AJARI HAMI MAMILANGI ANGKA ARIARINAMI ( PSALMEN 90 : 1 - 12 )

PANURATAN JAMITA MINGGU UJUNG TAON PARHURIAON

HKBP Efrata Lorok Ressort Palembang

Minggu, 21 November 2021

Evangelium : PSALMEN  90 : 1 – 12

Angka dongan na hinaholongan di bagasan Tuhan Jesus Kristus..!!

I.                PAMUHAI 

Adong dua halak ina na di bagasan habot ni roha siala parmonding ni ianangkhonnasida. Duansa inanta i mansai holong rohana tu gelengna naung monding i. Alai, marasing do na binahen nasida patuduhon lungun ni rohana.

Ina na sada: lam malungun do rohana molo niida ibana angka barang ni ianangkhonna i. Umbahen i, dipaharuar ibana ma sude barang ni ianangkhonna i sian jabuna: Sude pahean, buku dohot angka foto ni ianangkhonna i dibolonghon ibana.

Ina na sadanari: asing do muse na niulahonna. Kamar ni ianangkhonna i ndang boi manang dihahua. Songon i ma paheanna na targantung, songon i ma. Sipatuna pe hot do di rak sipatu. Bukuna pe hot do di meja belajar. Di sude sudut ni jabu, digantunghon ma foto ni ianangkhonna i.

Dua pangalaho na marasing na pinatuduhon dua inanta i. Alai, tung pe marasing na binahen ni nasida patuduhon lungun ni rohana, ndang na gabe mago lungun ni roha ni nasida. Umbahen lungun ni roha ni nasida i do na mambahen gabe tubu konflik perasaan na mambahen gabe kebingungan laho patuduhon na di rohana.

Molo tarimangi pangalaho dua inanta nangkin, ndang na denggan hape na binahen ni dua inanta i:

-   Inanta na sada: mansoadahon parungkilon na niadopanna.

-   Inanta na sadanari: pahothon parungkilon na niadopanna.

Umbahen i do godang jolma na tagonan padaohon dirina sian lungun ni roha, lumobi molo ditaringoti taringot tu “hamatean.” Hamatean tu sisolhot, keluarga, na hinaholongan ni rohana, nang tu dirina sandiri.

Hape, ndang na so diboto jolma: “na ingkon mate do saluhut jolma na mangolu di portibi on!” Ingkon marujung do di tingkina be. Ndang adong na manontong di portibi on!

Tagonan jujur ma hita tu dirinta sandiri jala tatopoti saluhutna na masa di ngolunta on: nang di angka parungkilon, hamaolon, lungun ni roha, habot ni roha dohot di sude tahe na mambahen gale dirinta!

Jala molo naung jujur hita tu dirinta sandiri, disi ma hita marningot: “na ingkon adong do di hita na gabe pangalualuonta!!” Ise do na boi gabe inganan pangalualuonta molo so Tuhanta Jesus i!

Jala na pinangido ni Tuhanta, i ma haradeonta manjalo na masa di ngolunta! Di na rade hita manjalo parungkilon, hamaolon, lungun ni roha, habot ni roha dohot di sude na mambahen gale dirinta, laos disi do dipapatar Tuhanta hadirionNa!

Songon Parpsalmen na pasahathon dirina tu adopan ni TUHAN i. Rade rohana manjalo na masa di ngoluna, dung i tangkas ma idaonna hadirion ni TUHAN i! Dialuhon ibana do saluhutna na masa di ngoluna marhite tangiang!!

Angka dongan na hinaholongan di bagasan Tuhan Jesus Kristus..!!

II.              POINTER  JAMITA

Tangiang na pinaandar ni turpuk jamita di Minggu Ujung Taon Parhuriaon on ma na gabe sipasingot, laos gabe hagogoon na imbaru di hita di na manguduti parngoluonta.

Tangkas dibuhai turpuk on marhite hata “Tangiang ni si Moses, naposo ni Debata!” Dipatuduhon ibana do “tangiang do dalanna asa taruli ibana di hagogoon ni TUHAN i.”

 

Alani i, tapaihutihut ma na naeng dipaandar turpuk jamita on tu hita!!

 

1.     TUHAN Na Manontong Ro Di Salelenglelengna!

Somalna molo martangiang hita, tadok do jumolo “pujipujian di TUHAN na badia i.” I do na nidok ni Parpsalmen di turpukta sadari on.

 

Alai, umbagas do na nidokna laho mamuji TUHAN i. Didok ibana “sai Ho do haporusannami marsundutsundut” (Tuhan, Engkaulah tempat perteduhan kami). Pamuhai ni tangiang i gabe hataridaan panghaporseaon ni Parpsalmen maradophon TUHAN i.

