigatiga tangiang do.

-          Idaon parasiroha hape sibahen hansit ni roha do.

 

b.          Parompuan na mabalu

   Patar idaon di hagaleon dohot hapogoson marhite pelean na pinasahatna. Hape, di pudi, na sude do pinasahatna tu TUHAN i:

-          Idaon otik na pinasahatna, hape sude hepengna do na dipasahat.

-          Idaon pogos sian parduruna, hape na mora do rohana.

-          Idaon ndang marsitutu songon na asing, hape sude ngoluna dipasahat tu TUHAN i.

I ma na pinapatar ni Tuhan Jesus taringot tu na masa di tongatonga ni parpunguan di Bagas Joro. Jala marhite pangajarion i do na mamuhai hita jala patolhashon hita tu Barita na Uli na naeng marsaringar di tongatonga ni Parmingguonta sadari on.

Diboan Topik ni Minggunta hita marhite hata “Dungo ma hamu, unang lilu!” Asa patar idaonta ngolu ni partondionta dohot na masa di humaliangta. Sai unang alani haulion ni parnidaan dohot hasomalan naung marurat, nunga tingkos i di rohanta, hape sasintongna na maralo do tu lomo ni roha ni Tuhanta Jesus. Alani i, tangkas ma tapaihutihut turpuk jamita di Minggunta sadari on!

 

Angka dongan na hinaholongan di bagasan Tuhan Jesus Kristus..!!

II.              POINTER  JAMITA

Dung dipatorang Tuhan Jesus na masa di Bagas Joro marhite pangajarionNa, diuduti ma muse dipatolhas Tuhan Jesus na umbagas sian i marhite panghataionNa dohot deba angka siseanNa.

 

1.          Torang Marnida Na Manontong I

Di sada tingki adong ma sahalak dakdanak na marlojong laho manjumpangi panditana. Ditogihon dakdanak i ma pandita i asa martangiang di bagasna ala adong na marsahit disi.

Dung sahat pandita i dohot dakdanak i, diarahon dakdanak i ma pandita i tu pudi ni jabu. Adong ma disi saekor huting na tongon gale alani marsahit. Didok dakdanak i ma tu pandita i, “Amang, tangianghon huting on. Holong do rohangku tuson!”

Dungkon i, ro ma pandita i tu jolo ni huting i, nang pe kecewa ibana di na masa i. Didok pandita i ma, “Huting, molo naeng mangolu ho, mangolu ma; molo naeng mate, mate ma! Amen!”

Mansai las situtu roha ni dakdanak on. Jala salpu ma pigapiga ari, malum do huting i. Alani las ni rohana, dibahen ibana gambar jala laho dilehon tu pandita. Ndung sahat tu bagas ni pandita i, dibereng dakdanak i ma na tongon marsahit pandita i.

Didok dakdanak i, “Amang, boi do ahu martangiang asa malum amang?” Dialusi pandita i, “Boi, denggan jala uli. Tangianghon ma da, anggi!” Ditangianghon dakdanak i ma, didok, “Ale Pandita, molo naeng mangolu ho, mangolu ma; molo naeng mate ho, mate ma! Amen!”

Angka dongan na hinaholongan di bagasan Tuhan Jesus Kristus..!!

Sada gombaran do i di ngolu ni haporseaon ni angka siihuthon ni Kristus:

“Ndang boi mamintor tajalo sude na taida!!”

I do na nidok ni angka sisean tu Tuhan Jesus di ayat 1, “Bereng ma Gurunami, uli ni angka batu on dohot tongam ni angka jabu on.”

Ndang sude na patar i na sintong jala ndang sude na patar i na hot!

Umbahen i didok Tuhan Jesus di ayat 2, “Diida ho do jabu angka na bolon on? Ndang pasombuon nanggo dua batu martinditindi na so gargaronna.”

 

Banyak orang berkata:

-   Turutilah ajaranku!

-   Turutilah nasehatku!

-   Turutilah petunjuk dan pengarahanku!

-   Turutilah khotbahku!

 

Tetapi jarang orang berkata: “TURUTILAH TELADANKU!”

 

I do naeng diarahon Tuhan Jesus. Ndang uli ni parduru, alai roha na dibagasan do na ingkon DIHANGOLUHON!! Ndang na holan panghataionna manang teori sambing, alai dipataridahon marhite tiruan na denggan! Tiruan ni ise? Tiruan ni Tuhan Jesus!!

Na boi salpu do saluhut na pinatupa ni jolma. Alai, manontong do ianggo hata ni Tuhanta!! Na boi salpu do gedung ni gareja on, alai manontong do huaso ni hata ni Tuhanta di ngolu ni angka na porsea!


Angka dongan na hinaholongan di bagasan Tuhan Jesus Kristus..!!

2.     Patar Do Saluhutna Di Adopan Ni TUHAN I

Sai adong do jolma na mura gale jala menyerah molo mangadopi hamaolon na so tuk pingkiranna mamingkiri. Jala alani hamaolon nang parungkilon na niadopanna, gabe niluluan ma “jalan pintas.”