 

Kalimat pertama dalam doa Pemazmur ini sungguh melibatkan PERASAAN:

-   Dihaposi jala dipanghilalahon ibana: TUHAN i do inganan parlinggoman ni ngoluna ala marsak do ibana mangadopi na masa di ngoluna.

-   Dihaposi jala dipanghilalahon ibana: TUHAN i do na mangaramoti ngoluna ala pandonganion mangadopi na masa di ngoluna.

-   Dihaposi jala dipanghilalahon ibana: TUHAN i do sasadasa na gabe inganan pangalualuanna ala holan TUHAN i do na manangihon saluhutna na adong di rohana.

TUHAN tidak hanya mendengar doa, tetapi TUHAN juga menyimak perasaan-perasaan yang ada di dalam doa

Perasaan adalah unsur yang terpenting di dalam setiap doa!!

 

Lapatanna:

Ganup ari ingkon di bagasan roha na marsitutu do hita martangiang tu adopan ni Tuhanta i!

 

Molo didok “TUHAN i do haporusan,” didia do “haporusanta i maringanan??” Na holan di Gareja do?? Daong!

Umbahen i, bahen ma Ibana songon “Jabu” manang “Inganan Haporusan!” Jala bahen ma TUHAN i mian di “bagasta” manang “jabunta” dohot nang di “Bagas Joro” on!!

 

Lam tapatigor ma ngolu ni haporseaonta na tartuju: tu las ni roha ni TUHAN i, ndang na las ni rohanta tapatujolo!

 

Bahen ma bagasta gabe inganan na badia! Jala bahen ma Bagas Joro on gabe inganan na badia! Ala TUHAN na Badia i maringanan disi!!

 

 

Angka dongan na hinaholongan di bagasan Tuhan Jesus Kristus..!!

2. Ise Do Jolma Di Adopan Ni TUHAN I?

 

Ise do hita di adopan ni TUHAN i?

 

Pertanyaan yang menyadarkan kita tentang siapa kita di hadapan TUHAN!

-   Kita mungkin orang yang terlihat hebat di hadapan sesama kita!

-   Kita mungkin orang yang terlihat baik di hadapan saudara-saudari kita!

-   Kita mungkin orang yang terlihat lembut di hadapan keluarga kita!

-   Kita mungkin orang yang terlihat beriman di hadapan jemaat!

 

Tapi apakah kehebatan, kebaikan, kelembutan, keimanan atau hal yang luar biasa di hadapan sesama menjadi acuan bagi kita bahwa kita orang yang sesuai dengan kehendak TUHAN??

 

Ise do hita di adopan ni TUHAN i?

 

A.     Bereng Tano I, Sian I Do Pambuatanmu!

 

Ayat 3 di turpuk on tarsurat,

“Sumuang do gabe orbuk jolma i dibahen Ho, dung i didok Ho muse: Mulak ma hamu, ale jolma manisia”

(Engkau mengembalikan manusia kepada debu, dan berkata: Kembalilah, hai anak-anak manusia!)

 

“Mulak ma hamu!” “Kembalilah” “Muli ma” tu haborhatanmu hian! I ma sian tano do parmulaan ni jolma jala mulak ma i gabe tano! Sian orbuk do parmulaan ni manusia jala mulak ma i gabe orbuk!

 

Molo didok sian “orbuk” (debu) na marlapatan na mura diulushon do ianggo jolma on gabe habang manang tu dia! Manusia gampang diombang-ambingkan dunia ini!!

 

Apakah kehebatan, kebaikan, kelembutan, keimanan atau hal yang luar biasa di hadapan sesama menjadi JAMINAN bagi kita bahwa kita akan hidup selama-lamanya??

 

Lam maju pe teknologi, parbinotoan nang ilmu kedokteran: Ndang na boi mangambati hamatean!

 

ILMU KEDOKTERAN mungkin BISA MENUNDA KEMATIAN, tetapi TIDAK DAPAT MENIADAKAN KEMATIAN!!

 

Semaju-majunya dunia ini, tidak akan pernah bisa meniadakan kematian! Itulah identitas manusia yang pertama: Bahwa manusia tidak ada yang abadi, semua akan kembali kepada kematian!!

 

 

B.      Songon Bunga I Do Kualitas Ni Jolma!

 

Molo taingot naung sanga viral sataon na salpu taringot tu “aglonema” dohot “janda bolong,” sampe marjuta argana, hape nuaeng songon dia?????

 

Tudos tu bunga i do jolma on: Satongkin martumbur, marbunga, dung i malos, hira so mararga!! Ida ma molo laho hita mangapuli keluarga na marhabot ni roha: Molo burju na monding i, sai godang ma jolma na mamuji ibana tagan di ngoluna! Hape dung salpu sabulan, sataon, sampulu taon, dihalupahon nama i!!

 

Jala sian ilmu gerontology (ilmu tentang lanjut usia), ada 3 bentuk kemerosotan yang dialami oleh manusia:

 

a.      Secara biologis, menjadi tua berarti merosotnya kondisi fisik dan keadaan kesehatan.

-   Saat kita menjadi tua, kemampuan reflek akan berkurang, lensa mata menjadi kurang elastis, penglihatan kurang tajam dan tidak dapat melihat jauh (presbiopa), tingkat daya pendengaran berkurang (presbikusis)

 

b.     Secara psikologis, menjadi tua berarti merosotnya kemampuan berpikir dan mengingat (dimensia)

 

c.      Secara kronologis, menjadi tua berarti merosotnya usia hidup.

-   Semakin berkurang kesempatan hidup, dengan kata lain semakin dekat dengan kematian jasmaniah.

 

Itulah identitas manusia yang kedua: Bahwa manusia tidak akan selamanya berbunga, semua akan layu pada waktunya!

 

Lam Tamba Ari, Lam Moru Do Ariari Ni Jolma!

 

 

Angka dongan na hinaholongan di bagasan Tuhan Jesus Kristus..!!

3. Parrohai Ma Hami, Ale Tuhan Jesus Kristus!

 

Naung jam piga do saonari?

Naung tanggal piga do saonari?

  

Sasatongkin ro do sungkunsungkun i di hita. Umbahen i:

-   Satongkinsatongkin tabereng jam-ta: di tangan, di dinding, di handphone.

-   Godang do kalender di hita, adong na dua manang lobi.

-   Godang do jam di hita: jam dinding di ruang tamu, jam dinding di kamar, jam dinding dapur, jam tangan, jam di sepeda motor, jam di mobil  dohot jam di handphone.

 

Ganup ari do hita manungkun ari manang partingkian:

-   Di tingki dakdanak, sae dietong do piga ari nari Ulang Tahunna.

-   Di tingki Singkola dohot Kuliah, sai dietong do piga ari nari libur, ujian, tamat singkola, seminar proposal, meja hijau dohot wisuda.

-   Di tingki laho marhasohotan, sai dietong do piga ari nari laho hari-H.

-   Di tingki marsahit, sai dietong do naung piga ari marsahit jala piga ari nari malum sian parsahiton i.

 

Hidup ini diukur dan diatur oleh waktu: Satu Jam, Satu Hari, Satu Minggu, Satu Bulan, Satu Tahun, dan seterusnya. Kita semua sadar waktu. Kita terikat pada waktu.

 

Artinya: Kita tahu bahwa waktu sangat terbatas!!

 

Molo songon i, adong do panghorhonna? Ada beberapa kemungkinan akibat dari hal tersebut:

a. Karena sadar waktu, kita menjadi tergesa-gesa dan gugup.

-   Setiap pagi menjadi terburu-buru untuk ke tempat kerja, ke sekolah atau ke kampus.

-   Semua dilakukan dengan serba cepat.

 

b.Karena sadar waktu, kita jadi bersikap mumpung.

-   Positif: Memanfaatkan segalanya dengan baik tanpa ada waktu yang terbuang sia-sia.

-   Negatif: Menyalahgunakan kekuasaan dan berkat yang diterima.

 

c. Karena sadar waktu, kita menjadi kesal dan bosan.

-   Bersungut-sungut dalam menjalani hari-harinya.

 

Ketiga hal itulah yang sering terjadi secara umum di dalam kehidupan manusia yang selalu menghitung jam dan waktu serta hari.

 

Umbahen i do dipangido Parpsalmen alternatif tu TUHAN i! Dipangido ibana di bagasan tangiangna: “Sai parrohai ma hami mamilangi angka ariarinami, asa dapotan roha na bisuk hami” (Ajarlah kami menghitung hari-hari kami sedemikian, hingga kami beroleh hati yang bijaksana).

 

Parrohahon ma na pinangido ni Parpsalmen i: Ndang dipangido ibana: “Las ni roha,” “Hatuaon,” “Roha na mandok mauliate” nang “Panghirimon!!” Na so porlu do i?? PORLU do!!

 

Alai, adong do na rumingkot sian i, i ma:

 

ROHA NA BISUK!!