Jala idaonta ma jolma manang hita naung hea mangalului manang mangulahon “jalan pintas” i, satongkin do nian hira tarapul roha manang tarjalo na pinangido ni roha i. Alai, mangihut do ro angka hamaolon dohot parungkilon na umbalga sian i!

Pangalaho na sisongon i do na naeng diulahon opat sisean ni Tuhan Jesus, i ma si Petrus, si Jakobus, si Johannes dohot si Andreas. Adong do dipaboa turpuk on na naeng mangalului “jalan pintas” nasida? Adong!

Taida ma di ayat 3-4:

“Dung i uju hundul IBANA di dolok Jetun tondonghon joro i, PULIK MA DISUNGKUNHON si PETRUS, si JAKOBUS, si JOHANNES dohot si ANDREAS IBANA: PABOA ma tu HAMI, ANDIGAN MASA I; jala DIA MA TANDANA, PABOA NA SONGGOP SALUHUTNA I?”

 

a. Pulik do nasida sian ualu sisean na asing

-          Asa jumolo nasida mamboto sian angka donganna

-          Patuduhon persaingan yang tidak sehat!

 

b. Reaktif do si opat sisean i

-          Tidak menantikan proses, tetapi hasil yang instan

-          Berdoa supaya keluar dari masalah, bukan minta kekuatan dan hikmat untuk menghadapi masalah!

Angka dongan na hinaholongan di bagasan Tuhan Jesus Kristus..!!

“Jaga ma hamu, so tung dililuhon halak hamu!”

-        Na mura targasip do jolma molo sai na di rohana na ingkon saut!

-        Na mura gale do jolma molo holan mangasahon pingkiranna!

-        Na mura mandele do jolma molo holan dirina na diharingkothon, ndang marnida aha na boi sibahenonna laho mangurupi na di humaliangna!

Alani i, jaga ma hita di ngolunta! Unang alani na mangharingkothon dirinta, gabe targasip hita, dililuhon sibolis!!

Jaga ma hita di bagasan tangiang ganup ari, manungkun tu Tuhan i, “Dia do sibahenonnami Tuhan na hinalomohon ni rohaM?”


Angka dongan na hinaholongan di bagasan Tuhan Jesus Kristus..!!

3. Tongtong Marsiajar Mananda Tuhan Jesus 

Mansai maol do mananda sasahalak jolma na jonok nang na dao sian hita. Suang songon i di angka naung marumatangga.

-             Idaon ni angka na maraleale ma songon dia sasintongna pangalaho ni alealena dung martaontaon naung maraleale.

-             Idaon ni angka ina ma songon dia sasintongna pangalaho ni angka amanta dung martaontaon naung marumatangga.

-             Idaon ni angka ama ma songon dia sasintongna pangalaho ni angka inanta dung martaontaon marumatangga, dna.

Ndang na mura mananda sasahalak jolma. Naung diboto pe goar dohot inganan/bagasna, ndang na gabe naung mananda ibana. Naung dua pulu taon pe marumatangga ndang gabe jaminan naung masitandaan nasida.

Molo mananda jolma pe maol, ummaol sian i do di na mananda Tuhan i. Paling-paling kita bisa mengira, akibatnya bisa salah mengira.

Ndang na boi jolma mananda Tuhan i, molo so Tuhan i sandiri na patandahon diriNa tu jolma.

I do na nidok ni Tuhan Jesus di ayat 6, “Ai lan do na ro sogot manoluk goarHu angka na mandok: Ahu do i, gabe torop ma lilu bahenonnasida.” Naung masa do i?? Masa.

Boasa boi masa??

Ala dipaso ulaonna laho mananda Tuhan Jesus.

Tung songon i, sai tongtong do diarahon Tuhan Jesus asa lam mananda Ibana. Taida ma songon :

a. Orang mengira bahwa beribadah dengan sorak-sorai dan ramai-ramai. Tuhan Yesus menunjukkan kebalikannya, yaitu beribadah dalam kesunyian. Kitab-kitab Injil beberapa kali mencatat bahwa, “Yesus mengundurkan diri ke tempat-tempat yang sunyi dan berdoa” (Lukas 5:16).

 

b. Orang-orang mengira bahwa percaya adalah sering-sering menyebut nama Tuhan sehingga sebentar-sebentar berkata “Puji Tuhan” atau “Tuhan memberkati.” Yesus memperbaiki salah kaprah ini dengan menegur, “Bukan setiap orang yang berseru kepada-Ku: Tuhan, Tuhan! akan masuk ke dalam Kerajaan Sorga, melainkan dia yang melakukan kehendak Bapa-Ku” (Matius 7:21).


c. Orang mengira bahwa Tuhan menjanjikan hidup yang sukses dan bebas dari penderitaan. Yesus memperbaiki salah kira itu, “Setiap orang yang mau mengikut Aku, ia harus menyangkal dirinya, memikul salibnya setiap hari dan mengikut Aku” (Lukas 9:23).


d. Orang mengira ketika pandemi Covid-19 datang, maka tergenapilah semua yang dikatakan Kitab Injil bahwa Tuhan Yesus akan datang. Yesus memperbaiki salah kira itu. I do na nidok di ayat 7-8, “Asa molo dibege hamu barita ni angka hamusuon ro di gaor ni na marmusu, unang hamu tarsonggot. Ndang tarbahen so masa angka i, alai ndang i dope ujungna. Ai na hehe do sogot bangso maralohon bangso, harajaon maralohon harajaon; masa ma nang laho marluatluat, masa ma nang haleon. Parmulaan ni pambebeonna do i.”