 

-   Adong do halak na marlas ni roha, hape ndang marbisuk mamangke las ni roha na di ibana, gabe madabu tu bagasan dosa!

-   Adong do halak na martua, hape ndang marbisuk mamangke hatuaon na di ibana, gabe olo patutoru donganna!

-   Adong do halak na di bagasan roha na mandok mauliate, hape ndang marbisuk mamangke “hamauliateon” na di ibana, gabe sahat tu ginjang ni roha!

-   Adong do halak na di bagasan roha na marpanghirimon, hape ndang marbisuk mamangke “panghirimon” na di ibana, gabe sahat tu manghirim ibana holan tu roha pardagingon sambing!

 

 

Angka dongan na hinaholongan di bagasan Tuhan Jesus Kristus..!!

Di Minggunta sadari on, tangkas ma hita saluhutna na pungu dison, di bagasan unduk dohot serep ni roha mamuji asi ni roha ni Tuhanta na patolhashon hita sahat tu Minggu Ujung Taon Parhuriaon on. Tangkas hita mangarimangrimangi pardalanan ni ngolunta di sada taon parhuriaon on umbahen boi hita marpungu di bagasan tingki on.

 

Sadari on molo tarimangrimangi, dijahaon do sadasada angka goar ni naung monding di bagasan sada taon parhuriaon, ndang holan na di huria on, dohot do di huria na asing.

 

Saonari, manangihon dope hita di angka goar na jinahahon, andorang so boi be haduan tatangihon goarta na jinahaon disi!!

 

Molo diloas dope hita manangihon angka goar naung jumolo sian hita, laos disi ma hita marningot di na laho mamangke partingkian marhite bisuk sian TUHAN i.

 

Unang sanga lemba hita di partingkianta, nang apala sada jom, nang di na laho peak pe di podomanta. Umbahen i, huarahon hami ma tu hamu sude na pungu dison asa paradehon tingki, lumobi di na laho modom.

 

Unang loas hita na so disesa dope dosanta, molo naeng peak hita di podoman. Ala ndang sada dua be jolma na mate di tingki modom ibana!

 

Unang jolo modom, molo so DIPASESAHON dope dosa!!

 

Adong sada tangiang na ingkon botoonta, na tarsurat di Bibelta on. Tangiang aha ma i?

 

TANGIANG DI NA LAHO MATE!!

 

Ndang diboto hamu andigan hamu mate ate! Ndang binoto manang aha tangiang laho mate on! Jadi, na laho modom, atik na disi nama tingkina!! Ingkon rade ma borngin i, hira na laho mate ma!! Aha ma huroha tangiang laho mate i?

 

Adong do hamu na olo manangianghon i? Atik beha, borhat hamu marsogot dohot ahu!

 

Tajaha ma na tarsurat di Lukas 2:29-30,

“Paluaonmu ma nuaeng, ale Raja, naposoMon di bagasan dame, songon na nidokMi; ai nunga diida matangku haluaon na sian Ho i”

(Sekarang, Tuhan, biarkanlah hamba-Mu ini pergi dalam damai sejahtera, sesuai dengan firman-Mu, sebab mataku telah melihat keselamatan yang dari pada-Mu)

I ma tangiang ni si Simeon. Molo terjemahan na jumonok tu bahasa asli, songon on do didok disi:

 

(Sekarang, Tuhan, biarkanlah hamba-Mu ini mati dalam damai sejahtera, sesuai dengan firman-Mu, sebab mataku telah melihat keselamatan yang dari pada-Mu)

“Loas ahu manjalo dame na sian banua ginjang andorang so sahat ahu tu inganan hasonangan i!” Alani i, asa tapaujung jamita di Minggunta sadari on, sude ma hita di bagasan unduk dohot serep ni roha marpanatap tu hangoluan na so ra suda naung pinarade ni Tuhanta Jesus !!

Alani i, taendehon ma BE No. 353:1+4, “Di Surgo Hasonangan I”

V Di surgo hasonangan i, inganan na dumenggan i./ Tusi naeng laho muli au, asa rap dohot Jesus au.

V Na porsuk nang na bernit pe mansohot ma di surgo i./ Disi so ada dosa be, mansohot nasa jea pe.

Nuaeng, manghuling ma muse musik on angonangon dua-ayat muse, laos  disi ma lam tapaunduk be rohanta mangido asi ni roha ni Tuhanta Jesus di saluhut arsak ni rohanta alani dosa jala tapangido ma dame na sian Ibana!! Amen!

 

Syalom..!!

Selamat ari Minggu di hita saluhutna..!!

Tuhan Jesus Mamasumasu..!!

 

Pdt. Ferdinand Fernando Silaen