 

Bapa yang ada di dalam diri Yesus adalah Tuhan yang teduh dan bersahaja! Amin.

 

Syalom..!!

Selamat ari Minggu di hita saluhutna..!!

Tuhan Jesus Mamasumasu..!!


Pdt. Ferdinand Fernando Silaen

Komentar

Posting Komentar

Postingan populer dari blog ini

MAZMUR 85:9-14

Gambar
TULISAN KHOTBAH MINGGU ADVENT  II Minggu, 06 Desember 2020 Evangelium :  Mazmur 85 : 9 – 14 Topik            :  Keselamatan Dari Tuhan Sudah Dekat                          (Nunga Jonok Haluaon I) Saudara-saudari yang terkasih di dalam Tuhan Yesus Kristus..!! I.     PENDAHULUAN Pada umumnya, setiap orang yang mengalami kegelisahan hidup oleh karena pergumulan, penyakit yang diderita, kesulitan perekonomian dan berbagai permasalahan yang membuat hidupnya sangat terbeban, pasti akan mencari solusi agar kegelisahan itu secepatnya berlalu. Berbagai cara akan dilakukan agar seseorang itu mendapatkan ketenangan. Tentu tidak satu atau dua kali saja seseorang mengalami kegelisahan di dalam hidupnya. Dan hal yang sudah pasti juga, dia sudah tahu kepada siapa dia akan “bercerita” dan mencari solusi. Bisa kepada kerabat, saudara, keluarga atau kepada orang lain yang dapat dipercaya. Secara khusus kepada orang-orang yang percaya, dia pasti sudah tahu kepada siapa pertama kali
Baca selengkapnya

KEHIDUPAN DI DALAM JANJI TUHAN (KEJADIAN 9:8-17)

Gambar
  TULISAN KHOTBAH MINGGU INVOCAVIT “Bila Ia Berseru Kepada-Ku, Aku Akan Menjawab” ( Mazmur 91 : 15a ) Minggu, 21 Februari 2021 Evangelium     :  KEJADIAN 9 : 8 – 17 Topik Minggu :  Janji Dan Kuasa Allah   Saudara-saudari yang terkasih di dalam Tuhan Yesus Kristus..!!   I.               PENDAHULUAN Teks di dalam perikop ini berasal dari sumber P ( Priest , kaum Imamat). Secara keseluruhan di dalam sumber P dan secara khusus di dalam teks ini dituturkan tentang sejarah keselamatan Israel. Dalam peristiwa mengenai air bah, secara terperinci penulis dari sumber P memaparkan bagaimana detail dari peristiwa, tokoh dan beberapa objek di dalam sebuah kesimpulan tentang “Kuasa TUHAN atas bumi dan semesta.” Secara penulisan, cerita mengenai air bah tetap mengarah kepada suatu Subjek yang tidak dapat diganggu gugat, yaitu TUHAN yang transenden (agung, berkuasa). Ketika “pusat” dari pemberitaan itu telah didapatkan, maka secara tidak langsung tulisan ini juga menyiratkan bagaim
Baca selengkapnya

YOHANES 3:14-21 / JOHANNES 3:14-21

Gambar
PANURATAN NI JAMITA PESTA NATAL II Sabtu, 26 Desember 2020 Evangelium : Johannes 3 : 14 - 21 Topik              : Holong Ni Debata Na Paluahon                           (Kasih Allah Yang Menyelamatkan) Angka dongan na hinaholongan di bagasan Tuhan Jesus Kristus..!! I.          PATUJOLO Buku Evangelium Johannes disurathon sahalak Sintua na sian huria Epesus na margoar Johannes. Disurathon evangelium on hira di taon 100 M. Molo jinaha sude buku Evangelium Johannes, dipatandahon do nasida “hira” na jonok tu masa ni Tuhan Jesus di tingki manghobasi gabe Jolma di portibi on. Hape sasintongna, na tarboan do ibana di “ pokok-pokok fikiran ” ni si Johannes, sisean ni Tuhan Jesus. Sada situasi na masa na diadopi halak Kristen di tingki panuratan ni Evangelium Johannes, i ma paraloan sian horong Gnostik (Gorik). Alani i, “ pola bahasa ” na sinurathon ni buku Johannes on mamangke hata filosofis songon na masa hatiha i, di na laho mangalo tantangan na ro sian horong Gnostik
Baca selengkapnya